barbaours的個人專頁

身為角落小夥伴嘅粉絲，今次係聖誕期間換上浪漫紫色嘅冬季造型服飾，又點可以唔黎一路食拉麵，一路打卡拍照成間拉麵店都係冬季造型角落小夥伴，牆上的掛畫、餐桌、餐單、餐具上都有，非常可愛，同大家一起渡過聖誕及新年期間限定店由 2025年12月1日至2026年1月31日 ，各位粉絲記得留意時間，唔好錯過呢個最後打卡機會啦食物方面:極上海皇醬拌麵 : 賣相夠曬吸睛，用天婦羅麵衣製成炸蝦尾公仔非常可愛，加上魷魚圈、鮮蝦、西蘭花等配料，再撈上鮮味十足既蟹肉蟹黃醬，真係惹味都不得了蟹膏牛奶拉麵 : 材料份量十足，有軟淋嘅豬軟骨、厚身入味嘅叉燒、爽口嘅大蝦仁及半隻溏心蛋，相當豐富，蟹膏牛奶湯底香濃，拉麵掛湯力不錯栗子紫薯餅 : 外皮炸得脆卜卜，入面係栗子及紫薯餡料，口感豐富、甜度適中，配埋可愛嘅炸蝦尾玉子燒，夠曬可愛特製芭菲 : 底層係香滑嘅士多啤梨奶凍，配上雲呢拿雪糕、士多啤梨、藍莓及年輪蛋糕，夠曬甜蜜特製荔枝梳打 : 荔枝梳打加上椰果粒粒，再加上忌廉及可愛企鵝棉花糖，清爽解渴白桃奶茶 : 奶茶醇厚配上白桃清甜，再加上炸蝦尾嘅棉花糖，真係好可愛網址: https://www.instagram.com/ramenirohahk…查看更多

近排真係好鐘意食泰國野，尤其係火山排骨，所以係尖沙咀影完聖誕相就搵間泰國菜醫下肚原來 Nara Thai 係泰國過江龍米芝蓮餐廳 係曼谷連續10年被當地雜誌 Thailand Tatlet 票選為泰國最佳食府餐廳裝修充滿渡假風、孔雀藤椅、藤椅鞦韆真係有大量地方比大家瘋狂打卡拍照店內氣氛悠閒輕鬆，鄰近窗邊的座位更可欣賞迷人的維港景色，充滿假日的渡假感食物方面:入座後仲會為大家準備香脆蝦片作餐前小食，係主食未上枱之前，仲可以飲下野，食下蝦片，輕鬆一下大蝦柚子沙律 : 大蝦夠曬爽口彈牙，加入柚子肉、花生、泰式香料及酸甜醬汁撈埋一齊食，口感清新開胃泰式珍寶火山排骨 : 上枱賣相吸睛，用巨型豬脊骨及多種泰國香料醃製和燉煮兩小時，肉質煮到軟淋入味，淋上濃郁秘製酸辣芫茜冬蔭湯汁，體驗一場視覺和味覺的雙重火山爆發，味道少辣，酸辣惹味泰式滑蛋黃咖喱軟殼蟹 : 軟殼蟹炸得金黃酥脆，仲啖啖肉，再蘸上結合泰式咖哩濃郁風味、滑蛋香滑口感嘅黃咖喱汁，味道甜甜辣辣，味道層次超豐富泰式大蝦粉絲煲 : 大蝦開邊焗夠曬入味，口感爽彈，底層嘅粉絲加入多款泰式香料爆炒，吸收了醬汁和香料的精華，味道香濃惹味印度薄餅 : 印度薄餅煎得香脆，蘸上滑蛋黃咖喱汁，夠曬惹味香脆蒜蓉包 : 蒜蓉包焗到鬆脆，蘸上滑蛋黃咖喱汁，夠曬惹味泰式椰子雞湯：雞湯味濃郁，有啖啖清香椰香味，雞胸肉嫩滑，再加埋草菇、香茅及其他泰式香料，非常開胃飲品 : 點選咗鮮椰子沙冰及鮮芒果甘露沙冰，賣相色彩繽紛，夠曬泰式風味芒果糯米飯伴椰奶 : 糯米飯熱辣辣，口感煙韌，配埋香甜芒果，再淋上濃稠嘅椰漿，食泰國菜必叫甜品…查看更多

