Dr420的个人专页

唔知點解我好似覺得自從新冠之後，好多食肆都早收咗好多，宵夜嘅選擇又越來越少。過咗凌晨一兩點，唔係大角咀油渣麵就係狗仔粉，想食外國嘢通常都係kebab。我本身非常鍾意食burger，雖然California Express嘅burger唔算最好食（大概同Shake Shack或者Five Guys嗰啲水平差不多），但係開到凌晨5:30對於鍾意咬包嘅野鬼嚟講簡直係恩物！嗰度除咗burger之外，仲有taco雞翼同埋有餸嘅薯條嗰啲。質素大概同外國嗰啲food truck相若。雖然唔算好特色，但係香港食到咁外國嘅嘢都好難得。淨係講美國中學canteen一個禮拜起碼食幾次嘅Tater tots已經唔係度度都有！間嘢都有啲唔好處嘅，就係位置比較少，同埋比較開放，所以冷氣唔夠。我極度建議有揸車嘅朋友買上車食，門口大把位泊！…查看更多

嗰日喺海富商場做嘢，又冇食早餐，行過見到Chicken Factory半隻雞只係$75，即刻揀佢做lunch ！佢有好多種雞選擇，有海南雞又有焗雞嗰啲，但係因為我本身自己唔鍾意食骨又想惹味啲，所以就揀咗無骨沙薑雞。另外仲叫咗做碗油飯，唔使淨係食餸咁寡。隻雞肉質都過得去，雞味都合格嘅，但係砂礓就少咗啲。最吸引嘅地方就係$75就可以爆曬protein，啱晒啲gym巴💪🏻!雖然抵食，但係服務態度就真係麻麻。本身送咗個湯，我落單嗰陣明明揀咗蘑菇湯，攞嘢食嗰陣佢就俾咗個豆腐湯我。我比張單個阿姐睇同佢講話我落咗蘑菇湯，佢就淨係話俾我聽呢個係豆腐湯，仲好似好唔耐煩咁。我食緊嘢嗰陣個阿姐啱啱放飯，有個老人家埋去叫佢請啲雞佢食，個阿姐又好唔耐煩咁叫人哋走，我見嗰日咁凍，就叫個老人家過嚟俾埋我其餘嗰啲雞俾佢食。…查看更多

屯門雲川米線好多人都話好出名，又話屯門名物，仲話要排隊添。雖然我唔係好好食一啲有湯嘅嘢，尤其是係晚餐，我都要特登入去食一次。聽人講話酸麻金湯出名，兩個人去，兩碗都係叫咗呢個湯研究吓。落單個app好方便，有得揀埋面嘅軟硬程度。第一碗淨係有香茅豬扒，第二碗就貪心啲，叫咗辣腩肉、豬頸肉、同埋貢丸。一嚟到大家交換咗啖湯飲吓，原來加咗辣腩肉個湯真係惹味好多，一定要試！豬頸肉就冇乜特別，其實豬頸肉喺邊度都好難難食。但係個香茅豬扒值得一讚，個皮好脆，啲肉好腍！整體上我都覺得呢間米線唔差，肯定好過好多連鎖嗰啲，但係又唔係好似啲人講到咁神級，我之前肯定試過有好食過佢嘅米線。…查看更多

今朝起身想叫早餐食，因為瞓得晏嘅關係，平時啲粥粉麵飯好似唔係好襯，最終揀咗叫Zepplin熱狗🌭。兩個人食，叫咗兩個熱狗餐，包一份小食，同埋一罐罐裝飲品。要食方面，我哋兩個都係揀咗薯餅，因為淨係得呢樣同沙律唔需要加錢。其他嘅小食例如薯條、粟米同埋雞粒都要加$8至$15。原本有諗過散嗌多個薯餅，但係切咗之後都要$11.2個月好似奢侈咗少少💸。好彩冇嗌到因為個薯餅嚟到雖然夠熱，但係俾啲蒸氣焗都淋晒啦🤣熱狗呢，我哋就揀咗一個芝士肉醬一個美式洋蔥圈熱狗。個芝士肉醬熱狗雖然好足料，但係我覺得啲芝士可以熱返少少更加有拉絲嘅感覺。個洋蔥圈配埋燒烤醬就好好多，嚟到仲脆嘅❤️！間餐廳嘅服務都值得一讚：我唔小心落咗兩次單，佢都專登打返電話嚟俾我叫我取消返一張單，冇夾硬送兩次過嚟逼我俾錢。留意返，淨係某一外賣平台有做齊柏林，另一外賣平台係冇㗎 ！…查看更多

串燒唔係下下都要大陸味，孜然粉，有時識吓啲港式風味真係唔錯。夜宵站雖然成日要等位，但係門口泊車方便坐喺車等都可以接受。而且，佢仲超抵食，有勁多$10嘅選擇🤑！所有串無論生熟程度，窿邊，同埋調味都好適中😋港式食品例如燒賣嗰啲都加咗蜜糖，好有燒烤場嘅風味🥰勁脆嘅雞皮餃子同埋勁大兜嘅雞軟骨配埋加咗少少七味粉蛋黃醬食特別正😍！肉類呢，就可以加每張枱都有嘅柚子粉或者海鹽調味。煙肉車厘茄原來加咗芝士都幾夾👍🏻雖然多免治雞肉雞軟骨串配照燒汁同埋蛋汁都冇乜邊度會整得唔好食，但係呢度就勝在夠大嚿，唔似係買返嚟預製嗰啲🤔。QR code 落單叫嘢飲直接可以加$3叫埋個冰底🧊，唔使叫黎叫佢咁麻煩。一個冰底已經夠幾罐嘢飲！宵夜站overall真係唔錯，又抵食❤️，一定會encore！唯一美中不足係，12點就閂門，實在太早啦！…查看更多

今日放假瞓晏啲，起身走咗落去黃金海岸商場嗰間金功夫點心諗住食下午茶，點知要禮拜六係冇八折，唔緊要，肚餓冇計，俾返正價💸。見唔係特別肚餓，兩個人淨係叫咗五樣嘢：叉燒菠蘿包、鹹水角、蒸排骨、炸兩、同埋一個法式焦糖燉蛋做甜品。個叉燒菠蘿包算唔錯，上枱嗰陣夠晒熱♨️，菠蘿面範圍足夠唔會得個少少，同其他地方比都算做得出色😋！個鹹水角對比下就比較失色，脆皮部份太厚，同煙靭部份比得不適中。蒸排骨都係一般般，唔夠豆豉。最值得一讚嘅就係個炸兩👍🏻！我自己的炸兩特別情有獨鍾，無論做同食都係🤣炸兩嘅精髓就係keep到油條部份脆身，個屁又唔可以太厚一層腸粉皮啱啱好。金功夫嘅炸兩，兩樣都做到晒💯！有時食中菜嘅地方，真係唔好食外國嘢。就好似係外國你唔會走落唐人街食西餐一樣。法式焦糖燉蛋，簡直係成餐飯嘅污點。寫到明要係凍，上到嚟一啲都唔凍🙄，最憎啲又唔凍又唔熱嘅感覺🤮。仲要淨係中心部份得一片紙咁薄嘅焦糖😡！完全做唔到焦糖燉蛋嘅精髓，個甜品師傅肯定冇用過心理住🤣…查看更多