반찬앤쿡 Banchan and Cook (屯門市廣場1期) (已結業)

今晚與朋友小敍想食炸雞，就選了 “嚐吃套餐 A+B+C $560“，以價格及包含的食品而言覺得幾豐富!坐落才發現餐廳座位設計不俗，有一定私隱度，空間感充足。仍在考慮要不要多點甜品或主食時店員就奉上一小碟醃漬物，味道微酸。套餐可自選兩杯飲品，選一杯凍一杯熱。白桃甜蜜梳打- 凍，清爽有蜜桃粒，輕度甜味，幾好飲!另一杯選溶化朱古力 – 熱，賣相如名字一樣美，真不捨得攪拌。本身朱古力的味道不濃，但當表面的朱古力塊溶開後就漸漸帶來有層次的味道，有點濃又有點淡。散開的朱古力塊沒有一次過溶掉，所以變成一杯有趣味的熱朱古力，時濃時淡!第一份主食是墨汁大蝦魚籽意粉，顏色分明，墨汁將意粉包裹着，味道適中，食到滿口都是墨汁。意粉內還有少量的小菇，偶然會咬到帶點鹹味的魚籽，味道好似突然提鮮。喜愛墨汁、大蝦、魚籽，全海鮮味的配搭，食完覺得好似是前菜還想再添。剛才的墨汁意粉呈黑色，現在玫瑰醬芫茜大蝦蛋包飯像金元寶一樣發亮!賣相同樣美麗，有沙律菜、大蝦、蛋和飯。蛋給人的感覺很柔軟又有點重量，大蝦在一旁也沾滿玫瑰醬汁。輕輕在蛋的上端用刀劃開就見到嫩滑的蛋肉，真誘人! 蛋味比較清淡，與飯一齊食時味道會比較好，玫瑰醬亦有

屋企人好想食韓國菜，於是我哋就揀咗Banchan & Cook，一間以蛋包飯出名既鋪頭，今次當然要親身試試佢招牌之作！入到鋪頭裝修好靚，唔同時期食過好幾次！水準仲保持到～😎😎炸雞好好味呀 ！無骨炸雞半份, 炸雞外層炸得香脆,多汁啖啖肉!蛋包飯仲好正Tim 🤪一切開就有蛋汁流出! 帶過唔同朋友去食都話好食～

星期六book 位去食lunch, menu 有2人餐都幾吸引，選了燒醬油黑毛豬白切肉配大醬生菜，烤牛肉蛋包飯，無骨蒜香炸雞，甜品選了Tiramisu, 飲品是焦糖脆脆鮮奶咖啡及濟州綠茶鮮奶。醬油黑毛豬白切肉配生菜，豬肉軟淋不肥膩，配合生菜泡菜及醬汁很惹味; 烤牛肉蛋包飯無得輸，蛋嫩滑，牛肉配的醬汁也好吃；無骨蒜香炸雞香口；甜品Tiramisu是自己隨意裝一湯匙🥄，不過有些奇怪他們剩下的怎樣處理！飲品味道不錯，不太甜。整體來說性價比高，值得再試！

入到去裝修好靚 好好feel🫶🏻播嘅歌都好啱口味唔同時期食過幾次！水準仲保持到～炸雞好出色蛋包飯好正😊帶過唔同朋友去食都話好食～每次去都會叫set飲埋杯嘢飲同食埋甜品👍🏻

朋友最近好想食韓國菜，於是我哋就揀咗Banchan & Cook，一間以蛋包飯聞名嘅韓式鋪頭，今次當然要親身試試佢招牌之作！無骨炸雞半份（甜辣炸雞）
炸雞外層炸得香脆，醬汁甜中帶辣，多汁啖啖肉，完全唔會太膩。炸雞冇骨，食得好方便，而且醬汁分量啱啱好，每件雞都掛滿甜辣醬，旁邊配埋一份薯條，非常香脆烤牛肉蛋包飯
蛋皮煎得非常嫩滑，包住底層酸甜適中的炒飯，一切開就有蛋汁流出，畫面感十足！烤牛肉夠香又唔乾柴，醬汁鹹甜適中，加埋一旁清新爽口嘅沙律菜，中和咗油膩感。牛肉配埋蛋同炒飯一齊食，味道更有層次明太子炸豬扒忌廉意粉
呢道fusion意粉亦令人驚喜！忌廉醬汁香滑不膩，帶出明太子嘅鹹香味，而炸豬扒炸得酥脆，肉質仍然保留嫩滑～明太子同忌廉意粉好夾，微微辣味提升咗整體層次感，好有創意