天氣開始轉涼，又係時間打邊爐，食花膠雞湯就岩曬，可以暖笠笠，滋補一下餐廳裝修夠曬有創意，除咗有充滿古典幽雅感宮廷風竟然仲可以一次去埋日本、土耳其、法國，環遊世界打邊爐，啱曬鐘意打卡拍照嘅朋友仔，可以盡情 Chill 返晚店內提供自家製特色湯底，高質手切牛肉等精選配料，邊食邊打卡，將美食帶到去你個胃食物方面 :招牌花膠雞湯鍋 : 花膠超大塊，切成一塊塊加入色澤金黃嘅雞湯，煲一煲滾就可飲左花膠雞湯先，湯底濃郁清甜滋補，再加埋花膠切片一齊食，足足飲左三碗湯先開始加埋雞件落去打邊爐，雞件切得夠大件，肉質鮮嫩手切本地牛頸脊 : 牛頸脊鮮紅，佈滿雪白油花，肉質軟滑中帶有嚼勁，油脂豐富，味道一流，牛魔王必點之選珊瑚桂花蚌雙拼 : 打邊爐最鐘意食海鮮，雙蚌鮮甜爽脆，口感彈牙，營養豐富手打蟹子鮮蝦丸 : 用上一個迴轉壽司盤上枱，賣相非常特別，手打鮮蝦丸超級爽口彈牙，加上蟹籽後，口感更加豐富更加鮮味黑松露蟹黃餃 : 蟹黃餃餡料十足，入便有滿滿嘅蟹肉，仲有黑松露味道濃郁，必點之選足料竹蔗茅根 : 竹蔗茅根夠曬足料，有埋竹蔗、茅根、紅蘿蔔、馬蹄等材料，清甜解渴，打邊爐怕熱氣飲就一流…查看更多

朋友介紹筲箕灣有間上海菜話好好食，咁就放假同佢去試下原來餐廳連續3年拎到米芝蓮必比登推介，相信質素一定有保證店內裝修帶點古色古香，坐位寬敞，仲設有特色梳化卡位，用餐環境舒適，適合一家大細聚餐食物方面:口水雞 : 口水雞肉質保持鮮嫩，淋上特製麻辣醬汁、麻醬及老乾媽，豐富嘅味道，口感有層次小籠包 : 小籠包即叫即蒸，皮薄餡靚，湯汁豐富，熱辣辣食夠曬鮮味酸菜魚片 : 酸菜魚份量好多，魚肉肉質滑嫩，入便仲有酸菜豆芽、娃娃菜及寬粉，味道濃郁石鍋蟹粉烏米飯 : 米飯用上太極圓形圖案，賣相非常吸睛，一邊係滿滿嘅蟹黃蟹膏蟹肉，另一邊係口感煙韌嘅烏米飯，味道鹹鮮濃郁，令人回味無窮，仲要每日都係限量發售，有機會一定要試棗泥拉糕 : 將紅棗蒸爛後去皮去核搗成棗泥，加入其他配料再蒸熟，口感煙韌，滿滿喱棗泥味道，清甜鮮香香茅檸檬薏米 : 薏米有助利尿去水腫，香茅檸檬清熱解膩長氣嫲嫲 : 將熱情果與茉莉花茶調製而成，再加埋羅勒嘅香味，味道酸甜，口感層次豐富…查看更多

