rikalck的个人专页

牛大人又出招啦！今期最新主題係「經典重現 復刻體驗」🕰️ 天氣轉涼當然要嘆個養生鍋補補佢🍲 我地今次揀咗 120分鐘日本A4黑毛和牛火鍋放題 絕對係大滿足之選💯重點黎啦📣 即日起至2/12 晚市點「日本黑毛和牛A4+ 套餐」即送「江蘇太湖大閘蟹🦀」一隻！ 有得食和牛又有蟹拆 真係回本之選😍講湯底先 今次試咗新出嘅 「養生菇菌燉雞鍋」 🐔 標榜全天然食材製作 菌鮮甘醇 建議大家打邊爐前一定要飲碗頭啖湯先 暖胃又滋補☺️ 至於另一邊梗係要配埋我地嘅鐵膽 秘製麻辣鍋🌶️ 咁先夠過癮！食物方面 日本A4和牛雪花一如既往咁靚 入口即溶充滿油脂香🥩 伊比利亞黑毛豬梅肉都好高質🐷 另外跟餐送嘅 澳洲M9和牛牛丸 一咬落去爆汁彈牙💦 海鮮拼盤有原隻大魷魚🦑 生蠔🦪 扇貝 全部大大隻！最正係鮮甜鮑魚可以任食 仲有3款食法 簡直係鮑魚控天堂👼小食方面今次有驚喜✨ 私心必點以下三款： 1️⃣ 蝦蝦霸霸脆多士：炸得金黃香脆 蝦膠彈牙🍤 2️⃣ 日本和牛橘梨伴豆腐：配搭清新 口感層次豐富 3️⃣ 阿嬷豆乾魚蓉麵：選用香港老字號「永樂粉麵廠」 出面好少食到咁地道嘅味🍜飲品方面 叫和牛餐可以 任飲酒精特飲「港式檸檬茶18+」 🍹 酸甜易入口 岩晒我想微醺嘅感覺😌 唔飲酒嘅都有芒檸蜜西米爽揀 最後嘆埋個 蜜桃愛玉冰 做甜品🍑 呢餐真係捧住個肚走！…查看更多

夏天熱辣辣又想食打邊爐 去牛大人就啱晒啦 佢地最新主題炎夏椰樂祭🥥 其中一款湯底木瓜椰皇嫩雞湯係我私心推介 打完邊爐完全無熱氣感覺💁🏻‍♂️ 直接當湯飲都得 我地未食就已經飲到要加湯😂因為我地本身太鐘意牛大人嘅秘製麻辣湯🌶 所以一定係鐵膽 另一款喇沙椰爺仲夏鍋下次都想試下 😍日本A4和牛雪花超靚 入口即溶 唔需要點醬都已經好香牛油味🤤 放落麻辣鍋口感就更加有層次 最重要係之後加單兩碟嘅質素係完全無分別 貨真價實👍 另外值得一提係澳洲M9和牛牛丸 比平時食開嘅牛丸最大分別係爆汁💦 海鮮拼盤有 生蠔 鮑魚 扇貝 魷魚 全部大隻又新鮮 放喺冰鎮盤度勁吸睛 當中脆肉鯇 鮑魚等等仲可以任食 鍾意食海鮮嘅朋友就有福啦👏除左湯底之外 仲有幾款椰樂祭期間限定小食同飲品 例如椰酥跳跳豬 其實係炸豬扒加炸糖同椰絲 香脆豬扒跟爆炸糖一齊喺口腔入面跳舞 💃🕺另外兩款黃金椰絲蝦丸同薯條 就要配埋香椰火焰醬同椰汁美奶滋一齊食 各具特色甜品仲有期間限定椰子味movenpick 🍦我地叫嘅A4和牛餐仲可以任飲3款椰子主題cocktail 包括粉桃椰香 冰檸伴椰 藍調微風 我飲咗冰檸伴椰 酸酸甜甜酒味唔會太重 女士們應該會鍾意🥰依家仲舉行緊知識就是折扣等一系列優惠活動 大家可以挑戰吓 答啱越多優惠越多 我地今次都贏到杯椰奶蓋芒芒爽 😎…查看更多

