金金日式燒肉店

营业中

休息中

朋友呢排好大壓力諗住同佢嚟個Chill d 既lunch 佢話想食燒肉因為可以聽到嗰啲油脂跌落去啲火吱吱聲會令佢好減壓佢又唔想食連鎖店所以就搵咗呢一間啦臨食之前仲可以喺姜濤灣影吓相叫左午市燒肉定食套餐: 澳洲M9和牛肉拼牛肋骨肉，仲有澳洲M9和牛三品盛，分別係肉眼、牛柳同牛肩胛。牛肋骨肉嫩滑，油花剛好，咬落去肉汁四溢，超有滿足感！而三個部位各有特色，肉眼油脂香，牛柳緊實，牛肩胛好味 。 唔知係咪因為炭火燒嘅原因，燒完之後唔會成身油煙味 。套餐有埋野菜沙律、餐前小食、爐邊烘蛋、味噌湯、白飯同飲品，CP超高！午市套餐仲可以半價追加10幾款小食/飲品，我地揀咗網燒明太子手羽，外脆內嫩，100分！