豊勝手丼 (已結業)

唔明白點解有咁多人讚佢。侍應態度勁差，魚生又腥又唔新鮮。我哋想叫嘢食叫個侍應埋嚟嘅時候佢好大聲咁話等一陣啦，其實等都唔係個問題但係態度唔使咁差，冇咩事都唔想同佢講嘢。我叫魚生飯佢落錯單寫咗我叫壽司，落錯單唔單止冇道歉，仲要問我介唔介意食咗佢。雖然魚生飯同埋壽司差別唔係話咁大，但係叫得魚生飯就係想食魚生飯！佢仲好意思問。啲魚生到咗個飯又唔拎過嚟，問佢係唔係跟個飯嘅佢只係答係同埋跟過燉蛋。其實我咁問得即係叫佢即刻攞過嚟啦，咁都唔醒水，等咗比較長嘅時間先拎個飯出嚟。如果係咁點解個飯同埋個魚生唔一次過先拎出嚟呢？係咪呢啲嘢都要講到咁明咁白先識做？收碟嘅時候無啦啦喺背面突然間好快咁拎走咗個碟，唔明點解拎走個碟要咁鬼鬼鼠鼠。四百幾蚊叫咗兩個飯同一支飲品，一啲都唔值得。