Kchelseapy的个人专页

天氣開始涼左, 一班人食飯最岩去打邊爐食雞煲, 呢間亞南雞煲之前食過一次覺得幾正, 今次又約埋成班朋友嚟食多次, 事關除左雞煲, 小食都好正, 食飽同朋友繼續傾下計, 飲下酒食下小食都真係幾正嘅~✨️皇牌脆炸牛坑腩 呢個皇牌係必點小食, 係出面小食到炸牛坑腩, 外層微脆, 入口軟嫩, 牛味濃郁✨️蝦多士呢到嘅蝦多士炸得金黃香脆得嚟一d都唔會覺得油膩✨️椒鹽鮮鮑魚鮑口感爽彈, 充滿住滿滿嘅椒鹽味, 佐酒一流✨️酥炸桶蠔入口熱辣辣, 酥脆可口, 蠔肉飽滿多汁✨️麻辣墨魚鬚墨魚鬚麻辣惹味, 超開胃, 忍唔住一口接一口咁食✨️蟲草花野生竹笙花膠湯濃雞煲用左成隻新鮮雞／野生竹笙／花膠去煲嘅濃湯, 打邊爐前一人都飲左幾碗, 超級濃雞味, 帶點膠質嘅口感, 雞嫩滑鮮味, 入面嘅竹笙超長, 吸收哂湯嘅精華又爽脆, 超好食!✨️日本帶子雞煲呢個就用左半隻冰鮮雞同超巨型帶子, 微辣惹味~帶子鮮嫩又厚身✨️安格斯牛小排(大) 肉質鮮美滑嫩, 油花分布均勻, 入口鮮嫩多汁✨️極品黑豚肉（小）肉質鮮嫩軟滑, 帶豐富油花, 食落肥而不膩✨️手打雙拼滑呢個滑打邊爐大推, 足料彈滑鮮味✨️頂級牛筋丸牛筋丸肉質細嫩, 口感爽彈✨️鳳城水餃 ✨️頂級午餐肉✨️稻庭手打烏冬✨️炸響鈴✨️娃娃菜 🍹冰凍檸檬茶🍹鮮製菠蘿冰 🍹咸檸檬七喜🍹凍檸檬利賓納 🍹一品木瓜雪耳 …查看更多

今日朋友仔約左我食lunch, 揀左我最愛嘅壽喜燒!!呢間位置銅鑼灣嘅中川都bookmark左好一陣子, 一直都好想試下, 雖然係暴風雨前夕, 但都全場爆滿!!! 今次我地兩個人都揀左$480 絢 Aka lunch set✨️前菜前菜係馬山椒和牛煮, 牛肉肉質柔軟好入味, 茄子軟腍, 吸哂醬汁幾好食✨️松葉蟹肉茶碗蒸蒸蛋嫩滑可口, 入面仲有一梳梳嘅鮮甜蟹肉, 超好味✨️大分和牛牛肉由日藉師傅為我地烹調, 牛肉油花滿滿, 配上兵庫縣產嘅頂級生雞蛋同北海道頂級米夢美人, 入口即溶, 鮮嫩柔軟, 油脂甘香, 一啖牛肉一啖米飯, 大滿足✨️鹿兒島野崎牛肉味較濃郁, 油花均勻, 中意肉味多d嘅朋友會較為喜歡✨️野菜拼盤有洋蔥、冬菇、豆腐、京都小麥做嘅麵筋一丁字麩, 吸收哂壽喜燒汁嘅香甜, 超好味✨️味噌湯熱辣辣嘅味噌湯好暖胃而且好足料✨️甜品甜品係雲呢拿雪糕配十勝紅豆, 雪糕有雲呢拿籽, 食落好香雲呢拿味, 配上大大粒又香甜嘅紅豆, 為午餐劃上完美句號…查看更多

