KLSfoodie的个人专页

意式輕鬆是一間位於尖沙咀的西式咖啡店，餐廳環境舒適，燈光柔和。晚市套餐配沙律菜 或 是日餐湯，餐包包一杯 美式/伯爵茶/桂花烏龍茶/玫瑰烏龍茶/蜂蜜柚子，其他飲品半價，凍飲+$5美國殼飼豬扒伴薯菜配牛肝菌汁：豬扒厚身軟嫩，肉質多汁且肉味濃郁。牛肝菌汁以牛肝菌蘑菇熬煮而成，香氣濃郁，帶有濃厚的香菇和鮮甜味，搭配薯菜作為配菜，整體口感和風味層次豐富且滋味十足。香烤原條石班海魚：餐廳以烤整條石斑魚出名，魚皮經過香烤後非常脆，內裡魚肉滑嫩多汁，帶有鮮香鹹味，配搭的薯菜調和口感，令整體菜餚色香味俱全。是日餐湯是粟米湯，味道清甜，口感幼滑。加上牛油的餐包鬆軟且帶有濃郁牛油香氣。包一杯 美式/伯爵茶/桂花烏龍茶/玫瑰烏龍荼/蜂蜜柚子蜂蜜柚子（熱）：柚子味道清香，融合蜂蜜的溫潤甜味，酸甜平衡且帶有暖意。追加是日精選甜品+$15自家製蛋糕味道甜酸適中，結合了新鮮士多啤梨的清新果香與濃郁朱古力的醇厚滋味。…查看更多

台灣水果茶第一品牌《大苑子》, 款式多多, 供應多種新鮮水果飲品、芋頭、明治鮮奶同埋台灣茶系列, 茶香清爽解膩, 岩哂炎炎夏日嘆返杯!【黃金珍珠鮮奶綠茶】HK$40口感香滑, 鮮奶綠茶比例一致, 味道輕型, 配上熟透煙韌珍珠, 大愛!【芋見泥料超多】HK$46配料豐富, 包括有大甲芋頭、芋圓、紅豆、仙草凍, 再加入明治鮮奶, 每啜一啖, 口感相當有層次, 大甲芋頭甜甜地, 飲一杯都已經好飽肚滿足。…查看更多

豐信餃子店是一家人氣手工餃子店，提供多款煎餃和湯餃，以手工餃子多樣化口味和搭配精選湯底著稱。店內每日都座無虛席，極受食客歡迎。小棠菜鮮肉煎餃配邪惡金沙：小棠菜鮮肉煎餃餡料飽滿，皮薄且煎至金黃香脆，加上滿滿的鹹蛋黃碎和流沙醬，味道濃郁且口感香脆。芝士粟米鮮肉餃（煎）：餃子內餡含有芝士、粒粒粟米和鮮肉，煎過後芝士呈半溶狀態，帶來濃郁的芝士味與滑潤口感，且餃子外皮煎得脆香，口感豐富。香菇鮮肉餃配上海粗麵：餃子皮薄餡多，鮮肉搭配香菇口感鮮美，湯底是椰子海帶鮮雞豬骨湯味道濃郁清甜，上海粗麵口感粗身彈牙，與湯餃非常搭配。甜蜜蜜雞中翼味道甜美帶香，有蜜糖特有的自然甜味和微鹹的調味，肉質嫩而不柴。清熱潤喉羅漢果果甘草茶：以羅漢果和甘草為主材料，結合能清熱潤喉、止咳化痰的中藥茶飲。豆漿濃郁香醇，有一股豆香，口感順滑細膩。…查看更多

極上帝王水產是一家位於香港旺角兆萬中心9樓的日式放題餐廳，主打新鮮刺身、壽司、串燒、壽喜燒、炸物及多款熱食，並提供自助飲品和甜品區，餐廳環境充滿日本風情，氣氛熱鬧，點餐採用QR code自助系統，方便快捷，餐廳的刺身種類豐富，均以冰鎮方式確保新鮮度。三文魚刺身肉質嫩滑，油脂豐富帶有溫和的鮮味。赤貝刺身口感既爽脆又嫩滑。泰式生蝦刺身蝦肉爽甜鮮美，Q彈有彈性，加埋酸辣汁，味道更提升。珍寶赤蝦刺身彈牙爽口。北海道帶子刺身口感柔嫩、細膩，帶天然鮮甜。生蠔入口多層次，有鹹鮮的海水味。有頭赤蝦味道鮮甜濃郁，肉質軟滑細膩，蝦膏豐富風味濃厚。有頭甜蝦口感嫩滑且略帶黏糊，入口即化。磯煮鮑魚的味道濃郁鮮美，肉質鮮嫩彈牙。安格斯雪花牛肉口感豐富且帶有濃郁牛香，非常適合火鍋或燒烤。炸物如芝麻雞翼、炸榴槤等口感香脆。燒鰻魚火喉控制得宜，風味出眾。…查看更多

