地點：銅鑼灣謝斐道535號Tower 535
菜式：來自佐賀既日式燒肉
餐牌：賣點係由日本直運九州產既A5黑毛和牛。有拼盤盛合，麻辣，本店特選，黑毛和牛，牛豬雞，海鮮，蔬菜，沙律，一品漬物，湯同麵飯，飲品有酒類同非酒精飲品。落單掃QR code，大部分肉類可揀走汁，走鹽，或者走黑椒。大部分肉類都有特製紙牌標示係咩肉類，好貼心。
1
8
10
14
15
3
大判燒！黑毛和牛西冷 $178 另加一
大判燒！黑毛和牛冷係一大塊薄切黑毛和牛西冷，服務員會幫手燒，全塊燒好快食得，同溫泉蛋一齊食可降溫同有壽喜燒風味。
和牛西冷非常嫩口，個燒肉汁好好味，加蛋汁一齊食更加滑又有蛋香。
壺漬 KAKURA牛胸腹肉 $138 另加一
壺漬 KAKURA牛胸腹肉係用一個大壺上，面頭大大塊切割好既牛胸腹肉，面頭撒上葱花，下底原來係洋蔥圈。餐廳用自家製麵豉醬調味，味道調得唔錯，好惹味。肉質夠嫩，好味道份量又多，抵食。燒洋蔥吸左d汁都好好味。
腹前小排 $118 另加一
腹前小排一客6片，唔會太肥，油花平均，口感非常好，夠嫩。已經加左醬汁，好夠味。
牛板腱肉 $98 另加一
牛板腱肉一客5件好厚切大大塊，肉質較實不過都好嫩。
若鷄雞脛柳 $80 另加一
若鷄雞脛柳一客5條，伴有檸檬一件。口感又滑又爽，唔會太鹹。
鹽味牛舌 $88 另加一
鹽味牛舌一客5件，大大塊，好有咬口，唔會太薄切。伴有檸檬一塊可自己加汁，鹽味唔會過鹹。
1
黑毛豚脛肉 $88 另加一
黑毛豚脛肉一客六件，味道好，唔算太肥不過都夠爽口。伴有一件檸檬。
活鰻魚 $148 另加一
連皮活鰻魚一大塊，另上燒汁同山椒花椒粉比你調味。首先燒皮兩分鐘，然後燒另一面三分鐘，之後就可以剪開一小塊加d汁再燒20秒就食得。食落皮脆肉彈牙，又多汁，好味道。
辣冷麵 $38 另加一
冷麵雖然叫左細，不過一d都唔細，伴有青瓜條、芽菜、菇條、泡菜、葱花同熟蛋半隻。冷麵同燒肉同食好夾。
雪碧 $25
食燒肉當然要飲凍飲，汽水可以叫多冰或者少冰，冰杯仲配有檸檬一片。
枱上面有三款醬汁，左至右分別係酸汁，辣汁，燒汁，可以自己調味。
食完仲有甜品送，係好滑溜既杞子杏仁豆腐同雲呢拿雪糕糯米糍，兩樣一齊放係個精緻日式盒子入面，杞子杏仁豆腐份量少少，超滑而杏仁味香濃。雲呢拿雪糕糯米糍都唔錯。為呢餐劃上完美句號！
呢度食燒肉真係永無失望。餐廳環境舒適，食完唔會成身油烟味。服務員態度友善，收碟勤快。價錢都唔算貴。
1