牛大人最新主題黑與白的盛宴🔳🔲 多款美食連湯底都以黑同白黎設計🏁 當然套餐同之前一樣可以任食日本A4黑毛和牛🐮同多款唔同做法嘅新鮮鮑魚🦪 加埋海鮮拼盤性價比極高 食物選擇比之前更加多 要試齊就要挑戰食量啦💹黑白湯底都係養生系列嘅 分別係黑金蒜皇土雞鍋 同雪白御饍豆腐鍋 因為我地本身太鐘意牛大人嘅秘製麻辣湯🌶 一定係鐵膽 所以只可以揀黑白其中一個 所以就揀左清d 嘅白湯 佢其實係三文魚配上豆腐芫荽 非常健康日本A4和牛雪花分佈平均 入口即溶 唔需要點醬都已經好香牛味🤤 放落麻辣鍋口感就更加有層次 最重要係之後加單兩碟嘅質素係完全無分別 貨真價實👍 另外值得一提係澳洲M9和牛牛丸 比平時食開嘅牛丸最大分別係爆汁💦 如果有得買都想入貨海鮮拼盤有 生蠔 鮑魚 扇貝 魷魚 全部大隻又新鮮 放喺冰鎮盤度勁吸睛 當中脆肉鯇 鮑魚等等仲可以任食 鍾意食海鮮嘅朋友就有福啦👏佢地今次更加主打3款唔同食法嘅鮑魚 分別係炭燒鹽蔥鮑魚 柚子燒汁鮑魚 同古法醉鮑魚 我自己就最鐘意鹽蔥鮑魚 佢用天婦羅嘅做法 外脆內軟又入味🤯 今次黑白盛宴仲有好多黑白主題嘅熟食各具特色 我地試左台式墨汁腸 鹽酥髒髒雞 雪映山葵豆腐 仙花雙圓 全部都係好有心思嘅配搭 色香味俱全甜品選擇非常多 有佢地自製嘅鮮草凍 自加品牌嘅雪糕 平時唔捨得食嘅movenpick 一系列嘅茶飲 甚至連而家最hit嘅手打檸檬茶都可以任叫 呢餐真係好滿足🫃#牛大人火鍋 #牛大人台灣火鍋吃到飽 #牛大人 #台灣直送 #打邊爐必選 #台灣火鍋 #觀塘 #觀塘美食…查看更多

牛大人最新套餐可以任食日本A4黑毛和牛🐮同多款唔同做法嘅新鮮鮑魚🦪 加埋海鮮拼盤性價比極高 全部高級食材 輕鬆回本💹日本A4和牛雪花分佈平均 入口即溶 唔需要點醬都已經好香牛味🤤🥩我地就揀左秘制麻辣鍋🌶 口感就更加有層次 最重要係之後加單兩碟嘅質素係完全無分別 貨真價實👍 另外值得一提係澳洲M9和牛牛丸 比平時食開嘅牛丸最大分別係爆汁💦 如果有得買都想入貨添😍海鮮拼盤有聖子 生蠔 鮑魚 扇貝 全部大隻又新鮮 放喺冰鎮盤度勁吸睛 當中沙白 鮑魚 蝦等等仲可以任食 鍾意食海鮮嘅朋友就有福啦👏佢地今次更加主打3款唔同食法嘅鮑魚 分別係炭燒鹽蔥鮑魚 柚子燒汁鮑魚 同古法醉鮑魚 我自己就最鐘意鹽蔥鮑魚 佢用天婦羅嘅做法 外脆內軟又入味 👍🏻甜品選擇非常多 有佢地自製嘅鮮草凍 自加品牌嘅雪糕 平時唔捨得食嘅movenpick 一系列嘅茶飲 甚至連而家最hit嘅手打檸檬茶都可以任叫 呢餐真係好滿足🍨…查看更多

