喜萬年酒樓

品赏香港80年代鱼翅捞饭的气焰由门口位开始，驾驶去到茂萝街停车场满咗，表位见到有车出，代客泊排骨哥即刻放低雪糕筒，话佢系代客泊车唔俾我泊，政府表位㖞，佢叫我去问伟哥，我去喜万年食饭㖞！得，放低架车代泊收$100，违法霸位仲响朵咁怀旧！好，我泊街算！星期日餐厅晚市得几枱熟客，我们2人点了粟米斑块（炸得好但鱼及粟米汁无调味）、半份脆皮鸡（普通但好食）、半份盐烧牛脷（非常出色），埋单$927，服务还好，但可能我们消费不高，熟客有的糖水花生冇我哋份… 整体饮食体验经典怀旧，好耐都冇试过，食老本餐厅建议大家有得好食…查看更多

儿时味道，总叫人怀念！细个嘅时候，同长辈聚会庆祝就会去喜万年食乳猪。今次有朋友远道而来，带佢重温这份回忆！人少少叫咗半只乳猪，皮薄脆香，小朋友都争住食！生肠爽滑，口感一流，绝对系难得嘅美味！另外仲点咗瑶柱蛋白炒饭、啫啫生菜煲、咕噜肉、鲜虾肠粉煲同烧味双拼，每道菜都令人满足。压轴系西米焗布甸，微焦嘅表面，软滑嘅内里，配上甜度适中嘅莲蓉，令人回味无穷！呢款布甸越来越少餐厅有得食，一人可以轻松食两三碗，回味那份儿时嘅幸福滋味！…查看更多

第一次去呢间酒楼饮茶，见系老字号，所以就试吓。因为朋友星期六要返工嘅关系，所以就约咗食下午茶时段。2:00去到，等枱等咗半个钟。食食吓喺3:29先知道啲员工3:30落场。喺无通知嘅情况之下3:30准时全场熄灯赶客人走。所以如果大家去食记住避开下午茶时段，除非你食得好快，一个钟之内可以食完啦。场入边有老有少，员工都唔会话特别留意就熄晒所有灯。仲要间酒楼喺地库𠮶层，熄咗灯之后场内黑麻麻，迟早有意外发生。啲人要摸黑咁执嘢走，我同我啲朋友都要开手提电话嘅电筒先可以睇清楚有无留低嘢。但系食物系OK嘅，啲虾饺好大只。但系员工嘅态度要改善一下。…查看更多

例牌叫咗春卷，春卷炸得个皮好脆，都几好食。虾饺真系出色，内涵嘅虾有好多只，好足料，咬落弹牙，味道调得刚刚好，个皮又好薄，新鲜出炉，热辣辣好好食。马拉糕整得唔系好甜，个糕亦好有弹性，好好食。山竹牛肉球，牛肉球咬落入面唔会话有啲根咁咬唔烂，整粒都琳琳滑滑咁，个味亦调得啱啱好，值得一试。见到隔篱枱叫左个金黄色好大笼嘅食物，卖相好吸引，所以就跟住你叫咗一个，佢系花胶栗米蒸虾滑，好大笼，花胶好大块，虾滑好多，粟米又好甜，好好食。好耐冇食锅贴，叫咗一碟，煎得唔够香脆，但涵料就好足，食一个都好饱 。…查看更多

湾仔地牢夜总会酒楼？  诚意推荐春风得意肠《喜万年鲜虾饺（特）》$49 真系皮薄馅靓！一上台见到啲皮好晶凝通透。里面有满满嘅虾肉，食落爽口弹牙！ 《蟹籽烧卖皇（特）》$49 都系大大粒，有一大嚿猪肉虾肉同冬菇馅，香口好食！  《豉汁蒸凤爪 （中）》$42 不过不失啦，蒸得够腍，不过味道就唔算太突出。 《春风得意肠(顶）》 $47 懒惰鼠最爱！集合几种口感又真系好得意！先黎个滑滑既肠粉外皮，咬一啖系脆既？系春卷！中间有层香脆既春卷皮呀！最里面又有弹牙嘅鲜虾！劲好食呀～～～！不过呢个一定要趁热食，如果唔系春卷皮潮左就食唔到呢个咁得意嘅口感㗎啦！ 《古法马拉糕(中) 》$42 味道质感都系属正常发挥啦！ $285  整体 食物味道中上，大推春风得意肠。 环境就唔太开扬，同隔离枱既食客会比较亲密。服务态度就正常，不过黎饮茶都要等下位架。  Rating： 懒惰鼠 😻😻😻😻 懒惰虎 🤩🤩🤩+0.5  📍喜万年酒楼湾仔轩尼诗道288号英皇集团中心地库 💰人均消费：$150 ⏰营业时间：11am-11pm  …查看更多