今晚約左朋友去沙田行街, 順便食和牛自助餐慶祝, 揀左帝都酒店嘅柏麗廳, 好彩一早book左位, 1920已經有大批食客係外面排隊等入座, 餐廳環境闊落, 而且食物種類繁多, 各個分區都有足夠位置比人排隊, 唔會太迫!冷盤有龍蝦、蟹腳、生蠔、凍蝦、硯等等, 全部都肉厚鮮甜, 刺身款式多, 厚身而且好肥美!日本佐賀和牛一定係回本必食之選, 油花分怖均勻細緻, 入口即溶, 肉汁飽滿, 除此之外, 美國極黑和牛鐵板燒同北海道白樺豚壽喜燒, 都係我不停encore嘅野食嚟, 鐵板燒香氣四溢, 未食已經流哂口水, 肉質鮮嫩juicy, 白樺豚軟嫩鮮甜, 吸收左壽喜燒湯底份外美味食到一半仲有製作cocktail嘅車車, 即場現製比大家飲!其他熟食方面有好多款式, 中西日韓台灣馬來西亞都有, 而且定期refill同更換, 最正嘅當然係鴨肝多士啦～鴨肝軟滑帶油香, 配上脆卜卜嘅多士, 層次感好豐富, 中間仲可以飲番個足料燉湯暖暖胃補補身子～甜品方面, 有大量蛋糕、曲奇、甜品杯、豆腐花等等, 其中嘅Tiramisu就最受歡迎啦, 我都好中意!! 如果想比驚喜另一半或朋友, 可以一早去寫定紙仔畫碟, 配埋個心太軟再係隔離加多球movenpick就perfect池啦!!…查看更多

今晚又約左幾個朋友仔月聚, 揀左一間灣仔私房中菜館, 星期四晚一入到去已經坐滿哂人, 好彩一早book左位! 除左一般座位, 餐廳亦設有包廂座位, 食物質素超好, 每樣都做得幾精緻同好好食, 價格唔貴, cp值幾高!✨️玫瑰凍鴿 使用玫瑰露酒浸泡, 酒香入哂乳鴿到, 調味剛好而且凍凍地幾開胃, 作為前菜佢亦非常足量✨️明太子冬瓜件呢道菜用左冬瓜件配上特製嘅明太子醬汁, 估唔到呢兩樣食材配搭又幾好食, 食落幾有層次感, 夏天食真係消暑一流✨️椒鹽汁虎蝦王配煎腸粉虎蝦巨大隻, 肉質厚實彈牙, 椒鹽汁好惹味, 底層鋪左一條條煎腸粉, 細節位做得相當好, 腸粉吸哂蝦精華, 食落更滋味✨️雞油煎馬友平時唔太食魚嘅我竟然食左半條!廚師用雞油煎香馬友魚, 外層煎得金黃香脆的, 入面嘅魚肉好香口, 味道剛剛好, 呢個佐酒一流✨️甲皇燉蛋用左花甲王蒸蛋, 上面淋左少許醬油, 花甲鮮味十足, 雞蛋細緻滑嫩✨️玫瑰煙燻雞半隻採用煙燻方法製作, 一上枱已經聞到超級香, 外皮脆香帶點雞油香氣, 雞肉嫩滑入味, 全晚mvp非呢個莫屬✨️蕃茄魚湯浸時蔬食左咁多肉當然要食番d菜, 蕃茄魚湯清甜解膩加上入面有超多我最中意嘅腐皮, 清清個味蕾準備食最後一個炒飯✨️四季炒飯炒飯presentation幾靚, 上面鋪左層幼幼嘅蛋絲, 炒飯炒得夠乾身而且粒粒分明唔油膩!…查看更多

