影片
更多
2021-12-10
716 浏览
西貢區既咖啡店林立，所以如果要響呢區開辦咖啡店或輕食店而站得住腳既，實在要有一定既實力或者吸引度先得。Let's Jam 一起果醬主打以西餐輔以果醬去代替傳統既配汁，令佢地響西貢扎根多年仍然有一定既捧場客。 近月佢地就由原本既細鋪搬到近返少少西貢碼頭既大鋪，希望會有更多既客人可以享用到佢地製作既果醬。門面大左就自然可以有更多既裝飾，而Let's Jam就放置架打卡風既流動車，拎住杯飲品坐響度打卡既效果應該都唔錯架。因為用餐日未到必須使用安心出行既生效日，所以仍然有填紙仔區，上面放既豬仔又吸晴又易識別。與西貢大部分既咖啡店或西餐廳一樣，Let's Jam既菜單基本上都係有幾款主菜同幾款沙律/小食可以選擇。而如果點選全天英式早餐套餐或者特調果醬系飲品/小食既話，更加可以揀選餐牌上心儀既果醬味道，令你食個陣更加滿足。(如果係Brunch既話就會包括1杯$32或以下既飲品 - 多過$32就補差價)(果醬既價錢只係每樽原裝買走既價錢，但如果點選全日早餐或特調飲品就可以選擇心水既款式)(同舊鋪唔同，新鋪而家會多左意粉系列可以選擇 - 見佢以細餐牌形式擺放，似乎意粉系列都會有改動既機會吧)經同事介紹
門面大左就自然可以有更多既裝飾，而Let's Jam就放置架打卡風既流動車，拎住杯飲品坐響度打卡既效果應該都唔錯架。因為用餐日未到必須使用安心出行既生效日，所以仍然有填紙仔區，上面放既豬仔又吸晴又易識別。
與西貢大部分既咖啡店或西餐廳一樣，Let's Jam既菜單基本上都係有幾款主菜同幾款沙律/小食可以選擇。而如果點選全天英式早餐套餐或者特調果醬系飲品/小食既話，更加可以揀選餐牌上心儀既果醬味道，令你食個陣更加滿足。
(如果係Brunch既話就會包括1杯$32或以下既飲品 - 多過$32就補差價)
(果醬既價錢只係每樽原裝買走既價錢，但如果點選全日早餐或特調飲品就可以選擇心水既款式)
(同舊鋪唔同，新鋪而家會多左意粉系列可以選擇 - 見佢以細餐牌形式擺放，似乎意粉系列都會有改動既機會吧)經同事介紹下，小編就選擇左士多啤梨果醬燒豬肋骨套餐($109)；為左可以試到佢地既果醬，所以餐飲就選擇特調果醬綠茶 (果醬：丁香香橙)。
可能因為豬肋骨都需要時間去烤製，大約20分鐘左右食物就上枱喇。或者你第1眼會覺得豬肋骨上面係焗燶既痕跡 - 但其實全部都係BBQ醬焗完後既脆面，當你切出黎個陣就會發覺唔係燶左個種黑色。一般燒豬肋骨既豬肉會比較有筋位或連住骨骼，但Let's Jam既豬肋骨既質感完全唔同 - 切出黎非常容易離皮，但同時又唔覺得佢要為左令肉質煮得更加柔軟而過火既烤焗，令肉質失去味道，所以食落去有少少似手撕豬肉既感覺。而重點既士多啤梨醬唔太甜，但絕對可以令你原本覺得豬肋骨有一定油膩味既感覺會減少，食個陣既罪惡感會細好多；而薯角去連埋士多啤梨醬一齊食亦唔會有違和感。小編自己覺得原來用果醬配薯角食，會比平時用茄汁既更健康，更滋味!
至於丁香香橙醬所調製既綠茶 (套餐+$8)，橙香味唔錯，而果醬份量都唔少下，令杯飲品有陣陣橙香 (不過果醬可能本身唔係以甜為目標，整杯飲品會比較淡口既)。綜觀黎講，連埋上次響舊鋪食過既感覺，Let's Jam既質素響搬鋪後仍然保持到，燒豬肋骨既柔軟肉感令人有驚喜! 下次都會試埋全日早餐，睇下佢響西貢區入面唔同咖啡店既全日早餐比較會唔會更好先!
张贴
