影片
更多
2023-02-28
36 浏览
係今日嚟到屯門市中心呢一間Banchan&Cook。每一次經過呢間餐廳嘅時候都會俾佢嘅裝修吸引到。我知道最近lulu豬係網絡上引起網民熱烈討論而呢間餐廳竟然用lulu豬做主題推出餐單。未入門口已經有一個lulu豬立牌吸引人拍照留念，而入到餐廳裡面亦有大量lulu豬嘅蹤影。我最鐘意嘅係每張枱嘅間隔都係有個透明位等你可以同lulu豬selfie打卡真係好吸引好似我呢啲lulu豬粉絲朝聖。呢間餐廳主打韓國菜包括熱門菜式韓國炸雞，炸芝士豬扒，紫菜飯卷等等。一坐低已經有前菜供應。夏日炎炎，食一啖爽脆嘅酸蘿蔔同青瓜消署一流。而且酸酸甜甜嘅青瓜令人開胃食完之後我可以食多幾款菜式。● 燉牛肋骨蛋包飯（$162）兩大件牛肋骨即係用輕力就可以骨肉分離，食落牛肉軟滑頗有牛味。而蛋亦相當滑亦好有蛋味飯底亦有用燒汁炒過，十分惹味。不過三種配菜呢講只有冬菇好入味而兩款蘿蔔略嫌無味道有啲似白烚。● 芝士炸千層豬扒（$112）大大塊豬扒配上夾心芝士聽上去係咪好邪惡呢？一咬落去豬扒脆卜卜而芝士都係可以拉絲。食一件就已經覺得好膩不過伴菜沙律清新開胃食完有解膩嘅作用。● 甜辣無骨炸雞（$106） 炸雞可
呢間餐廳主打韓國菜包括熱門菜式韓國炸雞，炸芝士豬扒，紫菜飯卷等等。
一坐低已經有前菜供應。夏日炎炎，食一啖爽脆嘅酸蘿蔔同青瓜消署一流。而且酸酸甜甜嘅青瓜令人開胃食完之後我可以食多幾款菜式。
● 燉牛肋骨蛋包飯（$162）
兩大件牛肋骨即係用輕力就可以骨肉分離，食落牛肉軟滑頗有牛味。而蛋亦相當滑亦好有蛋味飯底亦有用燒汁炒過，十分惹味。不過三種配菜呢講只有冬菇好入味而兩款蘿蔔略嫌無味道有啲似白烚。
● 芝士炸千層豬扒（$112）
大大塊豬扒配上夾心芝士聽上去係咪好邪惡呢？一咬落去豬扒脆卜卜而芝士都係可以拉絲。食一件就已經覺得好膩不過伴菜沙律清新開胃食完有解膩嘅作用。
● 甜辣無骨炸雞（$106）
炸雞可以選擇有骨同無骨，作為懶人嘅我哋當然選擇無骨。食物嚟到炸雞呈現塔型，底部有脆卜卜薯條而塔頂有煙韌嘅年糕。炸雞新鮮即炸表面脆口而肉質軟滑有肉汁配上甜辣醬汁更添風味。
● 凍溶化朱古力（$42）
超級香濃嘅朱古力配上幼滑嘅鮮奶而杯面更加唧上鮮忌廉一齊飲，相當邪惡。而朱古力飲落唔太甜冰冰涼涼好解渴。
● 荔枝梳打（$42）
有原粒去核果肉加上清新解渴嘅梳打相得益彰。喺炎炎夏日嘅時候享受一杯簡直係一流。
每隻杯都有印上lulu豬公仔而且係膠杯可以俾顧客帶返屋企收藏身為粉絲嘅我真係好興奮。
● 黑芝麻提拉米蘇（$52）
黑芝麻味好突出又唔會太甜岩哂鐘意食甜品又怕肥嘅人士。表面裝飾嘅士多啤梨原來係朱古力嚟相當有驚喜，不過食多幾啖其實都有少少膩。
💥餐廳資料
餐廳：Banchan & Cook
地址：屯門屯順街1號屯門市廣場一期2樓2253A,2253B,2255及2256A號舖
#BANCHANandCOOK #omurice #friedchicken #koreacafe #cafe #croffle
张贴