水門雞飯主打泰式海南雞飯，並提供多款泰式小菜和飲品。水門雞飯：雞肉質地嫩滑，肉味鮮香，雞皮薄且脂肪少，配有特色醬汁，帶點微辣和酸味，增添風味，還有香濃的雞油飯，米粒飽滿有彈性，飯香味十足。水門炸雞飯：炸雞外皮炸得酥脆，配搭的醬汁酸辣開胃，能提升整體風味。泰式豬手飯味道香濃、帶甜味且香料味突出，豬手肉質嫩滑且有豐富的膠質感，非常適合配飯食用。鳳尾蝦金邊粉味道酸甜適中，蝦鮮甜爽口，金邊粉炒得有鑊氣且帶有泰式甜酸鹹的經典風味。附送胡椒冬瓜雞湯，胡椒香味極濃。…查看更多

茶舍是以港式文化為主題的餐廳品牌，提供多款港式美食和創新菜式，適合早餐、午餐、晚餐及下午茶享用。外賣也是不錯的選擇！菠蘿鮮茄三層芝士焗豬扒飯味道層次豐富，酸甜中帶芝士香濃，豬扒肉質鮮嫩，配合底層炒飯，吃起來既滿足又不膩。送熱飲華田：帶有濃郁的麥芽奶味。蝦汁龍蝦仔露筍長通粉味道鮮甜濃郁，帶有龍蝦和蝦汁的海鮮鮮味，露筍則增添清新爽脆的口感，長通粉吸收了濃郁的醬汁，口感彈牙，整體風味豐富且層次分明。香濃茄汁鮮蝦蜆扁意粉結合了鮮蝦的鮮甜、蜆肉的鮮美與茄汁的濃郁酸甜，口感豐富且層次分明。搭配蝦和蜆的海鮮鮮味，令整體味道更香濃而不膩！…查看更多

中午和同事去咗新蒲崗辦點事，經過景福街嘅天廚海南雞，剛好係午餐時段，餐廳室內坐滿客人，室外也企咗等位和買外賣的客人，因為要趕返公司，一於買外賣返公司食。海南雞半隻：海南雞鮮嫩滑順，雞肉多汁且方便食用，搭配特製醬料更添風味。油飯軟硬適中，香氣十足。鮑魚滑雞銀針粉（喇沙湯底）：鮑魚鮮甜嫩滑，雞肉滑嫩，配上煙韌滑溜的銀針粉，整體口感豐富且令人滿足。喇沙湯底的蝦香、咖哩香及椰香融合得恰到好處，帶來香辣且帶有微酸的層次感，十分惹味。香辣雞腎米線（藥膳養生雞湯)：雞腎帶有香辣味，湯底為藥膳雞湯，帶有濃郁的藥材香氣和養生風味，米線吸收湯汁，軟硬適中，與湯底搭配得宜，整體口感溫暖滋補。奉送椰子雞湯味道清甜不膩，椰香與雞肉鮮味融合，適合夏季飲用，既滋補又清爽。手撕雞味道鮮美，香氣四溢，加入花生、芝麻和香菜增加香氣，醬汁濃稠且惹味，帶有微辣和酸香，口感爽脆且層次豐富。…查看更多

