大喜屋

营业中

休息中

Lunch放題真係好抵食！尤其係鍾意食刺身、生蠔、鵝肝、雪糕嘅朋友，真係大啖啲都值回票價！今日去咗沙田嘅大喜屋，特登早咗15分鐘到，門口一樣塞滿人，就知道真係幾受歡迎！雖然多人，但係入到去都唔會覺得好迫。座位都幾舒服，整體環境都唔錯。一坐低就點咗個刺身船，北奇貝、赤貝、希靈魚、三文魚、俄羅斯甘蝦、螺片，勁新鮮！同friend high得滯，點咗個double，但係一樣食得晒，就知道有幾正！香草燒羊鞍燒得好香，羊肉都幾爽嫩，香草味啱啱好，唔會太濃。燒七味鱈魚乾：呢個送啤酒一流！但係要趁熱食，如果唔係會無咁脆。金蒜炭燒廣島蠔：廣島蠔夠晒大隻，加上金蒜炭燒，蒜香味十足，正！鮑魚雞粥食到鮑魚，鮑魚味唔算好濃，但係粥底系鮮甜嘅。香草牛油煮大蜆粒粒蜆都好飽滿，而且無沙，呢個都幾好味。特别一提，呢間服務幾好，下次再嚟。