澳南有唔少高質餐廳 食色香味環境 每樣都不可或缺 今次呢間非常之有情調嘅法國餐廳 有海旁靚景 可以帶寵物 內部裝修同服務態度都令你有短暫去左歐洲嘅感覺 🍽️💚Roasted Baby Carrot & Kale $68烤甘荀羽衣甘藍、蜂蜜牛油醬先試左個小食 甘荀足足有6條咁多 大大條但係都好嫩 烤過之後有BBQ嘅香味 羽衣甘藍用咗蜂蜜牛油嚟炒 健康得來又好味 🥕 💚Baked Halibut $248焗比目魚、蜆、牛油汁、毛豆、法式炸薯仔比目魚我自己都試過 非常難處理 皮好易痴底又好易散 佢做外皮好香脆 肉要輕輕夾起 入口即溶 牛油汁煮蜆有d白酒味 十分鮮甜 至於法式炸薯仔 第一次食呢個做法 唔知係咪法國傳統菜式 先炸完再吸滿汁 口感綿密 🐟 🥔 💛Seared “Three Yellow” Chicken $198香煎“三黃雞”、芥末薏米飯、黑松露雞湯泡沫 三黃雞皮薄脂肪少 肉汁豐富 薏米飯食落似risotto 更加彈牙 亦都更健康 除左好食 仲要好睇 佢嘅黑松露雞湯泡沫就正正有呢個效果 d泡泡好鮮甜 撈埋飯食就無咁膩 🐔 🍽️Bistro La Baie (將軍澳)📍將軍澳澳南海岸唐俊街23號MONTEREY Place地下G02號舖…查看更多

餐廳好用心佈置 一開門就見到一片鳥語花香 蝴蝶飛舞🌸🦋 估唔到未開始食就可以打卡先 好期待一陣d 食物係咪都咁靚呢 😍💛Padthai style gnocchetti sardi with bacon用左padthai 做法嘅意泰fusion 菜 調味上係padthai 果種甜中帶鹹 加埋多種香料 唔同嘅係佢用左小貝殼麵代替金邊粉 所以比較煙靭有咬口 🌶️💛Velvet Goldmine 紫醉金迷呢個名形容得好貼切 係用咗紅菜頭cream黎做嘅risotto 紫紫地色 加埋金箔夠晒矜貴💜 賣相無得彈 仲有大蝦同藍青口 兩樣都好新鮮彈牙🦐 加上有好多鮮花做配襯 真係靚到唔捨得食 🌹💛The Fallen Angel可以話係今日主角 用浮誇嘅月亮型羽毛座裝住嘅pancake 🌙 🥞 仲有個靚靚嘅皇冠擺設 👑 店員set 靚個位比我地影相 之後佢先拎入面嘅pancake 比我地 非常細心👏🏻 pancake有3層 每層都有好多士多啤梨🍓 夾埋pancake食酸酸甜甜 唔會太漏 呢個甜品都係有好多花花做配襯 少女心爆棚💕💛Milkshake香蕉朱古力奶昔🍌🍫 X芋香紫米露奶昔 🍬每一杯嘅設計都唔同 好有驚喜 杯邊圍滿爆谷 仲有個donut🍩 剩係裝飾都好好食 奶昔好濃郁creamy 香蕉朱古力有少少似韓國嗰隻 芋香紫米露就非常推薦 入口舒服 唔會太甜 😎…查看更多

