在銅鑼灣電車路大街「美珍香」旁邊的英光大廈，超近地鐵站，裝修十分日式，臨近聖誕還有聖誕裝飾，聖誕約飯唔諗啦，呢間性價比爆燈，快啲Bookmark！
超抵食，連加一$608二個人，有齊和牛、刺身、蟹腳…滿足曬我所有的願望，仲要碟碟都好大份，超飽肚。
👍🏻極上松葉蟹腳
必吃超粗蟹腳，極致的清甜與鮮味交織，因已剪開一吉即原條出來，又美味又易吃。
👍🏻佐賀產A4黑毛和牛
世一和牛入口即溶的，豐潤牛味，大理石紋理如同藝術品，完美油脂的含量與分佈。
👍🏻鹽燒角切牛舌
外表焦香酥脆，內裡卻彈嫩多汁，濃縮的黑椒鹽味好入味。
👍🏻金目鯛刺身沙律
金目鯛的甘醇脂香，被微酸開胃的醬汁輕輕托起，清新不膩餘味悠長。
👍🏻有機蔬菜盛合
先燒一燒蔬菜，再放入錫紙兜上，再用牛油煮一煮，超級惹味。
服務
店員好好會教導及示範如何燒，例如「清酒黑松露帆立貝」燒的時間店員說透明消失就熟了。「蔥蒜牛舌薄燒卷」要先將蔥蒜拎開，差不多熟時再放上。