之前去巴黎旅行都好鐘意去小酒館用餐，可以品嘗正宗地道嘅法式味道返到香港都好想搵間巴黎小酒館享受一下係上環差館上街就有一間裝潢走復古巴黎風格嘅小酒館店內牆身掛著大量黑白舊照片，大量酒樽做裝飾，配上木製家具，優雅嘅氛圍，營造出法式嘅浪漫感真係非常適合情侶約會或三五知己一同聚餐食物方面:Smoked Sardines : 底層係傳統冷湯配上意大利黑醋，煙燻沙甸魚味道濃郁，配搭上清新果香嘅麝香葡萄一齊食，味道平衡得剛剛好，一款好有驚喜嘅前菜Chicken Liver Parfait : 係法式雞肝醬配脆麵包，雞肝醬口感細膩柔滑，入口即化，帶有濃郁的肝臟香氣和奶油般的綿密感，配上外皮酥脆內裡鬆軟嘅麵包，與雞肝醬的柔滑形成鮮明對比，口感豐富，味道鮮明，令人回味Rigatoni Carabineros : 賣相非常吸睛嘅紅蝦龍蝦汁粗管麵，用上熱盤上枱，份量超多，足夠兩個人食，粗管麵口感有嚼勁，吸收曬濃郁嘅龍蝦汁，再配上超大隻嘅西班牙紅蝦，蝦肉鮮甜爽彈， 蝦膏鮮味無比，充滿鮮味嘅招牌主食之一Profiteroles : 外層鬆脆嘅法式泡芙，配上雲呢拿雪糕、鮮忌廉及朱古力醬，再淋上朱古力醬，令到口感更加豐富，美味嘅法式甜品Rose : 以玫瑰糖漿、檸檬汁、蘇打水為基調，再加上西柚嘅酸甜味道，口感清新…查看更多

中環街市活化後就進駐咗好多美食，當中一間主打台式料理的質素非常不錯店鋪喺地面美食廣場，叫餐後就可以街市內室內或者室外用餐餐廳主要提供手工麵、滷肉手工拌麵、滷肉飯、、逢甲蛋餅、款台灣小食及台式飲品食物方面 :久久紅燒半筋半肉麵 : 將紅燒牛肉塊和牛筋一起熬煮，牛肉和牛筋口感柔軟，湯頭濃郁，麵條爽口，能吸附湯汁，必點招牌之選夜市甘梅雞排拌麵 : 雞扒好大塊，外皮炸到香口酥脆，肉質嫩滑，配埋甘梅粉，味道帶少少酸甜，拌麵選擇咗麻辣味，麵條彈牙，加上滷肉粒，帶少少微辣，口感豐富古早起司芋泥肉鬆蛋餅 : 蛋餅餅皮軟熟，入便係滿滿嘅肉鬆，司加上邪惡嘅起司及芋泥，口感更為有層次麻辣鴨血 : 鴨血質感細嫩，富有彈性，滑嫩入味自家芋泥芋香奶茶 : 將自家制嘅芋泥加入芋香奶茶，奶茶香滑濃郁，飲落啖啖都有芋泥，口感一流…查看更多