每次入西貢都一定會去食六福, 因為好食之餘, 水準每次嚟都keep到而且格價合理, 次次都一定食到勁飽大滿足!✨️西貢地道魚湯每次嚟都必定要飲呢個魚湯, 好飲到連我平時唔飲魚湯嘅人都可以飲哂成煲都仲想encore!!!熱辣辣味道鮮甜濃郁而且完全唔腥!!✨️椒鹽奇脆豆腐炸至金黃香脆, 食落熱辣辣, 入面嘅豆腐好軟嫩, 就咁食已經超好食✨️椒鹽焗大連鮮鮑魚另一必點菜式就係呢個椒鹽焗鮮鮑魚, 食落口感爽彈唔韌而且好惹味!✨️米湯低溫慢煮元貝第一次食用米水嚟煮元貝, 米湯浸住元貝, 食落鮮甜帶米香, 元貝好厚啖啖肉✨️薑蔥炒蟶子皇配煎米粉用薑蔥炒蟶子皇爽彈鮮味, 餸酒一流, 窩底再放上煎香左既米粉, 脆脆地加埋薑蔥同食, 香口又惹味✨️椒鹽鮮魷新解即炸既魷魚, 酥脆可口, 炸粉夠薄好好味✨️藥膳辣酒煮花螺辣酒煮花螺成日食, 加入藥膳令味道更有層次, 花螺超級入味, 香辣勁開胃!✨️豉油王炒麵呢到嘅豉油王炒麵炒得幾乾身, 一d都唔油膩, 上面灑上大量芝麻, 散發出陣陣香氣!✨️香醋炒芥蘭好喜歡呢到除左食材同煮飯講究, 連製作細節位都做得好好, 採用芥蘭最幼嫩嘅部分, 食落每一條都係清甜爽脆…查看更多

今晚同朋友嚟到位於北角嘅Harbourview Grill, 因為每一日都會有唔同主題, 所以我地就特登揀左星期四STEAK Night嚟試下!!呢到一個Set Dinner $488供兩位用, 仲可以帶寵物一齊嚟, 係海邊放完狗, 就可以同佢地一齊坐底望住個海都幾寫意! Set Dinner非常有誠意, 有前菜+主菜+甜品+飲品, 款式都算多而且份量幾足, 性價比幾高🍷House Wine ✨️Italian Meatball雖然係starter, 但非常之大粒, 咬落去好juicy配蕃茄醬超級開胃!✨️Quesadillas熱辣辣嘅墨西哥酥餅入面夾住滿滿嘅雞肉饀料, 有三款醬汁隨意配搭, 食落口感豐富✨️Pork Loin肉質鮮嫩, 脂肪分布均勻, 肉味濃郁✨️Rib EyeRib Eye嚟到嘅時候都幾大塊, 下層鋪滿薯條, 牛扒揀左Medium Rare, 食落柔嫩多汁, 牛味濃郁✨️Chocolate Ice Cream✨️Apple Crumble上層鋪上金寶, 下層就係好多唔同嘅水果, 食落酸酸甜甜幾好味!…查看更多

今晚同朋友相約銅鑼灣食晚飯, 揀左呢間以日本和牛同各種海鮮做主打嘅buffet, 餐廳提供有多款食物同飲品, 難怪連平日晚市全場爆滿! 凍海鮮有不少選擇, 而且款款都肥美肉厚, 除左有我最中意嘅即開生蠔, 蠔味creamy濃郁, 更有超大隻而且鮮甜富海水味嘅長腳蟹, 龍蝦肉質肥美啖啖肉, 仲有青口、螺同硯等等, 超級滿足, 旁邊擺滿各式新鮮刺身同壽司 食完海鮮開開胃, 就要去暴食佢地嘅招牌一日本佐賀和牛, 和牛以鐵板方式烹調, 入口柔嫩細膩, 油脂豐富, 忍唔住一片接一片食, 記得要拎埋灸燒和牛壽司, 入口牛肉鮮嫩帶微微焦香, 灸燒得剛剛好, 我都食左超多件!! 燒和牛扒肉汁滿滿, 啖啖肉, 口感柔軟不膩!!除左佐賀和牛, 仲要食埋佢地嘅鵝肝飽滿肥美, 入口即化仲有其他食物如天婦羅、抄手、燒味、豬腳薑、牛雜等等, 仲有滋寶足料中式燉湯! 食飽飽當然要食甜品, 甜品擺滿整張長枱, 款式好多, 除左有多款西式糕點、撻類, 仲有港式豆腐花、杏仁糕、日式牛乳布丁, 雪糕有我最中意嘅movenpick, 記得要去拎埋心太軟, 因為可以有畫碟服務, 我就畫左Chiikawa啦, 超可愛大滿足!…查看更多

