Master Taste 8的个人专页

正好明天係公眾假期，可以好好犒賞自己一下。帝京向來以高質食物聞名，果然冇失望。BOOK唔到繁忙時間，估唔到8:30都好FULL，一入到餐廳，即刻QR CODE點返個刺身拼盤先，赤海蝦、甜蝦、赤貝、北海道鮮帶子、油甘魚、三文魚、泰式虎蝦、蜜柑鯛薄切，樣樣都好新鮮，特別係鱘魚籽醬同北海道鮮帶子，鱘魚籽鹹香，帶子又滑又嫩，食落口感真係一流。最啱我心水嘅係波士頓龍蝦，啖啖龍蝦肉，搭配特製醬汁，真係好享受。蒜蓉粉絲蒸蟶子王，蟶子新鮮得嚟又多汁，蒜香味配上粉絲，簡直係完美搭檔！仲有避風塘炒蟹，用嘅係新鮮蟹，香辣味十足，非常惹味。壽司方面，海膽拖羅鱈魚干手卷，海膽滑溜配上鱈魚干，口感好豐富！還有牛油果蟹肉最中餅，牛油果同蟹肉嘅搭配，味道好得意，細細件食多幾件都無負擔。仲有一品料理嘅美味，燒香草羊鞍同醬燒牛肉都好正！羊肉香氣四溢，牛肉又嫩又滑，明太子玉子燒嘅口感柔滑，真係好好味。總括來講，帝京呢個海鮮任食每一道菜都真係用心之作。下次有機會，我一定會再來探索多啲美味！…查看更多

今日聽完講座，同學提議去旺角創興廣場的安平燒肉食烤肉，正好可以討論下講座內容。Level 4嘅套餐主推日本A4和牛烤肉、醬燒一口和牛丁、M8和牛肩胛同壽喜燒，和牛肉質柔嫩，兩種食法同樣出色。不得不提嘅係招牌「極．厚切檸檬牛舌」，一整條牛舌放喺砧板上枱，仲有沙漏計時，圖文並茂教埋你點樣燒，烤到恰到好處，擠上新鮮檸檬汁，果香中和咗油脂，入口爽脆彈牙，真係好味到我哋一人一條。120分鐘內可以任食日本A4+和牛外，仲有頂級海鮮，霸王蝦、鮑魚、扇貝、白鱔任點任食，CP值超高！醬汁方面選擇多樣，有招牌黃金醬、蒜味鹽醬、沙茶醬等，讓人品嚐到台燒獨特的風味。自助區新鮮瓜菜、菇類多樣，仲有QR code多款台式小食、飲品、芋圓甜品，任君選擇。首次體驗食燒肉前飲啖湯，安平嘅慢熬清雞湯湯頭鮮美，為整頓飯揭開完美序幕。環境舒適，食材新鮮、高質，真係一個放鬆同享受美食嘅好地方。秋高氣爽，好適合聚會既季節，安平燒肉以優質既食材，配合豐盛既味道，如果你諗緊去邊度享受美食，安平值得一試。…查看更多

作為香港人氣日式放題連鎖店，大喜屋一向都有唔少捧場客，今次我同沙田友去食沙田廣場嘅放題。閒日5:30入座平啲，但一到六點瞬間坐滿。刺身係必食之選！三文魚油脂分布均勻，口感肥美，而且切得夠厚身，完全唔似放題質素。除咗三文魚，甜蝦、北寄貝、帶子都好新鮮，尤其係甜蝦，大大隻又鮮甜，海膽手卷啖啖海膽，好滿足！火炙壽司系列係驚喜！火炙三文魚、左口魚邊、芝士鰻魚都好好味，微微燒過嘅香味加上沙律醬，邪惡但滿足！卷物同軍艦就正常水準，記得留肚食其他嘢。熟食類亦相當豪華，有鵝肝配蘋果/多士，紅燒鮑魚瑤柱飯，大蝦伊麵，蒜蓉燒生蠔，燒乳鴿，豉椒炒蜆，全部都好好味。特別推薦鹽焗大頭蝦，肉質爽嫩，鹹香惹味。唔好錯過嘅仲有蒜蓉蒸蟶子，新鮮嘅蟶子食落真係唔同。甜品選擇多，有Haagen-Dazs雪糕、mochi、蛋糕等。飲品櫃有各式汽水、茶類同果汁，任君選擇。以$300左右嘅晚市價錢，沙田大喜屋絕對係高性價比之選！如果想同朋友盡情食餐好，大喜屋絕對係不二之選。…查看更多