金鳳餐廳在啟德地鐵站附近的晴朗商場開咗分店，今日同朋友過嚟睇吓新店同食晚餐。雜扒餐份量十足，配料豐富，包括雞翼、腸仔、火腿、煙肉、豬扒、牛扒等，墊底是波浪紋薯條，醬汁揀咗黑椒汁，醬汁澆在熱鐵板上，香氣四溢，口感豐富且帶有鐵板的香脆。加18元有茄汁意粉，每條麵條都均勻沾滿醬汁，口感彈牙。鴛鴦扒餐：雞扒的嫩滑和豬扒的香脆互補，配合黑椒汁醬料，口感豐富且帶有鹹香微辣的層次感。扒餐包括：牛油餐包、餐湯及餐飲牛油餐包質地柔軟、富彈性。忌廉湯細膩滑順，帶有奶香和淡淡鹹味。凍檸茶入口檸檬芳香清新，茶味香醇濃郁，甜而不膩。…查看更多

同媽咪去尖沙咀shopping, 去咗呢間非集團式粉麵店, 為支持香港小店就入去食個lunch。主打多款粉麵飯, 可以優惠價追加指定小食同埋飲品。點了呢度嘅招牌---崩沙牛腩河 崩沙牛腩比例份量多, 肉質又嫩又林, 帶少少爽嘅筋膜, 淡淡肉香, 正! 配上大大碗河粉, 大滿足!+$15 追加: 炸魚皮 - 魚皮香脆可口+$13追加: 紅豆冰 - 紅豆好綿, 甜甜地, 整體唔會過甜。鮮蝦雲吞麵 雲吞皮薄, 包住了蝦肉同豬肉餡料, 蝦肉爽口彈牙。+$15追加: 腐乳通菜 - 通菜翠綠爽脆, 加上鹹香腐乳, 惹味。王炸豬扒 豬扒炸得很酥脆, 幾有口感。炸雲吞 炸得香脆, 包住了蝦肉同豬肉餡料, 味道偏鹹鮮一點。炸蝦餅 蝦餅炸得金黃, 稍有點彈牙。…查看更多

收工帶丫媽去鯉魚門食咗餐海鮮餐慶祝我加人工, 而為咗幫我慳荷包, 佢特意BOOK咗呢間「蟹仙華舫」。餐廳環境闊落, 仲可以欣賞日落海景, 夠哂chill。供應多個海鮮套餐, 明碼實價, 唔洗挨海鮮價, 人頭收費, 人少少都可以食到多款海鮮, 而且以「蒸煮」為主, 吃出原汁原味。我地揀咗最平果款「尊貴海鮮套餐」, 其中有自選款式, 不過餐廳都會因應當日海鮮供貨量而定, 可說是可遇不可求。全程由侍應協助蒸煮, 爐更設有計時器, 唔擔心蒸過龍。虎蝦: 幾大隻爽口。韓國釜山鰻魚: 跟薑絲一齊蒸, 鰻魚冇腥味, 肉質林滑, 不過骨比較多, 食嘅時候要小心。秘製原隻南非乾鮑: 套餐中唯一唔係蒸嘅海鮮, 鮑魚經炆煮, 好實肉。翡翠螺: 唔會太硬, 微爽帶點鮮味。釜山蠔: 蠔肉飽滿, 清甜多汁, 食到蠔本身獨有鮮味。蟹皇大元貝: on top加咗自家炒蟹膏做調味, 元貝蒸得剛剛好, keep到鮮甜肉汁, 再加上調味蟹膏, 鮮甜味double up。大西洋野生青口: 鮮甜多汁, 有好重海水味。野生琵琶龍蝦: 琵琶龍蝦帶有些少甘甜蝦膏, 肉質嫩口爽滑, 滲出淡淡鮮甜。大黃奄蟹: 是日供應青蟹, 泥黃色蟹膏甘香鮮甜, 蟹肉鮮嫩, 能拆出梳梳蟹肉, 鮮味無窮, 令人回味!!!蔬菜籃: 粟米、娃娃菜、生菜 蒸煮時雖沒有額外調味, 但已經好清甜。最後再食埋粥底, 將之前蒸海鮮迫出嘅鮮味精華漏落粥底, 加入了鹹豬肉、粟米、菜脯, 粥底錦密又不失層次, 啖啖鮮味, 每人大概有兩個飯碗份量, 夠哂飽肚。最後送上椰汁雪燕, 很有椰香味, 唔會太甜。…查看更多

