生昌潮州海鮮酒家

营业中

休息中

住大圍嘅人都冇邊個唔識呢間打冷，因為佢大碟抵食而且keep住咁多年都好好味！通常三五知己嚟屋企玩完都會一齊去呢度食打冷。椒鹽鮮魷魷魚炸得透，炸皮薄，魷魚香，調味正！送啤酒一流～鹵水拼盤最鍾意食豬大腸！又軟又入味又香！魷魚都好入味又軟，紅腸就比較普通～黃糖蕃薯&芋頭本身想要反沙芋頭，但係呢度冇，估唔到呢個黃糖蕃薯&芋頭咁正！糖漿份量夠曬點勻每一舊，而且炸得好透，熱辣辣，蕃薯同芋頭都夠曬甜同軟，加上外皮脆脆地，點埋糖漿食真係唔錯～豬紅就偏油同鹹dd，味道都ok嘅。鵝片真係值得一試！鵝片切得比較薄，好軟熟、入味，肥瘦均勻，鵝味濃～底下層豆腐吸曬d鹵水汁，又夠曬厚，好好味！