鴨大哥 (時代廣場)

营业中

休息中

Restaurant week 最後一激就係食厨魔新開在時代廣場10樓嘅鴨大哥，其實未食前已有較大期望，結果……到尾開估，個套餐點心可八選四，主菜二選一，甜品無得揀，另收茶錢$15／位，好合理；原本以為二人的份量係每款每人一件，點知吾係，係同散叫份量相同，先來芋角，餡料用上雪菜鴨肉，跳出舊有框框只係豬肉，好有層次，义燒包餡料十足，不是空氣包，味道外甜内鹹，好味，暖暖的；蝦餃就一般，蝦肉吾夠爽，無筍尖嘅香味；黑肚豬义燒肉質腍滑，大大舊义燒份量十足；海鮮鴨湯泡飯一流，飲清啲湯都吾覺口渴，應無味精，份量係一鍋夠六碗，同散叫相同；柚子蛋撻，酸酸哋，食到柚子味，但食吾到蛋香；原先以為份量不會太多，多叫了個鮑魚鳳爪，鮑汁吾太鹹，鮑魚仔煙煙韌韌，鳳爪有咬口，把握時間準確，$78每樣有四件，都可以啦！一定會再來的，價格比起佢隔離嗰幾間高级食肆好有競爭力，能夠多加陪訓員工就更强大。