同平時食開嘅麻辣火鍋唔同 一入餐廳佢由裝修 香氣 每一件物件都令你感覺去左四川一樣 食材都係比較少有 對我黎講打邊爐只係食肥牛嘅人 相當耳目一新 🏮先講湯底 我哋揀咗鴛鴦鍋 一邊係招牌麻辣鍋 另一邊係養生湯 入面有紅棗 杞子 蘿蔔 粟米等嘅配料 我哋都算食得辣 但剩係叫左小辣都辣到我地噴火 食得好過癮好惹味 真係去四川先會有呢個level 嘅辣度 另一邊養生湯就鮮甜 中和返d 辣味 所以好有必要叫鴛鴦鍋🍲🌶️💛九宮格顧名思義就係有九種由餐廳發辦嘅食材 我地當日就有牛丸 鵝腸 海帶 鮮蝦 沙巴魚 毛肚 珊瑚蚌 黃喉 鮮鴨血 每款都係兩人份量 可以一次過試晒咁多款式都唔會食唔落其他野 我就特別鍾意佢嘅鵝腸 非常白同乾淨 大部份脂肪都去除晒 好爽口 🐡🐟💛凌王蝦滑心形賣相未食都吸引 切開蝦膠見到入面見到有粒粒嘅蝦肉 所以更加彈牙又有口感🦐💛8秒土豆絲初初唔知道原來係淥8秒 煮完唔見晒 後尾先發現原來洽一洽就食先啱 粉得黎又有d 爽 入口即溶 🥔💛小群肝本身唔知係咩嚟 以為係肝 原來係雞腎 係串串香嘅經常會食嘅 外脆內軟咁 已經用咗麻辣調味 再放入麻辣湯就正🐥💛百香果檸檬茶佢係用左手打檸檬茶嗰種香水檸檬 我本身都好鍾意飲手打檸檬茶 加走百香果都好合適🍋🍽️九龍坎麻辣火鍋 (新光商業大廈) (油麻地)📍油麻地彌敦道469號新光商業大廈3樓…查看更多

裕民坊商場食肆林立 天台空中花園聖誕氣氛一流 仲有大型北極熊佈置 我地就揀左Pentola 🍝 餐廳提供二人套餐 包括餐湯 前菜 主菜同飲品 價錢都只係368起 相當抵食 👍🏻💛餐湯每日不同 是日係蕃茄忌廉湯 酸甜醒胃 非常香濃 🍅💛前菜白鰻魚茄子蓉多士白鰻魚調味有d 酸同辛辣嘅刺激口感 配搭清甜嘅茄子蓉中和 設計有層次 酸種麵包做嘅多士亦很酥脆🥖💛意大利風乾火腿拼盤有3種風乾火腿 包括廿四個月巴馬火腿以及莎樂美腸同埋寇帕火腿 風乾左24個月嘅parma ham 脂肪少 無筋 口感細緻 鮮味得嚟帶甘香餘韻 寇帕火腿擁有大理食紋嘅油脂 油脂的香滑配上瘦肉的甘甜 自然營造出不同層次的豐富口感 香印青提甜度高 中和火腿嘅鹹味 🥓💛主菜新鮮波士頓龍蝦意粉 +$100龍蝦新鮮之餘 多肉爆膏 因為開咗邊，用叉吉黎食就得 好方便 就連龍蝦鉗都拆埋肉 超細心 啖啖肉 餐廳招牌大大隻字寫住手工意粉 軟硬適中 條條分明 又特別掛汁 🦞💛炭燒安格斯封門柳配燒汁薯條 +$90封門柳非常珍貴 一隻牛只有一條 係位於牛的橫膈膜的肌肉 特點係肉質鬆軟 唔韌 而且牛肉味極濃 炭燒到7成熟 表面焦香 仍然保留到肉汁 燒汁薯條新鮮炸起 非常惹味🥩💛甜品奶凍配百香果醬 +$38奶凍可以搖得郁 奶味突出 同百香果嘅咪道都好夾 🍮🍽️Pentola (裕民坊YM²) (觀塘)📍觀塘協和街33號裕民坊YM² 3樓305號舖…查看更多