呢排天氣真係話凍就凍，今日仲要陰陰濕濕落雨，搵食腳一齊衝咗入太和「新鹿鳴記」潮州菜館取暖！點知俾我哋發現咗個驚喜之作——雞酒窩！$208咋，老實講自己買材料煮都唔止呢個價，重要係勁足料：當歸片、黨參、淮山、杞子、紅棗齊晒，半隻雞，支黃酒香到未煮已經流口水！煮滾之後飲啖湯，甜得嚟酒香仲係度遊緊花園。老闆好好人，親自過嚟教路點煮先keep到雞肉最嫩嘅狀態，難怪成品咁完美！嚟得潮州鋪頭，蠔餅梗係走唔甩！呢度嘅蠔餅真正外脆內軟，蠔仔鮮甜爆燈，一啲都唔會食到粉粒，同平時出面食到嘅「粉團蠔餅」完全兩回事！另外叫咗椒鹽海魚，老闆話佢哋每日嘅海魚都冇定款，總之邊款新鮮靚仔就入邊款，今次我哋食到嘅魚炸得香口得嚟肉質依然嫩滑，椒鹽鹹香啱啱好，送酒一流！總結：寒流殺到唔使驚，呢個雞酒窩絕對係驅寒神器，加多件脆皮蠔餅，飽住個肚暖住個心，正到呢～～…查看更多

今日去咗大埔昌運中心嘅「甜言蜜語」，買咗幾個外賣返屋企當下午茶，慢慢嘆。煎餃子揀咗雙拼，粟米同韭菜兩款口味。餃子係自家製，皮薄餡足，煎得香口，外皮脆身，裡面餡料飽滿。粟米餃清甜，韭菜餃味道濃香，兩款都好夠味，食得飽肚，當一餐正餐都夠飽。多芒楊枝甘露同芒果西米桃膠芋圓，兩款甜度都啱啱好。芒果用新鮮芒果蓉，香甜自然；芋圓同西米煮得煙韌Q彈，桃膠滑身，食落好舒服。另外仲叫咗花枝丸，炸得香脆，咬落有墨魚粒，鮮甜彈牙，未返到屋企已經忍唔住食晒。呢間舖頭嘅食物質素唔錯，老闆娘用心製作，餃子、芒果蓉都係自家製，超級足料，性價比高。大家如果喺附近，不妨試下。…查看更多

心血來潮想試吓呢間「Black Coffee」，點知閒日夜晚七點幾都大排長龍！果然係人氣店，唔講得笑～入到去坐低，環境幾chill，燈光柔和，幾適合傾偈。Saliva Chicken Waffle：慢煮雞肉真係好嫩滑，辣辣哋嘅口水雞醬汁同waffle出奇地夾！旁邊仲有沙律同薯條，兩個人分享都夠晒。Squid Ink Sauce Fusilli：墨汁意粉賣相夠黑夠型，帶子同蘆筍都新鮮，意粉煮得啱啱好，掛汁力強，值得一試！Homemade Crazy Cheese Souffle Pancake w/ Bacon：呢個係朋友極力推薦～舒芙蕾班戟超鬆軟，芝士同煙肉嘅鹹香出奇地夾，食落唔會膩。仲有生日寫字服務。Crazy Cheesy Meat Ball：芝士醬包滿肉丸外面，一切開有拉絲效果，肉丸入邊肉汁滿滿，口感一流！飲品就叫咗Mango Jasmine Tea，清新解膩，啱晒配濃味食物。仲有必點嘅Nutella Baileys：Nutella加Baileys，濃郁得嚟帶酒香，係大人嘅味道。我哋叫咗幾款食物都好有心思、每碟份量夠大，真心抵食，怪唔得咁多人支持！服務幾好，環境舒服，難怪閒日晚都咁多人等位～如果大家想去，建議早少少或者預約，唔使等咁耐～…查看更多

同屋企人飲完茶行過昌運街，細路仔一聞到雞蛋仔香就扯住我去買。呢間開咗十幾年嘅小店，雖然普通，但街坊都不時幫襯。🍊香橙朱古力花生格仔餅橙香酸甜同濃郁朱古力好夾，灑滿香脆花生碎，口感豐富，食完成件都唔膩。🍫朱古力雞蛋仔外皮脆卜卜，每粒都充滿朱古力味，簡單但滿足，細路最鍾意。🥜花生粒芝麻格仔餅傳統款式依然出色，花生芝麻落得大方，煉奶份量啱啱好，長輩心水之選。☕朱古力咖啡加珍珠凍飲有驚喜，朱古力同咖啡平衡，珍珠煙韌，清爽解膩，同格仔餅好夾。臨走見到熟客同店員有講有笑，果然係街坊日常選擇。冇花巧裝修，靠實在味道同親切服務留住人心。經過附近想食小食，不妨試下呢度嘅平民美味～…查看更多

