金金日式燒肉店

环境在铜锣湾电车路大街「美珍香」旁边的英光大厦，超近地铁站，装修十分日式，临近圣诞还有圣诞装饰，圣诞约饭唔谂啦，呢间性价比爆灯，快啲Bookmark！超抵食，连加一$608二个人，有齐和牛、刺身、蟹脚…满足晒我所有的愿望，仲要碟碟都好大份，超饱肚。👍🏻极上松叶蟹脚必吃超粗蟹脚，极致的清甜与鲜味交织，因已剪开一吉即原条出来，又美味又易吃。👍🏻佐贺产A4黑毛和牛世一和牛入口即溶的，丰润牛味，大理石纹理如同艺术品，完美油脂的含量与分布。👍🏻盐烧角切牛舌外表焦香酥脆，内里却弹嫩多汁，浓缩的黑椒盐味好入味。👍🏻金目鲷刺身沙律金目鲷的甘醇脂香，被微酸开胃的酱汁轻轻托起，清新不腻余味悠长。👍🏻有机蔬菜盛合先烧一烧蔬菜，再放入锡纸兜上，再用牛油煮一煮，超级惹味。服务店员好好会教导及示范如何烧，例如「清酒黑松露帆立贝」烧的时间店员说透明消失就熟了。「葱蒜牛舌薄烧卷」要先将葱蒜拎开，差不多熟时再放上。…查看更多

真系一分都畀多佢 首先嗌咗个vip二人套餐 每款用得两块 鸡翼两只虾有两只跟住一抽𠮶啲唔知咩牛肉 如果你话好好食顶级牛肉我都仲另外计算但系问题佢啲牛肉系一啲好普通嘅牛角两百几蚊套餐质素嘅牛肉，炒饭唔好食不过干字 甜品呀更加之不知所谓 冇奶味得个甜字 基本上佢所有嘅嘢我真系咁大个人都未见过可以系咁难食嘅烧肉 你人哋一般𠮶啲 平价烧肉放题嘅肉质都追唔上竟然都够胆收人哋 计埋加一六百几蚊埋单， 唔怪之得夜晚最旺嘅时间竟然得𠮶两台客食紧嘢成场好似死场咁少人应该大家都中过一次伏之后就唔会再嚟 所以奉献各位真系要睇埋啲负平先好去食…查看更多

呢间位于铜锣湾嘅金金日式烧肉店，环境非常舒服，有Bar枱同埋卡位，劲有日式风情！呢度啲店员都好有礼貌！放工喺度同朋友食餐饭真系好舒服😍秘制温室青瓜青瓜清甜又爽口，配合埋呢度秘制嘅酱汁，甜甜地，入口好舒服，系一道几开胃嘅前菜🫶🏻意大利香草鸡腿肉鸡肉嫩滑，香草味完全融入咗鸡腿入面！熊本A5和牛(肉眼）呢个A5和牛真系大推，入口即溶嘅感觉，油脂分布非常平均，冇谂过喺香港都食到呢种口感，而家仲要做紧激安价，$168就已经可以食到，食完即刻想再encore🫣五色胡椒一口牛舌 牛舌都非常香嫩，花椒同胡椒味都好突出，配合埋牛舌本身嘅爽口，非常推荐👍🏻温泉蛋紫菜丼食烧肉点可以唔食紫菜饭！紫菜香口，温泉蛋融入饭入边，真系超钟意呢个口感，每次食烧肉我都必点！…查看更多

试咗佢哋嘅「极上盛宴二人前A餐」，贪佢乜都有啲咁。整体嚟讲，呢个价钱有呢个质素算系几好。个Set选择都几齐全，牛舌、和牛、猪肉、鸡肉、虾、鲍鱼、带子都有。和牛油花分布算靓，又唔会太腻。牛舌都系必试之选，烧到微微焦香，咬落又弹牙又多汁。仲有个蔬菜盘，食完肉可以解下腻。前菜樱花龙虾沙律豆腐同金目鲷刺身沙律都好新鲜，帮助解腻之余又几开胃，份量都足。最后个草莓牛乳冻奶味浓郁，系个好好嘅结尾。环境舒适，地方宽敞。…查看更多

星期一晚系一个Blue Monday咁今日就同朋友去铜锣湾一间都几出名嘅烧肉舖食叫做金金 去位置超方便地铁站一出嚟F1出口行1分钟就到 叫咗佢个二人套餐超抵食，终于样样嘢啲质素都好好 首先讲吓个豆腐不过不失 然之后讲吓个沙律都系好新鲜 之后嚟咗个拼盘啲虾同埋帆立贝系好弹牙 唔会话烧完之后好差同好霉 睇得出系好新鲜！之后个烧肉反而令我觉得好意外，因为通常烧亲啲猪肉烧出嚟都会好嚡 但系佢竟然仲好好入口 啲鸡肉我就唔钟意佢啲酱汁 我超钟意佢个牛舌入口即溶 然之后嚟咗个蔬菜拼盘佢蔬菜拼盘系配咗啲牛油烧一烧就可以揼落去继续烧 呢个就正正常常 啲粟米都几甜嘅 最后嚟咗个黑松露和牛炒饭都几大兜下食到后尾已经饱饱地 另外仲嗌咗两杯白桃梳打！ 食烧肉一定要嗌苏打！超级爽 最后结尾包咗两个奶冻 系自家制奶冻，上面有少少焦糖，又唔会话太甜啲奶味都好出色好重奶味！负责服务我哋个姐姐同叔叔都好有礼貌，一见到㶶咗少少就帮我哋换盘。 下次会再同朋友嚟食，佢性价比都算高两个人一个人平均都系300 已经可以食到好饱，同埋佢嘅肉同海鲜质素都好高！😍…查看更多