放假同媽咪去葵芳街市買餸, 順道係附近食個lunch。經過呢間餐廳門口, 見menu上有唔少便當、丼飯, 款式吸引, 價錢唔貴, 就入咗去食個lunch。餐廳地方企理。黑松露三文魚壽司:三文魚壽司上以黑松露點驟, 魚香中帶點松露清香, 不錯。沖繩便當:便當款式豐富而且份量多!吉列千層芝士豬扒, 吉列皮香脆, 入面卷住嘅豚肉片嫩滑, 沾咗熱溶了嘅芝士汁, 更為香甜, 帶出鮮肉味。汁燒金菇牛肉表面煎得帶少少焦香, 肉汁滲於包住嘅金菇入面, 口感層次豐富又富有肉香, 正!自選了咖哩飯, 個咖哩甜甜地, 咖哩味好重, 撈飯食超正!便當配有味噌螺肉同埋三款刺身各二, 包括有三文魚、帶子、甜蝦, 每款都好新鮮冇腥味。套餐 +$24 追加唐揚魷魚鬚:估唔到追加嘅份量都咁多, 炸皮薄而酥脆, 魷魚鬚爽口彈牙, 配千島醬食, 味道更提升。特選三色丼: 集合了三文魚、蟹籽同埋帆立貝嘅刺身丼飯, 帆立貝鮮甜, 將蟹籽混入珍珠米飯食, 每啖更鮮味更有口感層次; 套餐更附有口感滑嫩、味道鮮美嘅茶碗蒸同埋小食味付螺肉。…查看更多

放工同朋友去咗中環鐵牛食dinner, 原本只係想簡單食個牛肉麵, 點知一到門口就見到個一人一鍋台式火鍋menu, 雖然天時暑熱, 但每款鍋配料豐富, 吸引我地試試。餐廳環境整潔光猛, 座位寬敞, 坐得舒服。我地點咗兩款台式拼盤同埋兩個鍋物。鹽酥小拼盤:分別有彈牙花枝丸、鹽酥雞同埋甘梅地瓜, 每款酥脆可口。鹵味拼盤:每款鹵物都鹵得入味而不會過鹹, 包括有好林嘅豬腸、爽骨軟骨豬耳同埋軟滑流心鹵蛋。台灣本味麻辣鴨血鍋:可選辣度, 麻香又惹味, 刺激味蕾夠醒胃。配料相當豐富, 大多配料均利於吸湯, 包括有蜂巢豆腐、蟹柳、魚皮餃、魚豆腐、響鈴、娃娃菜、蕃茄、金菇、娃娃菜、粉絲、冬菇、蘿蔔、煙韌嘅米血糕、彈牙芋頭貢丸同埋呢款麻辣湯底獨有嘅彈滑鴨血, 再配上自選嘅安格斯牛肉片同埋新竹米粉, 成個配搭絕對唔會悶, 份量足!而另一款鍋我地就揀咗---雙重芝士牛奶鍋同樣自選配安格斯牛肉片、新竹米粉呢個鍋配料跟上面嘅麻辣鍋相似, 只係冇咗鴨血, 以兩款碎芝士取締, 芝士慢慢滾起被熱熔, 熔於湯底中, 令湯底味道奶味更突出而且溫順香滑, 熱辣辣時仲可以拉起芝士絲, 安格斯生牛肉鮮嫩, 可因應個人喜好煮成其熟度。所有吸湯配料完美盡吸湯底精華, 大愛!!飲品方面多款台式餐廳自調飲品選擇, 南投縣百香果QQ: 果香味突出, 感覺清新不會甜到漏, 仲有唔少QQ果肉, 很有層次。紅豆珍珠奶茶: 奶與茶味比例平均, 吸啜時都能吸到紅豆珍珠, 紅豆軟林甜甜地, 仲有煙韌熟透珍珠, 正!…查看更多

前排同事介紹, 中環蘭桂坊一間西餐廳, 係大眾點評做緊晚市二人套餐半價優惠, 五百蚊左右就可以品嚐由前米芝蓮總廚主理嘅美食, 於是今晚放工約埋好姊妹嘆返餐。店舖紅黑主色調, 華麗裝修幾有浪漫感, 巨型玫瑰花作裝飾, 門口放置一部白色三角琴, 很有格調。我地係點評買咗其中一個二人dinner set, 每位可自選餐湯、前菜、主菜、甜品。龍蝦湯: 口感creamy, 味道濃郁回甘。前菜:鵝肝撻: 鬆化超香口, 鵝肝香濃。生蠔: 新鮮肥美又Creamy, 帶有微微海水味。主菜:+$188升級: 澳洲Black Opal M9和牛小扒表面烤得有淡淡焦香, 肉汁豐富, 肉味濃厚, 沾上醬汁, 味道更昇華。+$68升級: 乾式熟成紐西蘭法式羊仔架7成熟恰到好處, 而且不油膩, 沒有濃烈嘅羊羶味, 易入口, 肉汁豐富, 肉質鮮嫩。不過甜品比預期差咗少少, 有d乾身。額外再Order咗兩杯mocktails,荔枝馬天尼：濃郁荔枝甜味，容易入口，非常適合女仔飲。Sex on the beach: 血橙果味濃郁。 …查看更多