今日世叔請我打邊爐位於北角橋冠大廈嘅「北角碼頭海鮮火鍋放題」，有啲宮廷feel，裝修幾靚，仲有房可以打麻雀，啱晒一班朋友聚餐，或者公司搞活動。我哋叫咗花膠雞拼蕃茄鴛鴦湯底，兩個湯底都夠濃郁，啲料淥完掛晒味，唔使點醬油都已經好好食。賣點之一嘅即撈海鮮，聽講老闆日日親自去北角碼頭揀貨，大頭蝦、扇貝、鮑魚、花蟹、帶子款款生猛，可以自己撈完交俾師傅即場處理，確實系鮮甜！肉類都唔輸蝕，安格斯牛同小肥羊夠嫩滑，蝦滑更加係落足料，用原隻蝦肉打，食落特別彈牙。自助區啲菜款式多又新鮮，服務好有人情味。呢度開到凌晨三點，無論係想同朋友吹水聚會，定係打完麻雀醫肚，呢度都係個好選擇。…查看更多

琴日同個Friend撐枱腳，去咗沙田嘅「鐵板大師」食晏，佢哋主打鐵板餐，估唔到街坊價錢但質素冇欺場！鰻魚飯鰻魚主要系切粒，落埋個飯度炒，厚身又唔腥，燒汁甜度剛好，撈飯食真係一秒清盤。「珍寶雜扒」冇改錯名——真・珍寶！牛扒、豬扒加芝華力腸，鐵板上枱嗰陣「滋滋聲」，特別係塊牛扒，以呢個價位來講夠嫩唔韌，抵讚～邪惡小食三連擊全部即叫即炸，熱辣辣脆卜卜。雞翼同雞鎚醃得入味，蟹肉忌廉餅咬開拉絲，唔係得個名！朋友嗰杯香水檸檬鴨屎茶正常甜，我嗰杯要咗無糖——結果我贏了！茶底清香帶回甘，檸檬天然果酸好清新，完全唔需要額外加糖已經夠好飲。朋友試完我杯之後，仲偷偷哋搶咗幾啖飲，哈哈～總括來講，呢間絕對係沙田區隱世平民餐廳，人均$100左右食到捧住個肚走。侍應手腳又快，服務幾好。下次想再encore佢哋個鐵板羊！…查看更多

豆乳狂人最近推出咗全港首創嘅「泰奶豆乳系列」，今日經開沙田，試咗佢哋呢個係列嘅泰奶芋圓豆花，將泰國紅茶同特濃豆乳結合，上面鋪滿咗Lotus焦糖脆餅同奶蓋，底層系軟糯嘅芋圓，味道層次豐富，食落去好滿足。多芒豆花對於愛芒果嘅朋友嚟講，真係好正！豆花係用咗非基因改造嘅日本北海道大豆，配搭每日新鮮挑選嘅優質芒果，簡單而純粹，味道清新自然。Oreo奶蓋嘅配料份量超足，打開蓋就見到滿滿嘅Oreo碎，同埋濃滑嘅芝士奶蓋，甜中帶少少鹹香，底下仲有煙韧嘅珍珠同芋圓，咬落去口感Q彈，材料豐富。總結來講，豆乳狂人真係值得一試，期待佢哋繼續推出新產品！…查看更多

今日去咗銅鑼灣嘅「毫無分串」，一間有種港式懷舊嘅feel，打卡位多到爆嘅串燒酒場，好適合朋友聚會，氣氛超正！厚豬五花肉同鹵水牛舌咬落去唔油膩。勁鍾意嘅蒜香燒茄子，濃濃嘅蒜香，真係好好味。蒜蓉燒蠔唔係好大隻，但係鮮甜。和牛炒飯係一個唔錯嘅主食選擇。唔L同沙嗲牛麵，沙嗲醬有啲懷舊嘅味道。維他奶系列嘅菜品都好特別，維他奶奶凍芝麻冰有驚喜，芝麻味濃得嚟又唔會太膩，呢個甜品同飲品嘅配搭好特別。而維他奶芝士串燒Mix埋都好有創意，調咗芝士嘅咸味，多咗少少維他奶嘅甜味，但又唔會太奶，絕對值得一試。「毫無分串」嚟緊10月18號開始，可以坐埋一齊一邊睇英超，一邊食串燒，對球迷來講簡直係享受！依家$0.5就可以轉加加大勁量凍飲（1L），真係好爽！如果你想升級，可以用五毫子現金入大錢罌，入之前記得通知店員！總括來講，「毫無分串」食物創新又有趣，氣氛又活躍。下次再約多啲朋友一齊high爆全場！…查看更多