天氣開始轉涼，又係時間打邊爐，食花膠雞湯就岩曬，可以暖笠笠，滋補一下餐廳裝修以宮廷風為主題，充滿古典幽雅感一入門口仲有皇帝龍椅寶座，仲可以換上古代服飾瘋狂打卡拍照，夠曬特別店內設有大量卡位，座位寬闊，放到成枱食物都無問題食物方面 :艾莎公主牛肉寶盒 : 賣相非常特別，用一個放有乾冰嘅寶盒上枱，真係好似艾莎公主出場一樣，入便有 6 款牛肉不同部位，分別係本地手切牛三角、雪花肥牛、牛展、牛柳粒、封門柳及花雕酒牛肉，當中花雕酒牛肉味道相當重酒味，味道一流，牛魔王必點之選雍禮公主•花膠雞湯鍋 : 花膠超大塊，切成一塊塊加入色澤金黃嘅雞湯，煲一煲滾就可飲左花膠雞湯先，湯底濃郁清甜滋補，再加埋花膠切片一齊食，足足飲左三碗湯先開始加埋雞件落去打邊爐，雞件切得夠大件，肉質鮮嫩珊瑚桂花蚌雙拼 : 打邊爐又點可以唔叫海鮮，雙蚌鮮甜爽脆，口感彈牙，營養豐富手打蟹子鮮蝦丸 : 手打鮮蝦丸超級爽口彈牙，加上蟹籽後，口感更加豐富更加鮮味蟹黃餃 : 蟹黃餃餡料十足，入便有滿滿嘅蟹肉，味道濃郁，必點之選自家製足料竹蔗茅根 : 用一個古代宮廷茶壺裝住相當特別，竹蔗茅根喺自家製夠曬足料，清甜解渴，打邊爐怕熱氣飲就一流…查看更多

先排搭巴士返屋企經過灣仔，發現有間裝修充滿泰國特色嘅小店，門口大排長龍今個星期就返屋企前就去試一試，睇下喺唔喺咁好食小店由泰國廚師主理，夠晒地道，夠晒正宗店內雖然不大，但設有大量座位及吧枱位置，感覺好似返到泰國用餐一樣食物方面: BB魷魚配青醬 : 用上原隻魷魚，口感煙韌入味，蘸上泰式青醬，夠曬惹味燒美國肩胛肉 : 牛肩胛肉肉質嫩滑，內裡保持粉嫩，再蘸上泰式辣醬，充滿泰式風味冬陰公湯蒸蛋 : 底層係滑溜嘅蒸蛋，加上冬陰公湯及大蝦，酸酸辣辣，非常有創意嘅菜式涼拌牛肉沙律 : 牛肉鮮嫩份量多，配上多款新鮮蔬菜及酸辣醬汁，開胃爽口Mum Mum 雞炒闊河 : 濕炒河炒得夠哂鑊氣，闊河粉口感煙韌，雞肉嫩滑入味，配埋多款配料及辣粉一齊食，充滿泰國風味咸蛋果仁豆腐雪糕 : 雪糕有香濃嘅豆腐味道，配上果仁粒及大量咸蛋碎，食落口感豐富，好有驚喜嘅配搭飲品 : 選擇咗泰式奶茶及青檸梳打，充滿泰國特色飲品…查看更多

好耐無去韓國旅行，之前去襯韓國都一定要食醬油蟹又到咗食醬油蟹嘅季節，咁鐘意食醬油蟹嘅我，又點可以唔去試下醬油蟹無限任食放題食過夠本今次就放假約埋朋友去到一間由韓國人主理，老闆同老闆娘都係韓國人，食得夠曬正宗嘅韓國料理無限任食醬油蟹老闆從事餐飲行業23年，每朝六點鐘就返店舖開始整理食材，醃制醬油蟹，醃足兩日，夠曬入味店內充滿韓國小店特色，設有大量卡位及廂房，啱曬約埋朋友一齊嚟大擦一番食物方面:醬油蟹無限任食套餐 A 醬油蟹 : 醬油蟹選用韓國直送藍蟹，第一輪就有四隻連蟹殼嘅雌蟹，隻隻都都爆曬膏，肉質嫩滑鮮甜，醬油夠入味，再將蟹膏與蟹肉拌入紫菜飯中，真係最強白飯小偷，醬油蟹之後仲可以無限添加，上菜速度快，真係可以醬油蟹吃到飽無限添加小食 : 食韓國菜就一定要食小食，有齊泡菜餅、炒年糕、炒粉絲、辣泡菜、土豆絲、醃海帶及辣醬蟹，全部都係無限添加，夠曬滋味小花蟹湯 : 花蟹湯加入白蘿蔔、豆腐、金菇、洋蔥等配料，再加埋花蟹一齊煲，清澈鮮甜，有啖啖蟹嘅鮮味，夠曬暖胃紫菜飯 : 紫菜飯上便鋪上海量紫菜絲及芝麻，用嚟做蟹膏蟹肉撈飯嘅 Perfect MatchOurs Tips : 用餐時間由入座時計 90 分鐘，第一輪後可以無限添加蟹，醬油蟹會以公乸隨意混合，套餐只限晚市提供…查看更多

