ねずみの王冠 喫茶店

营业中

休息中

Weekend比較少去觀塘食Lunch，呢日有啲野要做，索性早少少出黎睇下有咩食~今次第二次黎【Hamsta Crown Coffee】食野，環境及食物偏日式，幾適合坐得慢慢傾下計食下野。《明太子醬燒松葉蟹肉壽司配冷三文魚籽蕎麥麵 $98》蟹柳小卷上面鋪滿明太子醬，再放上松葉蟹肉，賣相精美，明太子醬則有點不夠辛辣，咸香味重啲，松葉蟹肉算是鮮甜。另外配搭蕎麥麵，三文魚籽份量偏少，令人感覺可有可無，Soba汁就有啲茶味，同樣偏水偏淡口。《三文魚籽忌廉海鮮墨魚麵 $88》呢款比蕎麥麵套餐好食，蝦肉爽口彈牙，仲有三文魚籽、青口、帶子仔、蜆肉等海鮮，醬汁Creamy，墨魚麵有墨汁香味，可以 一試。