作為鐘意捐窿捐罅搵食的為食貓 工廈商廈就係我尋寶嘅好地方 今次就發掘到一間高質又唔貴嘅日本菜🇯🇵 佢哋嘅菜式款款都用心設計 令人驚喜😍🔅牛肉他他 $88相比起西餐嘅牛肉他他 佢唔係刺身 而係經過慢煮 非常嫩滑 再撈埋日本蛋黃🐣 滑到唔洗咬就吞左 味道方面有牛味 蒜蓉味我覺得可以淡返少少 令本身牛肉味更加突出 🥩🔅蒜蓉燒生蠔 $10@一隻呢個餐牌上無寫 係侍應同我地講11月做優惠 生蠔10蚊一隻 咁抵我地試左半打 燒過嘅生蠔比起生食嘅香口d 我自己鐘意燒黎食多d 🦪 🔅神之特上刺身六點盛 $198 好靚嘅擺盤 未食都已經好吸引 六款刺身包括三文魚 油甘魚 帶子 赤蝦 大拖羅 左口魚 全部都好新鮮甜美 特別要讚大拖羅 超肥美雪花 每啖都爆油 入口即溶 超正 另外第一次食左口魚刺身 佢有調味加左d 芝麻 肉質分明 下次食刺身就多個選擇 🍣🔅雜錦燒物 隨機7串 $162未上枱前唔知會係咩 充滿神秘感 抽中左雞翼 雞肉串 雞胸軟骨 雞腎 雞肝 蕃茄仔 翠玉瓜 只係簡單用左七味粉 椒鹽等去調味 可以食得到原汁原味 所以好容易就食得出師傅燒得好唔好 果然無令人失望 表面香脆 但係保留到裡面嘅肉汁 🍢🔅青龍炸蝦卷 $78長長嘅卷物 包住兩條炸蝦平婦羅 天婦羅仲保持到酥脆 加上紫菜同埋火炙過嘅芝士 再舖上蟹籽口感同味道都非常豐富 係一個出色嘅配搭🍤🍽️神木日本料理 📍觀塘巧明街114號迅達工業大廈4樓A室…查看更多

閨蜜話想去銅鑼灣shopping 之後搵間可以慢慢傾計嘅餐廳 我就搵到呢間居酒屋 菜式創新又唔貴 一試果然無去錯 😋🔸胡椒豬骨湯煮蜆 $78通常我地食開清酒煮蜆或者昆布湯煮蜆 胡椒豬骨湯可能係fusion 潮洲菜 我帶住滿滿疑惑 先飲一啖湯 哇 好鮮甜 蜆好肥美 配埋娃娃菜 神奇地又有d 日式feel🎌🔸海膽蟹子杯 $78好靚呀 用香檳杯裝住好似雞尾酒咁 蟹子嘅份量都幾多 啖啖卜卜聲 海膽上仲有d 魚子醬 真係奢侈到極緻 🍸🔸邪惡包（2件）$88顧名思義好邪惡呀🔥 食左肯定要努力做運動 但肯定唔捨得唔食嘅組合 用刺身帶子夾住煎鵝肝嘅生菜包 兩個都係我最鐘意食嘅食材 不過無諗過可以一齊食 仲咁夾🥠🔸心之蛋卷 $88切開佢原來有半熟芝士流出黎 煎到啱啱好 好juicy🥚🧀🔸燒BB露荀 $38BB露荀比一般嘅露荀幼好多 燒過好香 食落無乜粗纖維 大大啖食得好暢快🥬🔸火焰鐵板牛柳串 （2串) $88重頭戲黎啦 兩大串牛柳插喺鮮甜菠蘿上面🍍 已經睇頭十足 店員仲即場表演 一加酒一點火 大火即時將牛柳包圍 好睇之餘仲有實際作用 令肉嘅表面多一份焦香同酒香🥩🔸原條鰻魚石鍋飯 $118原條鰻魚浮誇咁搭喺石鍋上面 鰻魚汁加左落飯度撈勻 每粒飯都入晒味 珍珠米夠煙靭 貼住石鍋嘅飯焦脆卜卜🐠總體黎講 每道菜嘅處理同配搭都好有心機 用料上乘 價錢相宜 值得介紹比身邊朋友🫶🏻🍽️ 心之食堂(銅鑼灣)📍 銅鑼灣耀華街3號百樂中心12樓1203室…查看更多

