aumandy的个人专页

呢間餐廳位於尖沙咀，連住尖沙咀地鐵站D3出口好方便！裝潢走文青風格，木系桌椅搭配暖色燈光，氛圍輕鬆～ 今次我坐卡位，拉埋布簾即刻變咗個小包廂，私隱度up ! 好適合朋友或情侶小聚🥰今次我叫咗佢嘅「推介二人餐」，都幾抵食～人均只喺百幾蚊，我同朋友食都食到好飽呢～⭐️推介二人餐⭐️💰358👉🏻夜市小食：麻吉 Griddle（牛肉夾饃）🧇餐廳最新推出食品！外層窩夫皮好香脆，帶啲牛油香同甜味，牛肉口感扎實，咬落去一次過有齊鹹同甜嘅味道，幾特別、個味道又幾夾喎～佢有分開兩件同用紙袋裝住，方便食又方便同朋友share👍🏻份量都幾大，推介💗👉🏻飯麵主食：鹽酥雞配麻婆豆腐蓋飯🍚鹽酥雞炸得好好味！唔會好油膩，外脆內嫩，有台式胡椒香～ 而麻婆豆腐小辣微麻，豆腐滑嫩，送飯一流～👉🏻廚師推介：花蓮剝皮辣椒沙蜆燉雞湯🍲份量足夠2個人share (每人啱啱好2碗）；湯底清甜，蜆的鮮味和雞肉的油香配合得不錯～湯入面都放咗香菇，所以個湯飲落都好重菇味～而剝皮辣椒帶微辣，飲落個感覺好暖胃😋，好適合而家凍凍地嘅天氣👉🏻手工甜品：麻吉芋圓愛玉配黑糖🍨芋圓煙煙韌韌，愛玉清爽解膩，黑糖甜度適中～配上雪糕、紅豆、珍珠、菠蘿，整體口感層次豐富，喺一款經典又好味嘅台式甜品～👉🏻餐飲：熱鮮鳳梨綠茶🍍：茶香清新，鳳梨果味自然，熱飲帶出果酸香氣凍鮮柳橙綠茶🍊：柳橙味清甜，同綠茶嘅味道好夾！（飲品如果想要少冰少甜都可以同店員提出啊～）呢間餐廳環境舒適，整體嚟講cp值高，食品質素有保證又啱打卡👍🏻掛住台灣美食嘅你值得一試！…查看更多

最近去咗圓方新開嘅Shake Shack，位置就喺西九龍高鐵站隔離，交通都好方便！！店舖外觀簡潔大方，入面裝修走簡約風，但又帶少少美式輕復古感覺💚木色同綠色元素令成個空間好舒服。坐低之後，仲可以望到少少海景，雖然唔係超大景觀，但係用餐時有啲自然光加上海邊景色，感覺更加chill。圓方新舖嘅環境乾淨企理，唔會好嘈吵，座位都好多，同朋友過嚟靜靜地坐吓傾吓偈/一個人食個快閃餐都好適合👍🏻我揀咗今次嘅限定新品——白松露芝士牛肉堡🍔安格斯牛肉扒煎得啱啱好，咬落去肉香好濃郁，仲有啲肉汁，食落去好滿足。芝士雖然冇誇張嘅拉絲效果，但入口好香滑，奶香同牛肉好夾，食落去好順口。加埋脆洋蔥，口感層次更加豐富。最驚喜係白松露醬，香氣好細緻，唔會太搶味，同牛肉、芝士融合得好自然，每一口都好有高級感💫麵包都好鬆軟，吸咗醬汁之後更加好食～總括嚟講，白松露芝士牛肉堡真係值得一試👍🏻牛肉香、芝士滑、松露醬香氣突出，食完感覺有驚喜～圓方新店交通方便，環境舒服又有海景view🩵喺一個好啱打卡同享受美食嘅地方。…查看更多

