Odelice! (PopCorn 1)

架車要係popcorn差電，就順便食埋晚餐。🇫🇷法國生牛肉他他🐮牛肉他他比我想像中大碟，仲有三塊多士🥖。牛肉他他用咗醬汁，herbs同欖油調味，不過牛肉嘅味唔會比其他調味蓋過，好食到停唔到口👍。🐟香煎三文魚🐟三文魚嘅皮煎到香脆，而三文魚肉煎到大約五成熟，所以肉質嫩滑有肉汁💦，三文魚嘅油脂喺個口到溶化，好正🤤！三文魚下面嘅薯蓉都好好食，香滑creamy 軟綿綿，好香忌廉味😍。🐏慢燉羊膝🍗非常貼心，羊膝係上碟前已經已經幫我哋拆咗骨，唔洗自己切，好易食。羊膝口感軟腍，羊味香濃😋。伴碟嘅薯仔點埋啲汁真係💯分🍋法式蛋白檸檬撻🍰檸檬撻好清新，好香檸檬味🍋，酸酸甜甜好開胃，亦都可以中和到蛋白霜嘅甜。蛋白霜打得好挺身🥚，唧得好靚，用火槍燒過，所以表面呈現漸變嘅焦啡色🤎，見到都流口水。蛋白霜嘅味道係預期中嘅甜度，好適合鐘意食甜品嘅人🍰。