喺繁囂嘅觀塘返工 包圍着我哋嘅都係茶餐廳同快餐店 想收工食一個有氣氛 有靚景 可以同三五己好好傾偈嘅地方 原來這麼遠 那麼近 就係位於海濱既ulivo 意大利餐廳 🇮🇹🍽️💚意大利雜莓沙律伴草莓醋汁 $108五顏六色嘅雜莓配上種類繁多嘅沙律菜 拼湊出一幅美麗而又營養豐富嘅圖畫🥗 紅莓通常都好酸 但係佢呢隻意大利進口紅莓又甜又多汁 配埋草莓醋汁同新鮮士多啤梨果肉 酸甜又開胃🍓💛新鮮布拉塔芝士配意大利巴馬火腿王 $168香軟綿密嘅布拉搭芝士🧀 係由鮮奶輕微發酵製成 保留到牛奶味之餘 佢半固體嘅質感 一啖咬落去會爆餡 parma ham 極高質 雪花紋唔會太鹹 完全無渣 🥓💛香腸意大利辣醬貓耳麵 $188未食之前我估貓耳麵係類似貝殼粉或者其他pasta 嘅質地🐱 但係原來我估錯晒 佢係好煙韌 口感似年糕 辣醬偏辣 有蕃茄味 再將意大利香腸切段 又惹味又香口 🍅🌶️💚加拿大豬鞍配巴馬火腿 $258豬鞍軟嫩而有肉汁 相信係先慢煮烹調 然後底面貼上parma ham 黎煎 肉汁互相混和 做到外脆內軟 味道豐富 配菜嘅BB蘿蔔清甜美味 🐖💛柑橘奶黃醬千層酥 $128千層酥好薄好脆 要小心輕輕力 再點上柑橘味嘅cream 味道清新 甜道適中 甜而不膩 🍊😋🍽️Ulivo Italian Restaurant & Bar (觀塘)📍觀塘海濱道77號海濱匯1樓9-10號舖…查看更多

今日同放工同朋友去左旺角既Urban Café 一間以貓貓為主題的樓上café 餐廳有超過40隻可愛既貓貓陪你用餐 真係好吸引 🐱💕入到店內環境乾淨舒適 冇任何異味 平日既晚上竟然會咁多人 我地就叫左cp值好高既4人餐 ($658) ✌🏻前菜💛精選餐湯 南瓜忌廉湯 味道濃郁 南瓜味好甜好出 🎃💛精選沙律 沙律菜好新鮮 入面有多款生果 配上沙律醬特別開胃 份量亦唔小🥗💛煙肉野菌溫泉蛋卡邦尼扁意粉賣相唔錯 意粉軟硬度適中 配上溫泉蛋既蛋香味 整體味道香滑濃郁 🍝💛黑松露芝士野菌忌廉意大利飯作為Risotto愛好者一定要叫 一上枱 黑松露味就即刻傳過嚟 香氣撲鼻 忌廉味濃厚 口感creamy 米飯的軟硬度則適中 不會太硬身 正呀🍚💛安格斯牛肉手工漢堡配薯條安格斯牛肉牛味好出 仲要大大塊 食落Juicy多汁 配上生菜、番茄、洋蔥等配料 感覺清爽不油膩 另外薯條亦炸得好香脆 大推 🍔💛巴馬火腿薄餅(蕃茄醬, 水牛芝士, 車打芝士, 巴馬火腿, 野菌) 🍅餅面配料豐富 餅底又夠脆 雖然係巴馬火腿 但味道唔會太鹹 經烘烤後嘅水牛芝士帶點焦香 夾雜野菌後更係加重整體香氣 🧀🥓飲品💛凍伯爵茶鮮奶 伯爵茶味好香好濃 配埋鮮奶好滑 🍼💛凍茉莉綠茶鮮奶綠茶同鮮奶嘅百分比調得好啱 作為綠茶控 一定必點 🍵💛百香果梳打好fresh呀 食完咁多嘢飲番啖就啱晒🍹🍽️URBAN Cafe (兆萬中心) (旺角)📍旺角西洋菜南街1號兆萬中心14樓…查看更多

