AndyChan9980的个人专页

豪牛，位於灣仔謝斐道，一間以港式打邊爐為主打嘅餐廳，餐廳經常播放強勁嘅香港流行曲，打邊爐就係要咁先有氣氛。打邊爐最緊要係個湯底，招牌豬骨蜆湯，湯底極濃，但係又唔係太油膩，豬骨同大蜆都超多相當足料。食物方面大推豪牛拼盤，餐廳店員會簡單介紹每一款牛肉嘅特點，首推封門柳，有咬口得來又非常軟嫩，牛頸脊油花分明，牛小排屬於最軟嫩嘅部份，入口即溶。牛匙柄肉味最濃，非常有咬口，最特別當然係牛胸爽口感有趣非常好食。特別一提牛丸真係必食，超級超級彈牙，而且非常多汁Juicy。…查看更多

都有一段時間冇嚟銅鑼灣牛站，但係無論隔咗幾耐，每次嚟到牛踭食物水準都仍然能夠保持，亦都差不多每次總會有一啲新嘅湯底，今次就試咗一個蟹皇海鮮湯，湯料簡單，但係味道相當豐富，有新鮮蝦同埋蟹黃，海鮮味相當濃郁用嚟打邊爐真係一流。餐廳牛肉種類非常之多，基本上每次都會食其中四款，首推美國極黑和牛，肉質軟嫩，牛肉味道出色。另一款就揀封門柳，牛肉非常有咬口新鮮好食。餐廳最近推出更加有大頭蝦任食，大頭蝦非常大隻，蝦肉彈牙新鮮，仲有相當多蝦膏，回本必食。食飽之後梗係食返個甜品，首推Häagen-Dazs雪糕，食多幾杯就抵返晒。…查看更多

真係好耐都無去過天天海南雞食飯, 係太古城新開張都未去過, 今晚終於有機會舊地重遊, 地點不同, 食物依舊保持質素.天天海南雞中份 – 雞肉依然嫩滑多汁, 雞皮真係好薄, 連少少肥膏都無, 真係好少脂肪, 感覺好健康. 配埋甜黑醬油, 辣汁, 蒜蓉, 真係一流好食. 油飯一如以往, 飯粒分明, 大大碗, 色香味俱全.新加坡檸檬鳳爪 – 相當有特色的一個小食, 無骨鳳爪一啖食入口, 非常方便, 味道酸酸辣辣好開胃.黑胡椒羅氏粉絲佘煲 – 食呢個煲真係唔知蝦係主角定係粉絲先係主角, 大大隻蝦, 蝦肉彈牙好食, 黑胡椒味道出眾, 粉絲完全吸收晒黑胡椒蝦味道精華, 相當好食.…查看更多

復活節假期當然選擇留港消費, 支持下有質素的餐廳, 其中係灣仔合和商場新開的日山, 可以說是一間極具實力的餐廳.日山 - 日本東京米芝蓮壽喜燒餐廳, 餐廳以提供頂級壽喜燒為主打, 餐廳佈置極具日本傳統風味, 有大量日本珍貴古董佈置, 日式設計, 座位舒適, 更有和式設計VIP 房間, 私人派對或商務聚餐都一流.第一次來簡簡單單叫了一個套餐, 前菜, 煮物, 壽司, 壽員燒, 烏冬, 樣樣有, 每道菜式都非常精彩出色. 魚子醬和牛卷, 魚子醬多到滿瀉, 魚子醬鮮甜好食, A5和牛入口即溶, 人間美食.鵝肝和牛壽司, 牛肉半生熟之間, 鵝肝入口即化, 好食.最出色的, 當然就是日式壽喜燒, 傳統日式味道, A5 和牛油脂分佈均勻, 入口滿滿幸福感覺.…查看更多

漁家, 一間位於筲箕廟東街的小店, 以日式串燒為主, 店鋪小小, 但是餐廳店員服務一流, 廚師用心制作, 可以做到每樣串燒食物都各有特色, 絕對是值得一再幫襯的小店.辣味煮花螺, 份量相當多, 熱辣辣煲仔上菜, 酒味香濃清甜, 花螺微辣, 老幼咸宜.鹽燒白鱔, 表面燒到脆卜卜, 白鱔外脆內軟, 新鮮好食鵝肝牛肉卷, 造型非常特別, 用牛肉片包著鵝肝, 燒到好似一個牛肉球咁, 鵝肝入口即溶, 牛肉相當有咬口.粟米用心制作, 斬件上菜, 進食時非常方便, 味道鮮甜好食.…查看更多

