疫症已經橫行咗超過一年，對我哋嘅日常生活當然有好多影響，亦改變咗大家唔少嘅習慣。不過即使喺疫情下，我哋都可以從新常態中，尋找趣味！年度盛事「OpenRice優秀開飯熱店大賞」已經開始接受投票喇，今年以「日嚐作樂」為主題，希望大家從每日品嚐到嘅美食中創造樂趣，從探索餐廳中感受香港「味」力。菜式組別投票啱啱完結，7/4開始就到地區組別，快啲一人一票投選你心目中嘅地區最強食店喇！
港島係上班族集中地，「搵食」之餘當然要苦中作樂搵埋好嘢食。提起港島區嘅人氣餐廳真係數之不盡，競爭非常激烈，無返啲特色或過人之處都好難突出重圍，如果您都係常駐港島區，快啲睇睇今年「OpenRice優秀開飯熱店大賞」嘅港島區入圍名單，睇吓有邊間餐廳仲未去過！
百萬配方麵包 Burger Joys（中環）
圖:FANKANA
鍾意食Burger嘅朋友，一定對呢間港島漢堡名店唔陌生！老闆Manu都係一個漢堡迷，所以對製作漢堡包非常執著。除咗漢堡選用肉味濃郁嘅USDA安格斯牛肉，連麵包都好講究，餐廳用嘅法國牛油包 Brioche Buns，係老闆向法籍米芝蓮糕餅總廚好友 Michael Gillet用過百萬購得，香脆鬆軟有口感。
冠軍級拉麵大師主理 立体派拉麵（中環）
由日本冠軍級拉麵大師林隆臣創立嘅拉麵品牌，大師曾經贏過三個全國拉麵冠軍嘅頭銜，認真巴閉～招牌白湯拉麵湯底以日本米鴨、有機飼養嘅京都丹波地雞同埋籠目昆布熬製六小時而成，味道濃而不油膩。拉麵以百分百優質小麥粉、雞湯同雞蛋自家手造，夠哂彈牙。而海體醬油湯係大師特意從日本帶嚟香港嘅湯底，用咗九款唔同日本醬油調配，有濃濃嘅醬油味之餘又唔會太鹹。
前四季餅廚首間烘焙店 Bakehouse（灣仔）
由曾於香港四季酒店擔任八年糕點行政總廚Grégoire Michaud開設嘅烘焙店，全部於現場新鮮製作及烤焗。招牌酸種麵包以天然酵母發酵36小時，軟綿有質感。其他人氣食品仲有維也納甜酥麵包（viennoiseries）系列，如朱古力酥、牛角包以及招牌酸種葡撻等。
家庭風味小店 閨•家（北角）
圖:why_719
一間高質素嘅港式餐廳，主打平價無味精茶餐廳食物及自家燉湯。香煎蓮藕餅豬扒飯係佢哋招牌菜，蓮藕餅煎到啱啱好，外層香脆蓮藕味濃郁。豬扒用鮮榨果汁同秘製醃料取替砂糖等調味醃製，肉質軟腍，配上蔥油及秘製醬油一齊食，送飯一流！
價格親民omakase 雲壽司（銅鑼灣）
超親民嘅廚師發辦，價錢分三個等級，由最平$380到最貴$680都好抵食，唔想食omakase都有各樣刺身、壽司拼盤及單點選擇，CP值一樣咁高，唔好以為平用料就會次一級，所有食材每日由日本空運新鮮直送到港，難怪餐廳長期都咁受歡迎。
想支持心水餐廳，記得注意返投票日期：
菜式及新餐廳組別：3月24日 – 4月6日 （已完結）
地區組別：4月7日 – 4月20日
您亦可以分享一張與美食的快樂時刻😋到個人FB/IG (必須設定為公開)，加Hashtag #日嚐作樂 #OpenRice。完成整個投票活動後，即有機會贏取獎品總值超過30萬！
*活動須受條款及細則約束
文: Yanica