唔同分店嘅牧羊少年都有唔同嘅主題，銅鑼灣 Fashion Walk 嘅牧羊少年分店，就以「光影約會聖地」作為賣點。店內最吸睛嘅竹林剪影牆🎋，光線透過石材拼接嘅牆面，好特別好啱影相📷呢到環境舒適、裝修設計有藝術感、燈光柔和，好適合靜靜地傾下計，喺鬧市中一個好治癒嘅角落。相比同區其他餐廳，呢度人均百多蚊就可以食到高質餐品，絕對喺性價比之王。👉🏻自由自在1人套餐💰264（包4樣嘢！）我點咗香煎西班牙伊比利亞黑毛豬 Legado 豬鞍🐖肉質嫩滑，完全唔嚡口，好有驚喜👍🏻配上扒蕃茄、烤西蘭花同蘋果泥玉，味道層次好平衡～之後我選配咗松露蜜糖雞翼，外皮微脆，咬落去好 juicy😋松露香同蜜糖甜味加埋一齊好夾，跟餐有3隻，太好味覺得有啲唔夠喉，下次要再叫多份🤤再點咗一杯氣泡鳳梨 Lemonade，味道清爽，鳳梨香氣突出，帶少少酸甜感，配肉類菜式好解膩🍍🍋我跟餐加配咗一件朱古力合桃蛋糕，朱古力味濃郁，蛋糕口感 creamy，合桃增加咗蛋糕嘅香脆感，甜度適中，作為餐後甜品好滿足😌👉🏻奶油檸檬雞肉菠菜意大利粉💰118醬汁帶檸檬清香，配上菠菜，即使喺奶油意粉都唔會太 heavy，雞肉都好嫩滑～👉🏻草莓蛋白餅奶油霜配 Haagen-Dazs雪糕💰68我選配咗夏威夷果仁雪糕，同奶油味道都好夾，蛋白餅好酥脆，夾埋一齊食口感豐富，呢個甜品嘅外觀都好靚，粉紅色嘅甜品真喺好啱女仔打卡💗呢度仲好有文藝氛圍👩🏻‍🎨🔖📖除咗餐食，店內仲有旅行書籍同藝文元素，有漂書、寄明信片嘅活動，食飯之餘同時可以感受到文化氣息👍🏻…查看更多

同部門同事過大海team building，喺官也街附近發掘到呢間高質葡國菜！餐廳環境舒適，葡式瓷磚配木系裝修，夠晒特色，坐得舒服之餘仲方便傾計。「綜合小食拼盤」最啱分享，一次過試勻多款葡式小食；「白酒煮蜆」鮮味十足，同事們都話要encore；「葡式海鮮飯」更係全場焦點、大蝦、大蜆，魷魚鋪滿，飯粒吸收晒海鮮精華，個個食到舔舔脷！侍應服務周到，上菜速度快，好適合團體聚餐。人均$200有找，性價比高，同事們都話下次再嚟澳門一定會再幫襯！…查看更多

今次同屋企人過大海食飯，喺官也街附近發現「葡富軒」！門口好典雅，入到去見到葡式花磚同航海裝飾，環境舒服又有格調，坐低已經覺得揀啱地方～侍應推介嘅「主廚特製蟹肉釀蟹蓋」真係一試難忘，蟹肉鮮甜滿瀉，面層烤到金黃香口；「炙烤八爪魚及黑毛豬柳串」配搭有新意，八爪魚彈牙，黑毛豬肉質軟嫩；「馬介休球」炸得外脆內軟，鹹香恰到好處。侍應服務細心，會主動介紹食法同埋推薦配酒。人均二百左右，以氹仔區來講算合理。已經同屋企人講定，下次有親戚過嚟玩，一定要帶佢哋嚟試呢間高質葡國菜！…查看更多

