影片
更多
2014-01-26
9720 浏览
Book 唔到 Caprice 同 Amber, 就抱住一試既心情黎左 Petrus。係shangri-la 既56/f, 雖然係lunch, 但成間餐廳好有氣氛，裝修好金璧輝煌。我地5個人，張枱係個corner到，好似係間冇門既房咁，望出𥦬個景實在忍唔住想影相。服務好好，待應們好細心。見我地有外國人，所有野先用中文講解，再用英文。個menu分左幾個category，有16樣食物， 可以揀4樣，由廚師決定點整。我地5個人都差唔多試哂所有野。4 dishes + 2 drinks:＄788 4 dishes: $638 Bread basket: 有plain butter同salty butter with seaweed。salty butter好特別。全部包都重暖暖地。先試芝蔴卷。酥皮好鬆好香！baguette好脆。最鍾意係butter bread。好香牛油味，但應該好肥，拎上手好油，忍唔住食左3個。 Pumpkin ravioli with truffle: amuse-bouche。大家都話好好食，我就有少少覺得個汁整到有少少似中式既豉油味。 Foie Gras:
係shangri-la 既56/f, 雖然係lunch, 但成間餐廳好有氣氛，裝修好金璧輝煌。我地5個人，張枱係個corner到，好似係間冇門既房咁，望出𥦬個景實在忍唔住想影相。服務好好，待應們好細心。見我地有外國人，所有野先用中文講解，再用英文。個menu分左幾個category，有16樣食物， 可以揀4樣，由廚師決定點整。我地5個人都差唔多試哂所有野。
4 dishes + 2 drinks:＄788
4 dishes: $638
Bread basket: 有plain butter同salty butter with seaweed。salty butter好特別。全部包都重暖暖地。先試芝蔴卷。酥皮好鬆好香！baguette好脆。最鍾意係butter bread。好香牛油味，但應該好肥，拎上手好油，忍唔住食左3個。
Pumpkin ravioli with truffle: amuse-bouche。大家都話好好食，我就有少少覺得個汁整到有少少似中式既豉油味。Foie Gras: 好濃既鵝肝，有紫菜包住，配埋側邊好清新既柚子汁，所有野都好夾
Egg: 唔係好知個汁係咩，食到醋，紅酒味。入面有D肉。個squid有咬口得黎又唔會'un'。撈左raw egg令成個汁thick d。yummy!
Sea Urchin: 賣相好靚，raw egg上面有塊seaweed，上面放左海膽同一塊薄脆。海膽好鮮甜。Potato: 又係好靚既賣相。每一粒薯仔上面都有D truffle，再加一大塊truffle。好香！不過最鍾意係 mashed potato, 好滑，濃郁既忌廉味。
Scallop: 帶子好甜，texture都好正。cream sauce好味到用面包點埋黎食。
Pumpkin soup: 好靚呀!! 個杯有cream同南瓜籽，好似杯雪糕咁 waiter 再將南瓜湯慢慢倒落去，望住D cream慢慢升起，再慢慢咁融，簡直已經係個享受。個湯好濃南瓜味，唔會比D cream搶左味，亦都唔會太結。好出色！Cod: 都幾大份。鱈魚切落去唔會散，而且煮得岩岩好。truffle cream sauce好好味。重有D一粒粒好似珍珠，令成個dish有唔同既口感。
Chicken: 麻麻地。雞有點'鞋'。個sauce好淡，唔係好食到有味。薯仔粒好硬，同之前個potato入面個D差好遠... 只有mashed potato仍然出色。
Beef cheek: 試左少少，個beef炆到好稔，配埋個sauce，我本來唔食牛都覺得好好食。
Clementine: 好refreshing! 最底係一層薄薄既啫哩，上面有熱情果sauce，柑同meringue既甜，加埋個白色cube(唔知係咩)既酸，重有sorbet，一大味覺上視覺上既享受。Mango: 本身唔係好鍾意芒果既甜品。中間個球係上半mango mousse，下半meringue包住lime sorbet。粉紅色係梅子味既醬。perfect match,lime sorbet 中和左，唔會有平時好怕個種mango dessert既甜味。
Chocolate: definitely my favourite chocolate mousse暖暖地，好creamy，放入口會融咁。側邊D朱古力脆脆，脆得黎硬硬地，連埋朱古力cream, 有齊唔同既口感。最驚喜係有海鹽，同dark chocolate 襯到絕。如果可以大份D就好啦⋯⋯個lunch好enjoyable, great food, great service, great environment! 可惜之後有野做，預得兩個鐘唔夠，趕住走。下次要預留多D時間慢慢enjoy...
张贴