最近睇韓劇, 成日見到劇入面d韓國野食好似炒年糕、炸雞、魚糕湯就好想去韓國啦, 原來韓國人氣年糕鍋餐廳一青年大邞最近登陸左沙田新城市, 今晚就約埋幾位朋友仔去止一止條癮!!!一行四人叫左超多野食, 全部都份量足好好食!!✨️香辣牛油香蒜炸粟米粒第一次食咁脆卜卜嘅粟米粒, 加入香辣牛油香蒜醬汁, 甜甜辣辣好惹味, 佐酒一流!✨️熱狗媽媽大邦太卷太卷有幾個口味, 我地就揀左熱狗媽媽大邦太卷超足料, 口感好豐富✨️煙燻蜂蜜芥末雞一上枱就嚇親, 超大份!!!使用低溫慢煮烤雞, 肉質嫩滑多汁, 下層佈滿一片片薯片, 超脆口, 沾左蜂蜜芥末醬超好食✨️海陸年糕鍋話明最主打年糕鍋, 當然要叫番個啦, 個鍋大到嚇親, 配料佈滿整個鍋, 有牛腸、牛肋肉、鮮蝦, 大葱及炸蒜片, 撥開上層食材就會見到年糕、魚糕同拉麵, 35cm超長年糕, 好似豬腸粉咁長, 煙韌軟糯!!✨️韓醬五花肉釜飯釜飯會跟埋熱湯同泡菜一齊上枱, 有instructions可以跟住食, 將所有材料攪拌後飯再包海苔同食, 入面仲有微焦鍋巴, 脆卜卜幾好食, 我自己就中意加熱湯一齊食✨️魚糕湯食左咁多野最中意就係飲熱辣辣嘅湯, 加埋一串串嘅魚糕, 真係好滿足✨️牛奶芝士麻糬波食飽飽正餐當然唔少得甜品, 呢個麻糬波波外脆內軟, 煙煙韌韌, 加埋煉奶, 為晚餐劃上完美句號🍶韓國紅桑子酒🍶杏桃燒酒🍶一品真露燒酒🍹芒果熱情果冰茶☕️蜜桃美式咖啡…查看更多

今日同朋友嚟左前排bookmark左嘅阿根廷餐廳食lunch, 餐廳環境舒適, 感覺休閒, 食物質素不錯!Have bookmarked CARNE’S ARGENTINIAN STEAK HOUSE for a while, and finally, we came for lunch, the atmosphere and the food were great, and we both had a good time!⭐南美酸汁醃吞拿魚天氣咁熱最岩食番d酸酸地涼浸浸嘅野食, 入口風味清爽, 口感豐富, 非常開胃Seafood Ceviche Having sour appetizers is the best thing in summer to refresh the palate and stimulate appetite. ⭐阿根廷豬肉腸豬肉腸幾香口, 味道濃郁, 搭配醬料一齊食, 味道不錯ChorizoArgentinian Chorizo pork sausage has a bold, rich, and smoky flavor, served with Chimichurri sauce, which gives an extra fresh and spicy flavor.⭐炸薯條薯條酥脆可口, 令人食唔停口Provenzal Fries Served with garlic and Italian parsley, crispy and flavorful.⭐南美古早味粟米蓉呢個超好食, 粟米整成蓉, 味道香甜又有口感Humita creamy cornSweet flavor with a soft and creamy texture ⭐香烤三文魚三文魚揀左medium, 外皮烤得好香, 入口鮮嫩多汁Grilled FishFish skin is crispy, the texture was moist and tender, and the flavor is enhanced with Romesco sauce. It is served with baby potatoes, which absorb the flavor.⭐精選意粉今日嘅精選意粉係蕃茄雜菜意粉, 意粉口感al dente, 配搭creamy嘅蕃茄醬, 酸甜可口, 簡簡單單已經好好味!PastaPasta is al dente, served vegetables with delicious creamy tomato sauce. Glossy and luscious with the perfect balance of cream and tomato. ⭐️檸檬茶Iced Lemon Tea…查看更多

