紅葉茶屋 (D2 Place TWO)

营业中

休息中

喺自己Office附近搵到呢間日本餐廳，一開始都冇乜留意到，直到有次朋友約我一齊嚟呢度食飯，先知道呢度有間叫紅葉茶屋。呢度畀我嘅印象非常好，乾淨，清靜，就係一個好舒服嘅餐廳。呢度嘅菜色選擇非常多，我都唔知應該由邊度落手，同朋友討論一番，決定試下呢幾款菜。食日本菜一定少唔咗刺身，入面嘅海鮮可以講係超級新鮮，細細品嚐可以食到吞拿魚肉質嘅綿密，仲可以食到蝦嘅甘甜，可以講係極品。朋友叫佐和牛壽喜燒，入面嘅和牛品質簡直一流，細嚼慢嚼仲可以享受到咀嚼帶嚟嘅快感，油脂都分佈喺瘦肉裏面，最主要壽喜燒湯汁非常鮮美。我自己就試咗試和牛茶漬飯，茶嘅甘甜滲透咗每一粒飯粒，和牛都係一樣嘅頂級呢度嘅日本餐廳真係一流，之後會帶埋屋企人嚟呢度食。