「牛大人」呢個名應該冇人唔識，主打任食台式火鍋，食物同飲品都非常多選擇！包你食到飽🥰今次嚟咗旺角荷里活店，裝修木系，環境好大、乾淨又舒適，星期五晚好熱鬧呢～我揀咗「日本黑毛和牛 A4+」火鍋任食餐，湯底就揀咗鴛鴦鍋：養生菇菌燉雞鍋，清甜又暖胃/ 牛夫人秘方麻辣鍋，辣度可以自己揀，香辣濃郁，食到好過癮🔥今餐主角當然係日本黑毛和牛 A4+🥩油花分佈靚到好似雪花咁，入口柔嫩仲帶少少奶香，而伊比利亞黑毛豬梅肉都有驚喜，帶橡木果香，一樣咁好味～而澳洲 M9 和牛牛丸好重牛味，值得一試～江蘇太湖大閘蟹同海鮮拼盤，全部都非常新鮮！見到都流晒口水😆最令我印象深刻係鮑魚三食：柚子燒汁鮑魚清香、古法醉鮑魚帶酒香、美乃滋鮑魚酥就香脆惹味，三種做法各有特色，食到停唔到口😋除咗火鍋，仲有好多台灣懷舊小食任你食🍢！好似蝦蝦霸霸脆多士，外脆內嫩，蝦滑鮮味十足；阿嬷豆乾魚蓉麵用香港老字號粉麵，拌蔥油香氣四溢；日本和牛橘梨伴豆腐清爽解膩；烏金墨汁手作腸煙韌帶墨汁香。再加埋糖醋甜不辣、梅甘酥脆薯、士林鹽酥雞，真係好似去咗台灣夜市掃街咁，邊食邊回味☺️甜品方面我叫咗蜜桃愛玉冰同台中仙草凍，清爽解膩，食完火鍋再來一啖，覺得特別開胃、舒服。呢度嘅特色飲品：港式檸檬茶 18+ 加伏特加，酸香帶微醺，好易入口；芒檸蜜西米爽就冰涼滑順，芒果甜香加檸檬微酸，西米口感豐富，飲落好 refreshing🥭呢度嘅啤酒仲係任飲！我同朋友一人叫咗一杯 1664，邊食邊飲，爽呀🍻最後仲玩咗懷舊童年遊戲「東南西北」，擲骰仔決定方位同開合次數，睇下中咗東南西北邊個字同數字，最後會有童年玩意小禮物送比你～食飽飽又有得玩又有禮物收、成個體驗💯💯💯總結嚟講，牛大人唔止係火鍋任食咁簡單，佢係一個集合咗台灣味道、古早情懷嘅地方，食材高質、食品飲品選擇多、氛圍好，仲有遊戲互動，話牛大人喺台式火鍋界no.1真喺冇誇張架！…查看更多

糖水檔1987喺佐敦一間有地道風味嘅港式甜品小食店，甜品、小食種類多，鹹甜兼備、由1987年開業至今，已成為唔少街坊心目中嘅糖水、宵夜聖地😋👉🏻 芒果女皇💰49佢喺楊枝甘露嘅升級版！佢地用嘅係呂宋芒果🥭果肉香甜唔酸，配上超足料蘆薈、芒果爆珠、再加埋芒果粒、柚子肉、椰汁底，啖啖都好有口感，甜而不膩，絕對會再encore!👉🏻 腐竹桃膠（熱）💰39叫咗碗熱嘅感覺特別香啲又養生啲～桃膠晶瑩剔透，每啖都感覺滋潤養顏～唔少人怕腐竹有豆腥味，但呢度處理得好，完全冇異味，反而有淡淡豆香😋👉🏻 XO醬炒麵💰35夠鑊氣👍🏻用咗自家製手工XO醬嚟炒，唔會太辣但都已經好惹味～係宵夜嘅完美配搭😚（想辣啲可以叫加辣架～）👉🏻 火辣辣燒賣（8粒）💰28炸咗嘅燒賣特別好食啲💕燒賣外皮微脆，加咗椒鹽喺面作調味，十分香口～👉🏻 蒜香雞翼尖💰32少少辣又帶啲蒜香味，令人想食完再食～😋（個人覺得如果個份量可以再多啲就好了）總括嚟講，呢到食物平得嚟有水準，老闆親切有禮，感覺喺好有heart 去經營💕值得支持！如果係想食新式甜品、或者喺懷舊糖水、定喺搵個地方同朋友聚腳，我都會推薦你哋嚟呢到👍🏻…查看更多