食物味道有驚喜，是意料之外。炸雞，墨汁意粉都好味，紅蘿蔔盆栽甜品賣相可愛精緻。侍應人數只有兩名，多次來回出菜都只行一邊，出菜後有空閒時並無環顧四周，只站到一邊低頭看電話，我坐在另一邊多次想找侍應加水均未被看見，特別是男侍應。女侍應服務有熱誠，落力介紹餐牌菜式，且常面帶笑容。

屯門係我成日覓食嘅地方，竟然附近有間韓式餐廳係我第一次試試食，試左真係唔錯，係我會encore嘅一間餐廳以韓式炸雞和蛋包飯為特色的餐廳，整體體驗令人驚喜。韓式炸雞分為幾種口味，我揀左原味，外皮酥脆，雞肉多汁鮮嫩，每一口都能感受到炸雞的香氣。至於蛋包飯，則是另一大亮點。滑嫩的蛋皮包裹著炒飯，切開時醬汁緩緩流出，個多好滑，與炒飯的鹹香完美結合。炒飯中的配料令口感層次更昇華。餐廳氛圍輕鬆，價錢合理，好鍾意食韓國餐廳嘅人

全部食物一上檯都只有微溫！個蛋包飯一切開無煙出都算，最離譜係個甜辣炸雞，一啲炸過既溫度都無！我以為自己食緊燒雞、薯條直情係又淋又凍！係凍！真係食隔離food court無咁嬲！！垃圾到唔會再幫襯

🫶🏻位於屯市高質韓國餐廳食過幾次，質素都keep到😌🫶🏻牛肉蛋包飯牛肉鮮嫰，有咬口蛋包飯啖啖蛋包住勁滿足☺️🫶🏻雞扒蓋飯雞扒好滑身🤓蓋飯帶有少許辣味🫶🏻紅蘿蔔園oreo 慕絲蛋糕口味比較特別Oreo味道比較突出啲🤣🫶🏻濟州綠茶鮮奶綠茶味道比較淡有少少失望🌚🫶🏻人均：$15x-$200

我哋臨走需要打包 搵咗某一名男員工攞外賣盒 佢話要加錢 我哋話冇問題 佢反我哋白眼之後去咗攞盒 本身以為會跟埋個紙袋但係原來冇 佢嘖左一聲 之後好唔情願咁俾埋個袋我哋 明明我哋跟足規矩加錢點解要表現到咁唔耐煩？如果紙袋要額外收費亦可以直接向我哋反映 冇需要反晒白眼 想打包食物都要受氣

今天我姨生日，晚上的時候我們便來這間餐廳吃飯慶祝，網上訂座有7折優惠，我們點了不同的菜式，大部分的味道都相當不錯。大蝦蛋包飯：它的醬汁是玫瑰醬芫茜，味道帶少少甜味，不過內裡的飯是微辣，雞蛋的味道亦不錯，算是全場最美味的食物之一。紫菜包飯：我們分別點了兩款紫菜包飯，飯，兩款的味道都相當出色。墨魚汁意粉：意粉味道偏淡了一些，有點淡而無味。卡邦尼意粉：醬汁比較多芝士，口感有點膩，不過多人分享可以的。原味無骨炸雞：家人不能吃辣，便點了原味，但是原味其實沒有任何特別，麥當勞的麥炸雞比它出色和美味。牛肋骨鍋：牛肉的質感很軟綿綿，而且味道濃郁，是全場最美味的食物。部隊鍋：這份是小孩子點的，他說很美味。價錢方面，網上訂座有7折優惠，8人總共吃了$900幾。總結來說，今次大部分食物都味道不錯，而且網上訂座有7折優惠，十分划算，大家有機會可以來吃一下。

