richardthecheong's Profile

以為大圍區都有間見得人既餐廳，同家人食好少少，用熊貓平台叫外送，一個$198既牛扒飯燶成咁，真係笑死人，重要係底同面都一樣咁燶，同食炭無分別，咁唔用心製作食物，不如唔好做啦，又糟蹋左塊扒。…Read More

後街牛排今日開完會，經過灣仔，想食吓牛排，一搵OR, 就見到附近有間好評餐廳，一於walk in 去試一下，由於今日落雨，時間又係12點，我係第一個客人，好在 walk in 都有位，下次黎最好 book 定位先。一入去就被全店既裝置吸引住，有好多同路人既擺設，食得好自在，安心；尤其是今日係6月22號，可以有選擇去支持/幫襯你想支持嘅舖頭，都唔一定有得揀....，所以要用好味，有良心既食物去鼓勵自己。前菜有凱撒沙律，蘑菇湯，水準一般以上；但果塊多士超級脆口，雖然唔係最熱，但如果可以再叮一野先上枱會好好多。到主菜上場，一見到個份量就知道要食下午茶先得，不過入到口就知值回票價！上菜時有3款不同嘅醬汁，有芥末醬、生蒜蓉同岩鹽，不過侍應都會建議你先食咗原味先。件牛腰扒，四面煎封，鎖緊晒所有嘅肉汁係裡面，順住牛扒紋理去切開去，一切開件牛扒，都只有有少許血水流出，剛剛好。入口既口感非常之好，唔會好似食和牛咁太油膩，真係會食到件扒未身既肉味。另外，呢個部位無油花，會俾西冷更加有口感。…Read More

今日端午節，忽然想食日本嘢，就去咗屋企附近嘅在家試吓佢哋嘅午餐。見到今日有蟹丼，一於試吓先！整體上食物素材十分之豐富，有兩隻蝦，兩片帶子，兩個蟹棒，更加有唔少得嘅蟹肉，同埋蟹膏，賣相相當之吸引人，相比海鮮丼有一個更加好嘅選擇。今次個前菜沙律做得十分之好，因為之前試過有一次用士多啤梨做配菜效果麻麻，另外，如果可以用少啲醬汁會係一個更加之好嘅設定。另外一定要讚下佢哋嘅味增湯，一入口有豐富嘅蝦味，之前仲試過有蜆肉。…Read More