SAVVY

第一次嚟呢間餐廳，外面睇以為係酒吧原來裏面別有洞天。首先細細粒有禮貌嘅帶位姐姐會帶你穿過好多人嘅酒吧。之後經過好闊落嘅飲酒區。要轉埋彎先至去到真正食飯嘅位置。炸軟殼蟹值得一試，最正都係嗰咖喱汁。最得意係脹卜卜魷魚🦑裏面塞滿左印度飯同蝦肉加上青BB嘅菠菜汁賣相搞笑食落過癮。最後叫咗個素食蟲草花鮮雲耳唔記得乜嘢筍。總括嚟講裝修華麗。食物OK好味。下次可以同同事收工試吓佢哋嘅 Happy Hour.