🎄聖誕節除咗行商場同打卡燈飾，其實仲有一個暖心節目——食糖水！今次去咗沙田新城市廣場嘅研香甜品店，主打港式研磨糖水，秋冬限定嘅栗子系列真係好有季節感～一定要過嚟試吓🥰👉🏻🌰 最推介！！秋冬暖入心栗子糊（熱）💰42一上枱就聞到淡淡栗子香，佢嘅質地綿密但唔厚重，入口非常順滑，甜度都控制得好好，唔會膩～我個人好怕栗子甜品嘅栗子味做到好假/太甜，但呢款食落有種自然嘅栗子甘香～ 令我對栗子甜品大大改觀🫡呢款糖水好啱天氣凍凍地嘅時候嚟食，食完有種暖笠笠嘅感覺好舒服☺️呢款甜品仲係研香🍂秋冬限定「金暖栗子祭」系列之一，用港式低溫研磨工藝製作，口感細膩，值得一試👍🏻👉🏻研香薑汁湯丸（熱）💰32湯底係薑汁糖水，薑味夠濃但唔會嗆喉～湯丸有6粒，外皮煙韌有彈性，咬開啲芝麻餡流出嚟，食落唔太甜，配埋個薑汁令到整體味道平衡，係一款好有港式風味嘅經典糖水，冬天食特別暖胃😋👉🏻朱古力之戀（朱古力芭菲）💰78呢款甜品嘅外觀好吸引，層次分明。底層係朱古力醬🍫、棉花糖、脆脆；中層有蛋糕、士多啤梨醬，最特別係面頭嗰個芝麻雪糕！！芝麻味好重，口感細滑，同朱古力味意外地夾，食落有驚喜😚👉🏻開心果巴斯克蛋糕💰48蛋糕外層微焦🍰，內裡濕潤，食落口感軟熟，有淡淡堅果香，唔會太甜，食完唔會覺得膩，喺一款輕盈又有質感嘅選擇～…查看更多

🐟🐟🐟琴日去咗尖沙咀小魚兒碳火風味烤魚🔥我哋揀咗江團魚嘅鮮花椒BB豆花口味（btw湯底都好多選擇，唔想食辣可以揀: 黃金特濃蒜香豆花、老壇酸菜豆花、濃湯花膠雞、藥膳花雕醉雞口味）江團魚肉質真係幾肥美，油份偏重，食到好香油脂味，感覺膠原蛋白都幾豐富～😝我哋叫咗微辣小麻，麻香得嚟唔會太嗆喉，啱哂怕辣又想食辣嘅人～怕唔夠飽，都有好多配料可以加，我地就加咗個寛粉同白飯，寛粉索晒啲湯汁好正！必點！見到店入面有$10一隻燒生蠔嘅宣傳海報，即刻忍唔住叫咗半打嚟試吓！蠔身都夠大又新鮮，蒜蓉同牛油味偏重，帶有港式燒烤嘅風味，呢個價位、呢個質素真係幾抵食架～～😋飲品試咗香檳葡萄乳酸爆珠梳打，感覺清爽，我最鍾意佢嘅爆珠口感，解膩一流🥤餐廳而家做緊好多優惠！！！✅星期日至四$99一位任飲生啤✅星期日烤魚半價✨（勁抵！推薦大家星期日過嚟！）✅訂座有八折（嚟之前記得book位！）✅🦪 燒生蠔$10隻!!!（半打起叫～）…查看更多

好正餐室嘅環境走港式🇭🇰懷舊冰室風格，入到去見到裝修行「舊香港」嘅復古味道，牆上都有唔少古董裝飾，整體環境乾淨、企理👍🏻呢間餐廳屬於街坊餐室，客人多數係附近上班族或者熟客👨🏻‍💼👵🏻但我個日去都見到有唔少遊客慕名而來，想一試港式茶餐廳嘅味道～呢度有樣嘢好加分嘅係員工殷勤嘅態度，會好主動介紹佢哋嘅招牌食品，又會同客人傾偈，感覺親切、有人情味～💕 👉🏻土茯苓老鴨湯鮮雞手切米粉💰78湯底有濃濃藥材香味～招牌手切米粉口感偏爽，唔會太軟，有咬口～👉🏻炸大雞髀雙蛋飯🍗💰65雞髀炸得外脆內嫩，仲要好大隻！好好味😋太陽蛋煎得幾靚，蛋黃流心。醬汁可以自選，店員仲話如果有選擇困難，仲可以試晒4隻醬汁，好貼心呢☺️👉🏻 王精烏雞湯、胡椒豬肚雞腳湯（跟餐加配）💰各30王精烏雞湯同胡椒豬肚雞腳湯都好足料，飲落好有滋補感覺👍🏻平時好少機會番屋企飲到湯嘅你一定要嗌返碗補吓身😆👉🏻飲品💰跟餐價只喺$9凍青檸柑桔蜂蜜茶清爽解膩，酸酸甜甜好好飲～椰汁紅豆冰甜度適中，有啲cream唧喺面，小朋友或者女仔見到都特別開心啲😛👉🏻 楊枝甘露💰38最後叫咗楊枝甘露，芒果味香濃，西米同柚子肉令口感更豐富～喺嚟香港一定要試嘅甜品👍🏻好正餐室走大份量路線，食物選擇多，性價比好高！滿足晒食飯、飲湯、食甜品3個願望～推薦大家過嚟試吓～🍗🍳🍨🍲…查看更多

