喜萬年酒樓

营业中

休息中

J爸爸的生日飯密密食不停....新曆、舊曆、不停吃吃吃...今天輪到同嫲嫲及親戚長輩慶祝，選了來"喜萬年酒樓"，因為J爸爸想吃乳豬。其實喜萬年最出色都只係得隻乳豬，皮夠脆，肉味濃，有炭香，必食！蝦多士也是名物，炸得香脆，蝦亦鮮味彈牙。但始終不及陸羽。大良炒鮮奶亦炒得夠嫩，奶香十足，不油膩。炸乳鴿一般水準，不及唐宮一號。焗魚腸時好時壞，今晚的焗得太乾而且魚腸份量偏少。炒牛柳粒鮮嫩味濃，眾人大讚。薑葱鮮鮑魚仔是表弟的最愛，這裡的鮮鮑魚夠大隻而且亦有鮮味，不錯！"老少平安"我個人十分喜歡，魚肉及豆腐再加陳皮香，口味清淡，送飯一流。上湯浸娃娃菜及豆苗，點來給大家清清腸胃吧！訂了12個細壽包，收$10元一個，完全唔值，壽包皮又乾又硬，真係送都嫌難食。舊式裝修、舊式服務、舊菜式，如果大家想懷舊一番，或者同老人家前來，都可以考慮這裡。