葡富軒

呢間係本地朋友介紹，位置喺地堡街北帝廟後面，雖然唔算正對正官也街主道，但係食過先知係真·寶藏葡國菜！
環境真係要讚，一入去就充滿葡式風情，乾淨整潔之餘仲有淡淡香味，每個角落都好有feel。

服務態度更係無得彈，員工介紹菜式好詳細，有禮又唔會過份騷擾，真係令人舒服。

菜式方面，佢哋嘅馬介休球絕對係必試，外脆內軟，魚味香濃唔腥；葡式烤香腸係會係你面前燒過，再切比你，皮脆肉嫩，鹹香適中；綜合小食拼盤一次過試齊幾款地道風味，包括蝦球、咖喱角等，樣樣都係水準之作。
總括而言，呢間係我哋眼入面，官也街附近最抵食又有質素嘅葡國菜之一，真係值得專程到訪！👍👍

馬介休球 葡式烤香腸 綜合小食拼盤