六公館

营业中

休息中

適逢母親節就決定同屋企人去食返餐好嘅！今日就決定去到尖沙咀海港城呢一邊食飯，我就揀咗呢一間餐廳同屋企人飲茶，順便慶祝母親節！餐廳望住海景，非常有格調！ 屋企人都忍唔住出去打卡.首先要推介佢隻蝦餃，嚟到嘅賣相非常挺身！咬落去嘅時候有少少嘅汁，熱辣辣咁非常好食！每一隻蝦都做到爽口彈牙嘅感覺食得出，佢調味上唔會太鹹，屋企人都非常鍾意！流沙包，亦都幾有驚喜，賣相非常靚，佢個包嘅外層係黑色再加少少金色！非常高級嘅感覺！咬落去個包即刻流晒出嚟，大家食嘅時候睇住熱！個包既奶香濃郁，仲有沙沙地既口感，味道甜鹹交融，非常特別！反而覺得腸粉同埋灌湯餃就冇乜特別 雖然價錢有啲貴，但係有機會會再返嚟幫襯！最緊要屋企人開心