作為一個海鮮控，真係任何新鮮生猛海鮮都想食原來係坪洲好出名嘅大排檔，係銅鑼灣開咗分店每日都由坪洲直送新鮮海鮮，海鮮控又點可以唔約埋朋友去 Happy Friday餐廳營造出濃厚的懷舊氛圍，由店內紅紅綠綠的木製桌椅至正門搶眼嘅霓虹燈招牌讓大家彷如穿越時空，回到昔日的街頭大排檔感覺，品嚐坪洲嘅大排檔風味店內設有大量座位，仲設有獨立廳房，約會小聚、一家大細聚餐的好選擇食物方面:口水花甲王 : 花甲鮮甜入味，肥美多汁，浸泡喺秘製麻辣汁中，辣中帶鮮，鮮中帶甜，惹味十足赤裸裸瀨尿蝦 : 瀨尿蝦食得多，赤裸裸咁上就真係未試過，上枱前已經剝埋殼，再用避風塘嘅做法，更加入味，更加惹味，啱曬唔鐘意剝殼，又鐘意食瀨尿蝦嘅朋友仔脆皮芝麻雞 : 芝麻雞超級多芝麻，香氣撲鼻，雞皮充滿芝麻香，雞肉炸到外脆內嫩，保持鮮嫩多汁，再蘸埋芝麻醬就更加惹味瑤柱肉碎蒸水蛋 : 蒸水蛋非常嫩滑，蛋味香濃，再加入肉碎、瑤柱絲，口感就更加豐富，真係白飯都食多幾碗…查看更多

放假入咗去小西灣室內運動場打咗兩個鐘羽毛球，跟住就係附近搵間餐廳醫下肚原來係隔黎街開咗間人氣海南雞飯專門店，一定要食得痛快店內燈火通明，環境乾淨企理，仲有小西灣站打卡位，相當有特色餐廳除咗必食去骨海南雞，仲有喇沙、肉骨茶、喇沙及其他新加坡經典美食價錢親民，性價比高，食物質素仲相當有水準，怪唔知到晚餐時間座無虛席食物方面:招牌海南雞 (半隻) : 雞肉皮滑肉嫩，鮮嫩多汁，煮得剛剛好，再蘸埋薑葱蓉、酸辣汁及黑醬油，必點招牌海南雞炭燒豬頸肉 : 豬頸肉燒到外脆內軟，份量仲幾多，蘸少少醬汁食，梗加惹味星洲炸蝦餅 : 蝦餅炸至金黃，外酥內嫩，口感彈牙，蘸上甜酸醬，充滿星洲風味獅城粉絲春卷 : 春卷炸得金黃酥脆，餡料豐富，咬落卜卜脆，蘸上甜酸醬，口感更佳沙爹串燒 :  一共有六串，選擇雞肉、牛肉、豬肉各兩串，沙嗲汁味道濃郁，肉類烤得外脆內嫩，肉汁豐富鮮魚湯浸時菜 : 娃娃菜吸滿魚湯的鮮甜味，啱曬食得健康嘅朋友大哥無味精住家湯 : 蟲草花紅蘿蔔豬肉雞腳湯，滋補養生，又無加味精，真係好似返咗屋企飲住家湯一樣油飯 : 油飯香氣撲鼻，粒粒分明，加入蒜片，份量充足，夠曬味道芒果椰汁冰 : 加入芒果味椰果，椰汁味重，飲落又有口感，夠曬冰涼椰青 : 套餐加錢仲可以叫椰青，冰凍清爽，口感清甜解渴Ours Tips : 限時優惠叫 B2 或 C4二人套餐，加碼送雞翼三隻，送完即止…查看更多

