鮨穴

营业中

休息中

今日last day，就請上司食餐好嘅，一直都想試呢間日本料理，睇落幾高級，於是就book咗兩位。其實咁大個女都未寫過食評，但食完之後忍唔住想讚下😋服務：💜💜💜💜💜雖然成間餐廳都係男侍應，但佢哋都好細心，見我哋食完冷盤之後，都即刻換另一隻碟俾我哋食熱食，周不時都會留意仲有冇熱茶，仲要好有耐性咁介紹menu食物：💜💜💜💜💜冷盤叫咗三文魚沙律，芥末淮山同螢光魷魚三文魚好新鮮，淮山好好味，至於螢光魷魚就有啲腥，可能我食唔慣天婦羅都好出色，紫菜包蟹膏同海膽蟹肉，呢兩款都好好食，喺出面其他餐廳比較少見，值得一試見到啲串燒幾吸引，就叫咗四串加埋牛舌，牛肉串燒好Juice，油脂分布好好，牛舌都唔差，醬汁特別，但覺得切得厚身左，食得多有啲膩最後叫咗松葉蟹甲羅飯，有蟹膏、海膽、松葉蟹同蟹子，口感超豐富，食完一啖停唔到口，超級無敵推介👍🏻👍🏻👍🏻👍🏻👍🏻👍🏻成餐飯都食得好滿意，環境亦都幾舒服，唯一美中不足嘅係，我覺得餐廳可以提供信封/紙袋仔比顧客裝口罩。