叁不館是一間充滿港式風味嘅火鍋店，裝修風格懷舊，打卡一流，有懷舊壁畫，亦有玩味牛肉檔、海鮮檔，座位亦係大排檔格調，風味十足。啤酒仲做緊優惠，約多啲朋友聚會都唔怕，飲多幾杯都可以。入座後送上開胃小食火鍋調味料種類都幾多，有沙茶醬、麻醬、海鮮醬等多款選擇，重有一款係自家制既蔥頭油，混醬時加一些，增加不少香味。加拿大象拨蚌刺身：象拔蚌好新鮮，即叫即切，師傅刀工精湛，片片晶瑩通透，厚薄均勻，肉質爽口彈牙，味感鮮甜。咯咯雞花膠湯會另上鍋料和湯底，金黃色的湯底係加入走地雞、雞殼、雞腳和新鮮赤肉，慢煲6小時煮至金黃色，質感濃厚且有膠質的黏口感。雞件係分開上，預先煮到七八成熟，食嗰時再放入湯度滾返熱，咁做雞件肉質比較嫩滑，花膠係用高級嘅花膠桶，有豐富嘅骨膠原，非常足料。西班牙黑毛豬：肉質較鬆化，肉味也較濃。Q彈鮮蝦丸：蝦味濃郁，口感鮮美彈牙。珊瑚蚌口感爽脆，而且肉質鮮甜。潮州白魚蛋：魚蛋爽滑、鮮甜彈牙有魚味。 水魷：口感爽彈好新鮮。自家鮮蝦雲吞非常的鮮味爽口。招牌芫荽餃味道清香，每一口都可以咬到芫荽葉。白鱔片非常鮮美，口感爽彈。炸大魚頭（半個）：炸過的魚頭不怕有腥味，煮的時候魚肉也不容易散開。魚頭有鮮嫩的肉質和魚皮膠質，味道鮮美。椒鹽豆腐：外層酥脆，豆腐嫩滑，加上少許椒鹽好惹味。竹蔗茅根海底椰係自家製，味道可口清甜。…查看更多

假日去完馬場出返黎大圍, 同朋友去咗大圍站附近呢間越南菜餐廳食dinner, 餐廳食物款式選擇多, 價錢親民, 全日免加一, 接近晚市時段已經全場坐滿客。除了多款菜式散點, 仲有三款套餐更加抵食。揀咗呢個$198優惠2人餐, 包自選兩款主食、一款小食、一碟時令菜同兩杯特飲。生牛肉湯粉:湯底鮮美, 加咗金不煥, 令湯底更多一點清香, 生牛肉嫩紅, 熱辣辣湯底將生牛肉焯至喜歡嘅熟度, 肉質嫩滑, 而河粉稍索咗個湯汁, 啖啖鮮香。香茅豬扒撈檬:香茅豬扒非常入味香口, 外脆內軟, 肉質鮮嫩, 自行加入泰式酸辣汁撈埋檬粉, 跟青瓜絲、紅蘿蔔絲等等, 酸酸甜甜開胃醒神。越式香茅雞翼(4隻)香茅雞翼表面帶點焦香, 香茅味突出, 香口惹味。田園灼時菜(1碟)生菜新鮮爽脆, 份量足夠兩個人share。椰果椰汁西米露:椰汁味突出, 西米令口感很有層次。椰汁紅豆冰:椰汁椰香濃郁, 加埋好多紅豆, 啖啖冰涼香甜, 好飲好食。額外仲散叫咗碟---酸辣無骨鳳爪無骨鳳爪有軟筋連帶, 口感爽脆, 整體酸酸辣辣, 開胃美味!…查看更多