到咗特別日子就想去慶祝一下，當然要搵間充滿儀式感嘅居酒屋食飯居酒屋屹立於灣仔 15 年，近排仲做梗 15 週年記念優惠，有多款食品及飲品有優惠，相當超值居酒屋主打時令海鮮，於日本設立自家漁商保持質素同親民價格主要提供地道佐酒菜餚、時令海鮮、燒物揚物、刺身、壽司和定食，菜單豐富仲有多款日本受賞酒選擇，鐘意美酒佳肴嘅朋友仔，不愁寂寞，開飯小聚都是個不錯的選擇近排仲提供免費畫碟甜品，真係啱曬生日飯、各類慶祝嘅打卡必點之選食物方面 :活伊勢龍蝦刺身 : 龍蝦刺身非常新鮮，上枱都仲識得郁，伊勢龍蝦刺身口感鮮甜爽脆，肉質細緻彈牙，蘸少少檸檬汁已經超級美味，仲要堂食有 6 折優惠，真係相當超值時令韓國生蠔 : 肉質飽滿，美味清爽，海水和蠔的味道恰到好處，並且帶有淡淡的鮮甜味道，而且做梗半價優惠，非常抵食海膽龍珠卷 : 龍珠卷用上海膽、吞拿魚腩蓉、醬油漬蛋黃制成卷物，面上再鋪上海膽及金箔，味道Juicy 又 Creamy ，回甘味十足青龍 : 青龍即係炸蝦卷，炸蝦非常香脆爽彈，飯卷再鋪滿紫菜碎及蟹籽，蘸少少沙律醬夠曬惹味麒麟一番榨生啤 : 15週年記念優惠，可以半價享用多款麒麟一番榨生啤，真係超抵飲，飲得盡興開心果巴斯克蛋糕 : 一定要點超靚畫碟甜品，店員會幫你畫上你心愛嘅公仔圖案，幫我畫咗近期大熱嘅生蠔 BB，真係超開心，充滿儀式感，真係靚到想拎埋隻碟返屋企，蛋糕口感非常幼滑，入口即化，每啖都食出淡嘅開心果味，再加少少開心果粒一齊食，口感更豐富，味道有驚喜Ours Tips : 想係畫碟甜品碟上畫公仔，記住提早預約及準備圖片給店員繪畫…查看更多

銅鑼灣世貿中心翻新之後就進駐咗好多餐廳其中一間走西式田園風嘅泰西fusion菜就啱曬我店內以木系傢俱為主，佈置舒適典雅，設有大量梳化卡位，用餐舒適仲放有好多隻巨型打卡小白兔，非常適合打卡嘅朋友仔餐廳主打泰西fusion菜，提供多款泰式小食、串燒、主食及甜品，夠曬豐富食物方面: 炭烤牛肉配泰式青醬 : 牛肉炭烤得肉質嫩滑，內裡保持粉嫩，蘸上泰式青醬，充滿泰式風味，再配埋羽衣甘藍及香甜粟米，非常清新嘅配搭泰辣豬肉鴨肉碎生菜包 : 用上豬肉碎及鴨肉碎，提供豐富嘅口感，再加入多款香料及調味料做調味，直接用生菜包著食，口感爽脆，帶少少微辣夠惹味泰式香辣醉貓炒豬肉手工卷 : 卷粉炒得夠曬鑊氣，卷粉煙煙韌韌，掛汁能力高，加埋大大塊嘅豬肉，味道辣辣地，食得過癮椰香芒果斑蘭糯米飯 : 賣相精緻，用上糯米飯加上斑蘭，糯米鬆軟香口，配上芒果片、糖漿脆脆、合桃，腰果，花生碎等配料，再圍滿椰汁，好味又不滯膩…查看更多