👉🏻 2小時任食 極上海鮮蒸氣火鍋🦀💰238（冇加一！）今次真係唔駛番大陸，都有勁抵食嘅海鮮任食蒸氣火鍋！以$238嘅價位，餐廳提供咗2小時任食放題，主打蒸氣火鍋及多款新鮮海鮮，性價比相當高👍🏻首先，海鮮嘅質素令人驚喜☺️蒸氣火鍋的設計可以俾食材保留住原汁原味，蒸出嚟嘅蝦肉好彈牙、鮑魚鮮甜、蟶子皇肉厚而有咬口，蒸扇貝配埋蒜蓉粉絲，又香又惹味～全部都大大隻、每一款都食得出好新鮮👍🏻除咗海鮮，呢度嘅肉類質素都唔馬虎架！安格斯牛小排薄切，蒸完之後仲喺保持嫩滑，我都叫咗幾碟嚟食～喺有驚喜嘅😋食完蒸氣火鍋，仲可以選擇打邊爐，湯底以清雞湯為底，味道清甜，可以配搭各式火鍋配料如蟹籽鮮蝦滑、芝士腸、牛柏葉等等，選擇都好豐富！環境方面，餐廳以木竹裝潢，有少少日系感覺，氣氛舒適，唔會太嘈吵。雖然2人枱有啲細，但服務員都會好頻密收碟，儘量確保客人有足夠用餐空間～總括而言，林洪記水產的蒸氣海鮮火鍋食材新鮮、價格便宜、cp值高！絕對值得去試吓～2個鐘絕對夠時間食架～鍾意食海鮮嘅我表示回訪程度值⭐️⭐️⭐️⭐️⭐️（5/5）！…查看更多

呢到喺一間遠離繁囂～感受地道茶樓文化嘅茶樓，隱身喺翠綠山林之中⛰️環境清幽、空氣都特別清新，好多晨運或行山人士都鍾意過嚟歎返個早茶🫖茶樓保留咗傳統港式茶樓風貌，木枱膠櫈、紙皮餐牌、一磚一瓦都充滿港式懷舊情懷。彩龍茶樓最出名係佢嘅芝麻卷、山水豆腐花、馬拉糕、煎釀茄子、臘腸卷等等，款款都係手工製作，有啲仲喺出邊好少地方有得賣～尤其喺紙包雞！！好多人都未見過（包括我）都有問啲姐姐喺咩嚟，姐姐都好風趣🤣話喺麥兜嘅「紙包雞雞巴紙紙包雞」，唔知你哋有冇聽過呢😆彩龍茶樓，唔止淨喺飲茶咁簡單，亦都喺一種生活態度：慢活、懷舊、親近自然🌿無論你係本地人定旅客，都值得嚟體驗吓～建議大家可以早少少去，避開人潮之外，亦避免熱門嘅食物會俾人拎哂😛感受最原汁原味嘅茶樓風情💛…查看更多