Dan Ryan 位於太古城中心商場，位置非常方便，餐廳坐位非常寬闊，雖然都有一段時間沒有來，但是餐廳慣用鋪枱面的白紙確實令人懷念。餐廳一如既往，餐前麵包，凍檸茶都是無限任添。食物方面亦保持高水準。凍肉芝士拼盤，確實有驚喜，有兩款不同口味芝士，巴馬火腿，全麥餅乾，啤梨，合桃，巴馬火腿味道極濃郁，有咬口，唔會太咸，好食。合桃脆卜卜。水牛城雞翼傳統辣醬，味道微辣，老少咸宜。芝士焗薯皮，煙肉配上酸忌廉，薯皮略厚，有少少肉，正。主菜一定係叫傳統豬肋骨，大大件，抵食，口味保持水準，不會太乾身，醬汁酸酸甜甜好味道。…查看更多

香馥樓，位於銅鑼灣廣場二期，酒樓位置非常方便，座位寬敞舒適，環境明亮乾淨，周末中午茶市都座無虛席。午市點心選擇非常多，傳統得來又有fusion 新創意。有機豆漿鮮竹卷，有別於其他酒樓造法，用有機豆漿浸鮮竹卷，豆味濃，餡料豐富，菇菌極多，清淡得來又幾好食。紅米春風得意腸，腸粉粉粉紅紅非常特別，內包膠肉新鮮彈牙，重點是油炸鬼仍然脆卜卜。香煎櫻花蝦蘿蔔糕，用料十足，蘿蔔糕有一絲絲蘿蔔，有咬口，重點是酒樓配合的辣椒醬，真心一流。見到隔離枱中午就食緊大閘蟹放題，下次都要試一試。…查看更多

千海水產海鮮放鍋火題，位於淘大商場，餐廳佔地過萬尺，以無限量即撈即洗即煮作為主打。餐廳基本上大部分時間都全場滿座。一入餐廳門口就見到門口海鮮區，有蟹，有鮑魚，有蝦，青口，蜆，沙白等等。將自選海鮮撈起再交給店員清洗劏好，拎返埋枱就可以開餐。餐廳仲會不停補貨。推介必食三點蟹，蟹肉鮮甜結實，即劏即煮即食真係無敵。紅蝦，蝦肉結實多膏。火鍋湯底選擇相當多，有辣有唔辣。除咗海鮮之外，當然仲有大量食物甜品飲品放題。千海確實抵食。…查看更多

有朋自遠方來，朋友從外地回來，想試一下港式火鍋，當然諗到去交通方便，食物質素，店員服務又好，喺尖沙咀厚福街嘅醉胡爐啦。火焰蕃茄龍蝦海鮮鍋，以蕃茄龍蝦做湯底，湯鮮甜新鮮好味，入口滿滿海鮮味道，鍋底海鮮材料相當豐富，龍蝦青口鮑魚，龍蝦肉結實好食，鍋底仲有大量蔬菜。紫菜炸嚮鈴，響鈴包住紫菜，熱辣辣炸起，脆卜卜上菜，一流。浸湯食味道更上一層樓。黃金炸魚皮，咸蛋黃味道香濃，魚皮酥脆。手打鮮蝦丸，材料足，蝦丸彈牙，新鮮好味。…查看更多

尖沙咀漆咸圍附近隨左韓國菜之外，其實都仲有好多特色餐廳，新開張嘅三鬚料理就係其中一間。唔睇餐廳介紹都唔知係邊三鬚，魷魚章魚墨魚，餐廳餐牌以三鬚為主，相當有特色，好食。涼拌花枝橘子芝士沙律，沙律菜新鮮好食，第一次食花枝沙律，非常特別。懷舊炸魷魚配日式芥末，味道同以前係戲院門口食嘅完全一樣，回憶的味道。粉葛蓮藕忌廉章魚湯，中西fusion口感特別中式味道西式口感。海王三鬚扒，章魚墨魚處理時間一流，煙煙韌韌又咬口醬汁特別大有少少辣味甜品焦糖菠蘿，菠蘿熱辣辣表面焦糖脆口甜甜地好食。…查看更多

味火鍋，一間相當有特色的火鍋放題，最特別的當然是晚市無限時火鍋放題，最長可以食足7個鐘，真係一定要提前訂位，無訂位真係唔知等幾耐。餐廳頭盤四選一，強烈推介佛跳牆，原盅燉湯超級熱，材料超級豐富，鮑魚乾瑤柱冬菇花膠瘦肉，燉湯極度鮮甜，入口極滿足。半隻芝士焗龍蝦，龍蝦肉新鮮彈牙，芝士味道濃。湯底選擇多，台式麻辣鴨血湯，辣度可自選，鴨血豆腐入口感覺正宗，不會太辣。雜錦海鮮盤，材料相當豐富，手打墨魚丸蝦丸，超級彈牙新鮮好食。…查看更多