等餐時間比較長，唔趕時間嘅冇所謂 。叫左個拌飯，味道ok，但個牛好難咬爛，個人覺得比吉野家d牛仲差。其他食材正常，都幾好味，但個牛真係唔得，基本上d牛我都係咬完吐攞返出嚟，等於冇食過。希望餐廳可以改善下。

屯門巿廣場咁多食肆通常我都睇下邊間唔使排隊就直接入去試開頭見佢門口放咗$588 set係有少少嚇親 始終都係想經濟d食個lunch坐低之後慢慢睇 職員都幾有招呼嘅唔知係咪廚房人手不足啦上菜速度真係有啲耐蛋包飯同意粉都等咗超過20分鐘最值得聯想嘅係 全場得5,6枱客餐牌都係嗰10樣嘢，咁都要超過20分鐘先有得食，希望下次可以快少少啦味道同賣相都不過不失嘅係嗰兩舊豬扒，咬落去勁硬同埋無乜肉，係炸粉嚟😂😂蛋包飯做得幾好👍🏿不枉等咗20幾分鐘

今日去左黃金海岸行下，到夜晚要食野既時候，度度都要等位，最後決定出屯門市廣場食野。上網搵見呢間韓國野幾多好評，又有啲想食韓國野，就黎左呢間食啦。好多評語都話蛋包飯好味，但我地就想食下炸雞，同意大利飯。無骨炸雞▪︎蜜糖柚子味😋炸雞係啖啖肉，好少粉，每塊都好大塊肉，而且好熱辣辣，蜜糖柚子味甜甜香香，非常好味。薯條唔係粗粗肥肥個隻薯條，但呢隻幼既都整得好食，而且都係熱辣辣。仲有韓國年糕，如果想食下，都可以唔洗另外再叫，不過個人都不太鐘意年糕。煎雞意大利飯🍽同樣都係熱辣辣，雞都係啖啖肉，個飯好creamy，好食。布丁，白桃梳打🍹因為加$45就可以有個布丁同野飲，所以我地就加左。布丁質地好結實，似燉蛋既質地同味道，整得都好好食，食左好飽。杯野飲就幾靚。呢餐價錢唔貴，野食又好味，仲食到好飽，所以非常抵食

📍 Banchan & Cook（屯門）估唔到喺屯門都有一間咁高質嘅打卡韓國餐廳🥳連炸雞都可以任食。仲有六款口味俾你揀，蛋包飯先係主角最出色😍炸雞每一件都大大嚿，而且雞肉又好嫩滑 ！必食之選🩷✨肉醬牛胸肉蛋包飯幼滑嘅半熟蛋、極濃牛肉汁、香濃炒飯⋯用刀劃開蛋包，金黃水嫩的蛋瀑傾斜而下，馬上淋上香濃飽滿，炒得極好的飯粒有淡淡的秘製醬油香氣，牛胸肉份量好多，第一次蛋包飯配埋肉醬🐷帶點蕃茄醬味，好開胃🤤✨墨汁大蝦魚籽意粉大蝦好爽口彈牙，意粉軟硬同味道都啱啱好，墨魚汁加埋忌廉汁，完完全全咁包住每一條意粉，食落creamy 但一啲都唔膩，墨魚汁夠哂鮮味🦑✨炸雞拼盤{甜辣炸雞、洋蔥汁炸雞、蜜糖炸雞｝甜辣味炸雞口味，炸雞份量算大份，而且都好大塊，甜辣味炸雞甜甜辣辣的口感超開胃🤤蜜糖炸雞感覺好滋潤，冇甘熱氣，而且甜甜地，我最愛😍✨甘筍 Oreo慕絲蛋糕以盆栽造型嘅甜品蛋糕，朱古力🍫脆脆鋪滿面層，仲有Oreo；中間自家製果凍，Q彈爽口，口感極佳富層次🍮✨ 白桃甜蜜梳打成個味道好啱，唔係好甜而且好重碳酸味！仲有白桃果肉，整個感覺好清新🩷#BANCHANandCOOK #omurice #fried