記得好耐之前去過西環嘅THE BOTTLE & STEAK, 覺得佢地整嘅牛扒好好食, 嘆住手工啤食牛排真係幾chill, 一直對佢嘅牛扒念念不忘, 最近見到灣仔原來開左分店, 仲有100分鐘放題任食牛扒, 正中我紅心🩷於是今晚就約埋朋友仔去食牛扒放題😍🎀100分鐘放題任食牛扒🎀除左餐湯／麵包同甜品, 基本上都可以無限♾️refill, CP值勁高, 如果一班朋友一齊食, 真係幾正!⭐是日餐湯餐湯濃郁creamy, 配埋蒜蓉牛油包同食仲正⭐蒜蓉牛油包蒜蓉包外脆帶焦香, 口感綿密鬆軟⭐美國安格斯牛板腱扒牛扒又厚又大塊啖啖肉, 色澤粉嫩, 入口牛味濃郁帶脂香, 食落超juicy!! 即使叫左幾round, 塊塊嘅質素都keep得到!!⭐澳洲雞盬薯條牛扒配薯條是必要的, 薯條炸得金黃香脆, 每份嘅份量都相當足, 配啤酒一流⭐黑醋橄欖油沙律菜沙律菜加入黑醋, 食落清新開胃⭐焗香草車厘茄超快售罄嘅車厘茄, 粒粒都爆汁超juicy, 無草青味, 中意食車厘茄嘅朋友仔一定唔可以錯過⭐墨西哥脆辣雞翼鎚墨西哥風向來惹味, 雞鎚香辣滋味⭐卡真炸雲吞炸雲吞外層酥脆, 內饀飽滿⭐脆脆魚手指魚手指外層酥香, 鮮嫩多汁⭐帶頭吉列虎蝦吉列虎蝦幾大隻, 肉質厚實⭐吉列酥炸生蠔炸物中最喜歡就係酥炸生蠔, 新鮮炸起嘅生蠔, 外層金黃酥脆, 入口熱辣辣, 蠔味濃厚⭐是日雪糕配焦糖醬雲呢拿雪糕香甜幼滑, 簡單配上焦糖醬已經好好食, 為晚餐畫上完美句號!…查看更多

有無人同我一樣中意食雪糕同soft cookies, 有時我都會買cookies, 番到去加熱, 再係上面擺球雪糕, 真係超級幸福!!!自從上年10月係中環歌賦街開左ICC, 我就成日去幫襯, 最中意就係佢嘅雪糕三文治, 可以自選2塊曲奇口味同一球雪糕口味, 一次過滿足哂2個願望, 價錢仲要幾親民!!除左招牌雪糕三文治, 仲有杯裝雪糕、精緻嘅季節限定甜品同飲品, 二樓係溫馨小餐館風格咖啡廳, 打卡一流! 另外鋪頭仲有唔少周邊好似Tee、帽子等等商品發售今個夏季仲帶來全新系列, 將東南亞風味融入現代創意, 為炎炎夏日揭開序幕♡🎀咖椰法式多士以酥脆柔軟嘅法式班蘭多士為基礎, 搭配椰子雪糕, 再淋上馬六甲椰糖醬, 班蘭濃郁甜美, 冷熱交織, 口感清新豐富!🎀自選曲奇雪糕煎鍋招牌現烤曲奇煎鍋可以自選口味, 再搭配店內任何雪糕! 曲奇口味有70%黑朱古力、雙重朱古力塊、黑芝麻麻糬、抹茶麻糬, 我就好中意雙重朱古力塊同黑芝麻麻糬曲奇, 佢地嘅麻糬煙煙韌韌好有感!🎀白桃烏龍奶蓋烏龍茶口感醇厚, 融合白桃嘅淡雅甜香, 配上頂層綿密細滑嘅奶蓋, 再灑上玫瑰花瓣點, 滿足視覺同味蕾, 味道清新, 甜度適中, 解渴一流🎀白桃烏龍茶雪糕融合白桃香甜味同烏龍茶嘅芳香, 口感軟滑帶回甘, 清新消暑🎀咖椰班蘭曲奇非常特別嘅口味, 平時比較少食到, 用左香蘭葉同咖椰醬製作, 外層再灑上椰絲, 餅身口感煙韌有嚼勁, 中間夾住咖椰醬, 口感層次豐富, 清新不膩, 幾有驚喜! 單食或搭配雪糕夾成三文治🎀薰衣草檸檬曲奇呢個口味都係比較少食到, 檸檬味帶陣陣薰衣草花香, 味道清新優雅又不甜膩月餅節🌕就到, 佢地更推出左中秋限定✨️鍍金海峽的月亮✨️雪糕月餅🥮, 一盒8個, 共4款口味:班蘭椰香、濃醇巧克力、紅莓餅乾同芒果柚子, 有興趣嘅朋友仔快d去ICC睇下啦!…查看更多