中秋友好共聚, 朋友話要係觀塘附近食餐好, 咁緊係提前訂御膳, 訂檯之後同餐廳店員溝通，除左叫套餐仲可以散叫小菜，最新出嘅［荷乳雞］要提前預定，咁就只預定左呢隻雞，用清遠雞包住乳鴿、飯、鹿茸菌，有荷葉香味，清遠雞好漲身，肉質彈牙，裡面有乳鴿，飯，同鹿茸菌，好香，咁多功夫，唔怪得要提前預定，中菜要創新好難，御膳就成日都會有創新嘅煮法嚟到就睇餐牌，再點左豉椒炒蜆，菊子魚, 白胡椒爆炒南非鮑魚, 流沙黃金蝦, 蟹油銀芽炒飯豉椒炒蜆, 好有鑊氣, 惹味, 乾淨無沙, 新鮮, 正菊子魚，都好特別，就試下，東星班起肉，配特製柚子醬，肉質鮮嫩。由於即場點，由新鮮劏魚到制作，大約都需時要20分鐘, 心機菜值得一等。白胡椒爆炒南非鮑魚，必食之選，問餐廳店員了解何為爆炒，原來係大火猛炒鮑魚，就可以保留到鮑魚原有嘅鮮味流沙黃金蝦, 大蝦原隻大大隻上碟, 表面鋪滿咸蛋黃, 蝦肉保持彈牙好食, 咸蛋黃味道一流蟹油銀芽炒飯，乾身，蟹油夠香, 唔會感覺太油膩…查看更多

瀧宴，份於銅鑼灣糖街，餐廳走高格調日式鐵板燒路線，環境舒適優雅。餐廳服務確實一流，上每一碟菜都會細心講解，建議進食方法先後次序等等，賓至如歸的感覺。提前網上訂座，更有折扣優惠，物超所值。餐廳上每一碟菜都好似一幅藝術品，擺盤相當精美。前菜自家製醬汁煮南非鮑魚，鮑魚超級入味，軟嫩，連擺盤下面配菜粒蘿蔔都好好食。海鮮茶碗蒸，有別於一般茶碗蒸，海鮮比較濃，而且鮮甜。主菜有澳洲龍蝦，廚師傑作先將龍蝦膏挑出，鐵板燒龍蝦肉時再擺回龍蝦膏，味道超濃，龍蝦肉新鮮彈牙。香煎鵝肝配多士，鵝肝入口即溶，多士脆卜卜好食。美國頂級牛柳，有齊薄燒及厚切，牛肉味濃，厚切多汁、薄切配香蔥，口感味道不同。炒什菜，大大粒芽菜，脆嫩多汁好好食。…查看更多

都有一段時間冇嚟金鐘力寶軒，餐廳依家有齊潮州同廣東菜食，放工個陣又想食菜，又想食碗粥就啱晒。黃金花姿卷，一如以往，餐廳每一碟餸菜份量都相當多，二人八件剛剛好。炸花姿卷外脆內軟，配餐廳自家製作醬汁，酸酸甜甜好開胃。沙茶牛肉炒芥蘭，相當惹味的一碟菜，沙茶牛肉軟嫩多汁，牛肉始終最夾都係沙茶醬，芥蘭爽脆嫩，配搭起沙茶牛肉相當好食。兩碗潮州粥各有特色，蠔仔肉碎粥及瑤柱肉碎粥，材料份量都相當多，蠔仔鮮甜，粥底如傳統潮州粥一樣好食。…查看更多

牛站平時食2號餐，🐮SRF美國極黑和牛片，極唔極黑我唔知，不過次次都油脂平均肉質軟嫩， 牛板腱就有咬口，帆立貝，沙白，🦐海蝦，🐟脆鯇，海參，花膠，🦑墨魚，田雞都好新鮮，湯底每次都揀🥥🐔清甜椰子雞+滋補🐷豬筒骨鍋，又清甜又滋潤🫶🏻。除咗火鍋好食，其實牛站嘅熟食都好好食。自助區嘅🪿鴨腎，毛豆🫛，🐷台式肉燥飯，🐟爽脆魚皮，麻辣小龍蝦🦞；自助點餐嘅🐔芝麻雞翼，🐦炸乳鴿，🐔鹽酥雞，炸雲吞，醬爛糍粑，炸到脆卜卜外皮Q軟糍粑，裡面流心紅糖，真係好好食。👍🏻生果：七彩蕃茄仔🍅，菠蘿🍍，西瓜🍉飲品 ： 汽水，冷泡茶，罐裝啤酒，清酒梅酒，椰青水，竹蔗水，清潤夠渴。 甜品 ： 糕點細細件可以試晒👍🏻，雪糕櫃有齊韓國日本及本地薑旺寶🤣，仲有軟雪糕🍦。…查看更多