啱啱由歐洲返黎 每日都係麵包又乾又凍 好掛住香港打邊爐同放題呀🥹 所以我就即刻諗起八幡屋 一次過滿足我兩個願望 同埋佢做緊半價 所以就食夠4個鐘 包左刺身 和牛 生蠔 海鮮 甜品 仲有好多熟食慢慢嘆😋首先刺身就有我最鐘意嘅赤蝦同帶子🦐每款刺身都新鮮肥美 任叫任食 好鮮甜 另外天婦羅亦有好多選擇 我覺得最值得推薦係金針菇天婦羅 好似一條裙 邊邊超脆 入面仲有汁添 最估唔到係平時酒店自助餐先有嘅生蠔 呢度都係任叫任食 我地食左一打質素都維持到 相當唔錯 🦪入到戲肉就係打邊爐🍲 我地揀左豬骨湯底 清清地唔會太鹹 雖然火鍋料勁多選擇 但係我地叫得D4餐 梗係狂食A4黑毛和牛先啦 果然脂肪分佈平均 入口唔油膩 但就入口即溶 但係澳洲M4牛都值得一試 相對佢會再肥少少 鐘意食肥d 嘅朋友就啱 黑豚肉片爽口柔軟 食極唔厭 🐮 另一個重點就係海鮮 一d 都唔菇寒咁可以任叫鮑魚 扇貝 海蝦 蟶子 再加埋自助餐型式同qr code 落單的熟食 真係要240分鐘先夠時間慢慢品嘗 食完仲有甜品 同雪糕 D4餐係包左Häagen-Dazs 任食 樣樣都好食 樣樣都想試 值得各位大胃王黎挑戰 👍🏻🍽️八幡屋涮涮鍋📍旺角彌敦道628號瓊華中心12樓…查看更多

神燈酒家之前都有聽過佢個大名 一直都未有機會試 今日終於有機會試到 平日嘅晚上都全場爆滿 果然名不虛傳 我哋今次就試咗幾樣招牌菜🍲👍🏻⭐️南非鮑魚啫啫雞煲 $498砂煲一黎到熱辣辣 香噴噴🔥就算我地不停比相機食先 到我地食嘅時候仍然保存到溫度 呢個煲係4人份量 有4大隻鮑魚 因為佢都好厚肉 我都有d 膽心會好難咬 但係佢𠝹左花 加埋超強鑊氣爆過 好香好彈牙 邊邊仲有d 焦香 同樣地啫啫雞都食到好重鑊氣 用左多種香料 成個菜非常惹味🐣⭐️薑蔥龍蝦銀絲煲 $588全隻龍蝦斬件爆炒 龍蝦肉滿到爆晒出黎 蝦肉結實鎖住肉汁 應該係用好猛火去炒 呢種鑊氣屋企無可能做到 出街食都買少見少 再試埋個粉絲 完全吸晒龍蝦味 蝦頭d 膏同油嘅精華索晒落粉絲 令到呢個配角同主角難分軒輊 互相輝映 🦞🦞🦞⭐️黑松露玻璃燒鵝 (1/4隻）$238呢度嘅招牌菜 只此一家 我不時諗 點解傳統燒味一直都唔會與時並進 推出d 新口味 可能因為佢嘅味道已經深深咁刻左入每個香港人嘅心入面 正因為咁 好小可有餐廳肯有勇氣去改變 所以神燈既燒鵝更加成為招牌菜 未食我都幾肯定佢係成功左 先講賣相 表皮一層非常薄 全黑色嘅黑松露🖤 唔係就咁搽上去 應該係醃咁燒嘅過程反覆調製先做到完全食晒入去 肉質鬆軟多汁 味道濃但係唔搶口 保留到本來燒鵝嘅味道 再錦上添花 🦢⭐️濃湯一級竹笙浸翡翠 $168食咁多肉食返吓菜 清清地有上湯嘅鮮味 竹笙比平時食嘅更厚 吸到更多湯 所以一啖咬落去就好似飲湯一樣 🥬最後梗係要食埋甜品呢餐先完滿 我地食左牛奶味同草莓味布丁🍮 奶味突出 好creamy🥛另外仲有桂花糕 清甜潤喉 最後最後值得一提係佢嘅前菜 平時都好少食前菜 因為多數係花生果d 但係呢度比嘅係蜜味琥珀合桃 超好食😋🍽️神燈海鮮酒家 (佐敦) 📍佐敦長樂街14-20號18廣場地下及1樓…查看更多