早幾日同朋友去左荃灣如心廣場夾公仔, 夾完搵下附近食咩, 見到有間邊爐係附近好似幾正咁, 於是就去試下, 餐廳環境幾大, 座位之間空間闊落, 坐得都幾舒服, 火鍋配料幾多選擇, 更有唔少平時較少有嘅款式⭐五指毛桃椰子雞煲內有半隻雞及足足兩個椰子嘅椰汁, 相當足料, 打邊爐前記得要先飲左個湯先, 味道超鮮甜⭐手打檸檬菜超大杯嘅手打檸檬茶, 超refreshing⭐手切肥牛肥牛超大碟, 肉質鮮嫩多汁, 肉味濃郁⭐炸芋頭炸過嘅芋頭烚完都好香口, 芋頭味香濃⭐繡球菇⭐唐生菜⭐韭菜餃⭐靈芝菇⭐芝士腸而家身份證上含有 1，5，7，9 四個字其中一個或以上即享有以下優惠 [不計算重複及身份證括號內號碼]： - 1個字9折 - 2個字85折 - 3個字8折 - 4個字75折 （星期日、公衆假期及節日不適用，優惠不可與其他優惠/折扣及現金券同時使用）大家都去試下啦!!…查看更多

最近係國內食潮汕牛肉火鍋好出名嘅八合里係沙田新城市開左香港首間分店, 唔使番大陸都食到正宗嘅潮汕牛肉火鍋!! 牛肉由香港五豐行鮮肉供應,係香港首間使用活牛進口,即日屠宰加工後再新鮮送到店内使用, 個個朋友都話一定要試下, 今晚我就約埋朋友仔一齊去!!餐廳門口就可以睇到切肉既櫥窗, 全部即場現切, 非常新鮮, 我同朋友點左個原味既牛骨湯底同8款配料, 醬料方面, 有多達十款提供, 我個戈就最中意指天椒、芫茜、小青檸同醬油✨️至尊鮮肉拼盤對於有選擇困難症嘅朋友仔可以揀呢款鮮肉拼盤, 入面有吊龍伴、花趾肉、匙肉同匙柄, 全部都超鮮嫩, 我自己就最中意花趾肉, 口感彈牙有嚼勁✨️鮮切肥牛上網話呢碟牛肉超新鮮, 成盤肉即使反轉都唔會跌落嚟, 因為真係太鮮, 上枱時仍然維持到肉既黏性, 塊塊都好嫩口, 唔加醬油都好食✨️手打牛丸雙拼必點嘅牛丸拼盤分別有牛肉丸同牛筋丸, 牛筋丸較爽彈, 肉汁較多✨️特色菌菇拼盤菌菇拼盤有冬菇、銀耳、金菇同埋黑樅茸菌,菇菇吸收哂牛骨湯精華D湯汁, 鮮味十足✨️潮汕純米粿條食到最後就當然要食澱粉質, 米粿條吸左湯之後, 口感軟糯帶米香, 超滿足✨️潮汕四色水晶粿見到呢個就諗起平時食嘅水晶包, 呢個潮汕四色水晶粿, 有兩個咸兩個甜, 分別係紫薯、芋泥、素粿同肉粿, 外皮煙煙韌韌幾好食, 個人就最中意紫薯✨️潤肺小吊梨打完個邊爐緊係要食甜品啦, 我地叫左一個潤肺小吊梨, 梨肉香甜滋潤, 入面超多配料✨️爆打鴨屎香檸檬茶…查看更多