放假都要返公司開會，幾個同事話不如去In:joi，食返個靚靚早午餐為自己打氣！一個充滿活力同健康嘅選擇！素食早餐有時令蔬菜搭配車厘茄、炒蘑菇、茄汁豆同牛油果，色彩繽紛。加埋焦糖香蕉嘅香甜，絕對係完美嘅搭配。最特別係有個迷你酸種貝果，味道唔錯，有口感，呢個早餐好健康，食多多都冇負擔。同事係鵝肝控，見到係每天限量，即刻點咗個港式菠蘿酸種包配鵝肝牛油，菠蘿包外脆內軟，鵝肝牛油香濃得來又唔會過膩，佢份量都唔細，好適合開心share。手工日本山藥雞肉丸焗長通粉，肉丸用新鮮雞肉同山藥製作，咬下去有肉汁流出，搭配香濃偏酸嘅蕃茄醬，味道一流，令人回味。最後，拉花latte一冷一熱，無論係熱飲定凍飲，都好香滑，咖啡味適中，拉花漂亮。總括來講，In:joi味道同服務都好好，坐得亦舒適，啱啱換上咗萬聖節佈置，令人眼前一亮，多打卡位，值得一試。…查看更多

之前一班朋友去日本旅行，食過一間當地知名嘅吉列牛扒餐廳，大家都有點念念不忘。得知香港有分店，朋友約我一起去試試。餐廳裡嘅日本風格好有感覺，店員嘅服務也特別有禮，彷彿回到日本一樣。四品牛魔御膳招牌吉列牛套餐，讓我一次過可以試到菲力牛排、翼板牛、醬味薄牛和穀飼西冷。外面金黃酥脆，裡面肉質嫩滑，每一啖都超juicy！四個部位都各有特色，仲有六款醬料可以揀，可以按自己喜好調味。勝牛喜燒鍋膳嘅牛肉片好嫩滑，油脂香味十足，煮八秒再沾日本生蛋汁，口感更加滑。湯鍋裡面配料有豆腐、粉絲、菇菌和蔬菜，還有醃蘿蔔，超豐富。香脆嘅麵包包住幼滑嘅雲呢拿雪糕，呢個草莓小豆雪糕三文治外脆內軟，呢種凍熱交錯嘅感覺好正。抹茶小豆流心蛋糕嘅茶味香醇，入口甘香，甜度剛剛好，仲有紅豆嘅綿密感，真係好好味！主食像椰菜絲、白飯同味噌湯可以無限追加，我哋加咗兩轉椰菜絲，食到超飽，真係大滿足。…查看更多

今日落旺角行街，lunch時間去咗黑布街嘅申子居酒屋。申子一向都覺得佢哋做得幾好，午市又出咗定食優惠，梗係要試吓啦。叫咗刺身定食配烏冬同埋和牛漢堡定食。刺身定食嗰碟刺身好豐富，有海膽、三文魚、魷魚、三文魚籽、鯛魚同竹筴魚，款式幾多。刺身好新鮮，尤其係海膽同三文魚都幾甜，質素保持到高水準。和牛漢堡又腍又juicy，咬落去肉汁會滲出嚟，牛味夠香。兩款定食都有送牛舌、炸三文魚、麵豉湯同麻醬豆腐。牛舌好入味，炸三文魚外脆內嫩。麵豉湯同麻醬豆腐就正常水準，係定食嘅常見配菜嚟。另外叫咗芝麻雞翼，雞翼炸得幾香脆好食。總括嚟講，午市定食性價比幾抵，刺身質素有保證，配菜又豐富。如果喺旺角想搵間穩陣嘅日式定食食，申子係個唔錯嘅選擇。…查看更多

今晚嚟到大埔八號花園嘅WM，呢間一直係街坊嘅熱門食堂。今次試咗幾款招牌菜，感覺不錯。澳洲和牛面肉燴意大利貓耳朵嘅牛肉炆得好腍，味道幾入味，配上意大利貓耳朵，口感特別，幾好食。脆炸軟殼蟹牛肉堡，外脆內嫩嘅軟殼蟹巨大，完全冇想到會整隻趴喺漢堡上，驚喜十足！再加上多汁嘅牛肉，層次感非常好。WM餐牌上點一個主食就可以超抵價升級套餐，有餐湯、沙律、小食同飲品，非常划算。而家仲有加一蚊加配大樽水果茶或者啤酒，整體而言，性價比高。今次嘅用餐體驗令人滿意，下一次再來品嚐其他菜餚。…查看更多