平時都鍾意周圍搵唔同菜式食 最近就係尖沙咀永安廣場試左 Mul Hayam Glatt Kosher Restaurant 既猶太菜🦜咁大個女真係第一次食 覺得幾特別 想分享比大家✨ 餐廳空間闊落 以落地玻璃設計 晚上環境有情調 適合情侶/閨蜜黎慢慢傾計慢慢享受💕 店員亦好好招呼笑容又親切 一黎就問我地洗唔洗要d茶/sparkling water 然後就逐樣上菜🤤🔸Mezze Platter🔸$128烤餅係新鮮做起 上到枱都仲係熱辣辣又軟熟 配左三款唔同既醬 分別係🔺𝗧𝗮𝗵𝗶𝗻𝗮 中東芝麻醬🔺𝗛𝘂𝗺𝗺𝘂𝘀 鷹嘴豆泥🔺𝗥𝗲𝗱 𝗰𝗮𝗯𝗯𝗮𝗴𝗲 紫椰菜絲🔺𝗠𝗮𝘁𝗯𝘂𝗰𝗵𝗮𝗵 慢煮蕃茄甜椒醬全部都各有特色 個人比較鍾意 🍅蕃茄甜椒醬 酸酸辣辣 香料味較重 好開胃😋🔸Moroccan Beef Cigars🔸$126 🔸Home-made Kobe 🔸$128兩款小食都係以牛肉碎餡料製成 🧆一款係牛肉春卷 另一款係炸牛肉球 春卷炸到好脆口 而牛肉球肉碎非常足料 香料咪重 牛肉亦味道濃郁🐄🔸Grilled Norwegian Salmon in Teriyaki Sauce with French Fries 🔸$278上一菜已經聞到好香 三文魚肉好厚身🍣而且皮脆肉嫩 煎到岩岩好 再配左個照燒汁 味道同三文魚好夾🐟伴碟有洋蔥粒、紅椒粒、西芹粒🥒🌶️ 成碟魚成碟菜顏色好豐富 好似一幅畫 🟧🔸𝗧𝗿𝗮𝗱𝗶𝘁𝗶𝗼𝗻𝗮𝗹 𝗕𝗕𝗤 𝗖𝗵𝗶𝗰𝗸𝗲𝗻 𝗶𝗻 𝗦𝗸𝗲𝘄𝗲𝗿𝘀 🔸$278Total有2串巨大雞肉串🍖外皮烤到微微焦香 內裡嫩滑多汁 調味唔會太多 但食勁惹味 旁邊仲配咗Vietnamese rice質感好似糯米飯咁 煙煙韌韌 好特別🍢🍽 Mul Hayam Glatt Kosher Restaurant📍尖沙咀麼地道62號永安廣場1樓105號舖(港鐵尖沙咀/尖東站 P2 出口, 步行約1分鐘)…查看更多