位於太子酒店嘅SAVVY為亞洲特色餐廳, 而佢地嘅自助餐更有得自製芒果糯米飯、珍多冰, 今晚趁端午節假期一於嚟試試去! 環境好大好開揚, 位與位之間都唔會好貼, 所以都坐得幾舒服海鮮區除左有龍蝦、鱈場蟹腳、阿拉斯加帝皇蟹、青口、螺同凍蝦, 隻隻都飽滿鮮甜啖啖肉, 另一邊有刺身壽司等日式美食, 刺身款式都幾多而且全部厚切熱葷有印度烤雞、韓式炸雞、芝士焗龍蝦、燒三文魚、燒黑豚肉, 款款都好高質, 長期極多人排, 另一邊有即製鐵板和牛粒、鵝肝同鮑魚, 一口size岩岩好, 味道相當高質! 粉麵方面幾有誠意, 有泰式船麵, 兩款麵底, 湯底超濃郁, 仲有好多配料比你揀, 我就緊係全部要哂啦食到一半聽到有甜品車, 原來係特別環節, 有專人幫係Häagen-Dazs脆皮雪糕批再多層朱古力醬同toppings, 難怪條龍長到不得了~呢到除左有西式湯, 仲有超足料中式滋補雞湯同泰式冬陰功, 我自己就超中意佢個冬陰功湯, 超多料又開胃食飽飽當然要填滿埋另一個甜品胃, 重頭戲當然係自製芒果糯米飯同珍多冰, 自己想要幾多就落幾多, 真係超開心, 另有泰式千層糕、斑斕糕、中式桂花糕、香蕉蛋糕、香蕉麵包布甸、雙重朱古力蛋糕、朱古力噴泉同時令水果等等除左果汁熱茶檸檬水任飲, 都可以選擇Nespresso Capsule, 飲飽食醉大滿足…查看更多

係海之戀donki行完出到嚟見再新開左間壽司店, 見個Menu野食好似幾好就入去試下!!我地揀左中價位既大滿足壽司定食, $598入面有11件壽司加一碗海膽魚子吞拿魚蓉丼飯, 成個set仲有茶碗蒸、沙律同麵豉湯, 我同朋友都覺得份量剛好幾夠飽, 因為壽司幾好食, 我地仲追加左幾件壽司同兩款小食開心share✨️大滿足壽司定食茶碗蒸質感軟滑又鮮味, 好開胃, 壽司用左好靚嘅碟裝住, 件件都好精緻, 超足料!當日嘅11款壽司有：🍣牡丹蝦壽司🍣海膽壽司🍣赤貝壽司🍣鱸魚壽司🍣中拖羅壽司🍣油甘魚壽司🍣深海池魚壽司🍣松葉蟹腳壽司🍣大拖羅壽司🍣燒大拖羅壽司🍣金目鯛壽司全部都超新鮮, 估唔到有大拖羅同海膽, 兩樣都係我至愛, 大拖羅入口即溶, 帶滿滿嘅油香! 食完壽司仲有一個滿到瀉嘅吞拿魚蓉海膽魚籽飯, 非常igable, 一啖一滿足✨️左口魚邊壽司爽嫩質感帶點魚油香氣✨️珍寶帆立貝壽司大大塊帆立貝肉食落口大滿足, 鮮甜味美✨️墨魚壽司爽爽地嘅口感, 煙煙韌韌, 加少許醬油已經好鮮味✨️活赤貝壽司外層口感爽脆, 柔軟幼嫩✨️吉列蠔 熱辣辣炸起脆卜卜又juicy✨️磯煮鮑魚今晚突然想食鮑魚, 所以叫左一客, 鮑魚用左金山麵豉醬同鮑魚肝醬調味, 食落爽陣鮮甜好好食…查看更多