尖沙咀「韓國街」嘅韓國餐廳真喺花多眼亂，間間都好似差唔多咁，一時唔知揀邊間好🧐但見到呢間環境行韓式工業風格，睇落好闊落、感覺好有氣氛、佈置都好有心機、好有萬聖節氣氛🎃就行咗入去試吓啦～～～聽講佢地嘅大廚、老闆、員工都喺釜山人，想食正宗嘅釜山菜式就一定要嚟呢間啦！👉🏻 釜山商會「章三蝦」一人鍋💰128有章魚🐙（爽口彈牙～佢地仲幫我哋剪埋，好好服務👍🏻）、蝦🦐同五花肉🐖，仲加埋配菜娃娃菜、秀珍菇同韓國公仔麵，湯底嘅海鮮味好濃郁，吸收晒章魚同蝦嘅精華，鮮味十足！呢個鍋滋味又飽肚！推介！（🔔鍾意辣嘅可以揀辣味㗎～）👉🏻 韓式石鍋牛腸鍋💰128牛腸經過韓式醬料燉煮，油脂豐富但唔膩口～入面仲有牛栢菜、多種配料，湯底香辣惹味，值得一試～（鍾意食重口味嘅朋友話呢道喺佢最鍾意嘅菜式😛）👉🏻 釜山商會風味炸雞鎚💰98呢間雖然唔喺韓式炸雞專門店，但佢哋嘅炸雞🍗真心唔錯！一啲都唔比出面嘅炸雞專門店遜色！雞鎚好大隻，份量大，而炸皮好脆唔會太厚，雞肉好多肉汁，咬落去好juicy! 唔怪得之喺餐廳嘅人氣之選啦！👉🏻 醬油蝦蓋飯 （8pcs）💰148醬油蝦經韓式醬油醃製，味道偏甜中帶鹹，唔會得個鹹字、味道啱啱好，蝦肉都好鮮甜！配埋白飯嚟食，啲醬汁滲入飯粒，超入味！送飯一流😋好味到清哂成碗飯！整體嚟講，呢餐真喺食得好滿意，服務、環境、味道都好好👍🏻下次會再帶多啲朋友過嚟試其他菜式，仲會試埋佢嘅$108/90mins 任飲🍻～襯住而家呢個天氣涼涼地，坐喺佢嘅室外位，同朋友傾吓計、飲吓嘢已經非常有feel! 想飲嘢嘅朋友都唔需要過去諾士佛台啦😆…查看更多

今年去咗一轉韓國✈️食過一次呢間餐廳到而家仲念念不忘！所以我就決定喺香港搵番佢嚟食😆等我回味一下韓國之旅🇰🇷 （btw香港嘅環境氣氛，食物質素同韓國食個次一樣咁好！）👉🏻辣炒豬肉💰288我最鍾意食嘅韓國菜之一♥️佢用爐上，keep 住啲肉熱辣辣之外，仲可以溶咗啲芝士🧀俾你點嚟食～爐邊仲配埋腸仔、紫菜飯同泡菜，賣相吸引～豬肉唔會太辣，啱哂大眾香港人口味👍🏻👉🏻雙拼炸雞（招牌必食！）💰208原味：經典口味，皮脆多肉汁，上枱仲喺熱辣辣good good👍🏻香蒜蜜糖：啖啖蒜香，加上甜甜嘅蜜糖醬汁，呢個配搭好滋味呢～😋 另外配埋薯格、薯條、薯角，成件事好豐富！好邪惡😈！ 2個人食已經好夠飽～而家就到萬聖節🎃仲有刮刮卡抽獎活動！我就抽中咗韓式小食，下次嚟就可以免費食☺️你哋都嚟試吓你哋嘅手氣啦！走之前喺門口見到一個黑白影相機，唔駛入錢就玩得，幾得意😆記得玩埋先走啦！…查看更多

今日去開將軍澳呢邊，搵到呢間喺op上面都有唔少好評，仲要好近地鐵站，就行過去試吓呢間泰國嘢先🇹🇭👉🏻 原條泰式菠蘿海鮮炒飯💰98菠蘿炒飯成日食，但好少見到喺原條菠蘿上，賣相吸引之外仲好足料！飯入面有好多菠蘿粒粒同海鮮，飯粒炒得夠乾，推薦👍🏻👉🏻 泰式船麵💰62有時食個啲粉會斷開一截截好碎好難夾，佢就冇呢個問題，仲好有咬口～湯底甜甜地唔會死咸～面頭仲有好多脆卜卜炸豬皮，抵讚！👉🏻 串燒（雞，牛，豬各一）💰 48即叫即燒🔥👍🏻夠熱、肉質唔會鞋，另外個沙嗲醬汁好好味🤤精華所在～ 如果再杰身啲更容易掛到多啲汁～👉🏻 虎蝦冬蔭功💰1082-3人份量，虎蝦好大隻，值得一讚喺佢有個爐仔熱住，唔駛怕佢會吹凍咗，可以慢慢飲～👉🏻 珍多冰💰38一上到枱忍唔住講咗句「哇咁大杯嘅！」 大杯到可以2個人share 一杯～ 佢會比較甜啲，怕甜仲可以揀少甜呢個選項✅～…查看更多