影片
更多
2023-02-23
1953 浏览
有排都無得去歐洲旅行，今日午餐就黎左Royal INN頂頂癮先。Royal INN裝修非常之有法國特色，有一道大大巴黎凱旋門，而且仲放滿鮮花。裝修一流，環境氣氛唔錯。餐牌當然係法國菜式，午市餐牌有3道菜同4道菜選擇，分別係一道前菜定兩道前菜，價錢係$138同$158，另加一，都好抵食。包前菜，主菜同飲品或者是日甜品。呢度都有酒飲。前菜6選1，當中有3道要加錢。炭燒八爪魚路易斯沙律 跟餐加$28 另加一炭燒八爪魚真係炭燒，係脆皮架，一共有3件一口size，口感出色！伴有沙律雜菜，鮮牛油果，紅同橙車厘茄，洋蔥片同烚雞蛋兩片，沙律醬夠味，成個沙律味道清新之餘都好味。法式龍蝦濃湯 跟餐加$28 另加一法式龍蝦濃湯色水呈橙色，面頭加上少少忌廉同蔥花，味道帶淡淡龍蝦味。跟一片脆口多士，冇特別搽野，可以點湯食。主菜7選1，當中有4道要加錢。炭燒野雞仔 跟餐加$48 另加一炭燒野雞仔賣相好靚，半隻炭燒野雞放喺新薯6件，車厘茄連枝4粒，同蘆荀4條上面，外圍加有青色同啡色醬汁。雞皮少少脆，面頭個汁係甜甜哋，肉質都唔錯，連鷄胸都唔會太韌，感覺健康。蘆荀超嫩。車厘茄都好甜。新薯外脆內軟。燒安格斯西冷扒 跟餐加
Royal INN裝修非常之有法國特色，有一道大大巴黎凱旋門，而且仲放滿鮮花。裝修一流，環境氣氛唔錯。
餐牌當然係法國菜式，午市餐牌有3道菜同4道菜選擇，分別係一道前菜定兩道前菜，價錢係$138同$158，另加一，都好抵食。包前菜，主菜同飲品或者是日甜品。呢度都有酒飲。
前菜6選1，當中有3道要加錢。
炭燒八爪魚路易斯沙律
$28
86 浏览
0 赞好
0 留言
炭燒八爪魚路易斯沙律
$28
70 浏览
0 赞好
0 留言
法式龍蝦濃湯 跟餐加$28 另加一
法式龍蝦濃湯色水呈橙色，面頭加上少少忌廉同蔥花，味道帶淡淡龍蝦味。跟一片脆口多士，冇特別搽野，可以點湯食。
主菜7選1，當中有4道要加錢。
炭燒野雞仔
$48
56 浏览
0 赞好
0 留言
炭燒野雞仔
$48
53 浏览
0 赞好
0 留言
炭燒野雞仔
$48
55 浏览
0 赞好
0 留言
炭燒野雞仔
$48
36 浏览
0 赞好
0 留言
燒安格斯西冷扒
$68
29 浏览
0 赞好
0 留言
燒安格斯西冷扒
$68
54 浏览
0 赞好
0 留言
燒安格斯西冷扒已經切開左7件，方便食用。叫左半生熟，中間係粉紅色，不過冇血水，肉質好稔，牛味唔錯，唔會太乾，味道貼近原味，點少少燒汁就夠哂味啦，面頭撒上少少葱花。同炭燒野雞仔一樣，伴有新薯6件，車厘茄連枝4粒，蒜頭同菠菜。菠菜加左少少油，翠綠好味。蒜頭個面燶燶哋，好香口。
燒安格斯西冷扒
$68
59 浏览
1 赞好
0 留言
Mixedberry Smoothie, Avocado Smoothie
$52
38 浏览
0 赞好
0 留言
Avocado Smoothie
$26
66 浏览
0 赞好
0 留言
Avocado Smoothie係淺綠色奶昔面頭加上忌廉同開心果碎，再加上一片薄荷葉。下底有新鮮牛油果肉，飲落味道唔甜，而有粒粒鹹香開心果碎咬吓，口感味道都不俗，最鍾意中間食到少少開心果味。
Mixedberry Smoothie
$26
72 浏览
0 赞好
0 留言
Mixedberry Smoothie就係紫色奶昔面頭加上忌廉同士多啤梨果醬，都有一片薄荷葉裝飾。呢杯Smoothie味道稍為甜少少，不過莓味好天然，唔會太甜。
主菜同smoothie質素唔錯，食完都幾飽。
窗外風景開揚，每枱都有玫瑰花兩枝作為枱花，環境舒適，個人覺得黎呢度午餐都幾好。
张贴