天氣開始轉涼，就好想食和牛壽喜燒朋友就帶咗我去一間樓上居酒屋，可以感受日本嘅感覺店內設有吧枱位置，可以欣賞廚師既精湛刀功及烹調技巧另外仲設有廂房，啱曬一大班朋友享受日本美食近排仲推出一個冬日限定套餐，除咗可以食到和牛壽喜燒，仲可以追加鮮味嘅刺身拼盤及肉類，非常超值食物方面:海葡萄番茄沙律 : 海葡萄每條都又密又大粒，口感鮮脆，配埋番茄、生菜沙律，再淋上柚子醋、檸檬汁等醬汁，味道酸甜又清新特上刺身拼盤 : 刺身非常肥美，厚切夠大塊，有海膽、中拖羅、牡丹蝦、帆立貝、鰤魚、鯛魚、真鯛及魷魚八款刺身，夠曬新鮮，味道鮮甜A4和牛鍋套餐 : 選擇咗壽喜燒，夠曬日本風味，套餐有一份 A4 和牛及包括蔬菜籃一份及日本蘭王蛋兩隻，A4 和牛油脂均勻，肉質嫩滑，牛味濃郁，再蘸上日本蘭王蛋汁，口感更加 juicy ，蔬菜籃入便有皇帝菜、白菜、金菇、香菇、豆腐、粉絲、福袋及芝士獅子狗，份量豐富，再吸收曬壽喜燒汁嘅味道，更加好味日本豚肉 : 另外追加咗日本豚肉，肉質細嫩、風味濃郁，再蘸上日本蘭王蛋汁，口感更加 juicy 手打烏冬 : 手打烏冬麵條 Q 彈，爽滑口感，再放入壽喜燒汁煲一陣，吸收壽喜燒汁嘅味道，加埋美味嘅 A4 和牛一陣食就夠曬滿足…查看更多

係油尖旺打邊爐就打得多，原來樓下火鍋飯店係尖沙咀開咗分店打邊爐食來食去都係果幾款配料，想食得刁鑽啲就要去試下店內環境以港式懷舊裝潢為主，設有大量座位，座位寬敞舒適仲設有獨立廳房，約會小聚、一家大細聚餐的好選擇除咗多款日常打邊爐牛肉、海鮮等配料，仲有生醃廣島蠔，罕見稀少嘅豬腳根及大跣雞石橄欖椰子湯都一定要試食物方面 :石橄欖椰子湯（配去骨大跣雞）: 湯底清熱下火潤肺，特別適合近排濕熱天氣飲用，配搭250日去骨大跣雞，雞肉充滿鮮味，皮爽肉彈，再蘸上靈魂醬汁，真係好味到你唔信生醃廣島蠔 : 生醃海鮮食得多，生醃廣島蠔就第一次試，生醃後保留廣島蠔的鮮味和滑嫩口感，同時又增添鹹香和酒香的味道豬腳根 : 第一次食豬腳根，坊間罕見稀少，要碌夠 40 分鐘先食，口感爽脆彈牙，肉質軟淋入味，真係食過番尋味手切肥牛 : 本地手切肥牛口感較有嚼勁爽口，油香滿溢，牛肉味較重招牌五寶丸 : 有牛筋丸，墨魚丸、梅葉豬肉、蝦丸及鯪魚丸，手打丸夠曬彈牙鮮味三拼餃 : 招牌黑松露蟹肉餃、雙籽鮮蝦雲吞及韭菜餃，餡料十足，隻隻都脤卜卜，當中黑松露蟹肉餃入便係一絲絲蟹肉，超足料手打檸檬茶 : 用上鴨屎香檸檬，酸爽解膩，茶底香濃，夠曬冰凍，打邊爐最啱飲…查看更多