金色不如帰 (H Zentre)

营业中

休息中

之前睇D page介紹日本米芝蓮拉麵【金色不如歸】黎香港開店時，就已經好想試。但之前分店唔多同要排隊，所以就拖到宜家。可能係行精緻米芝蓮路綫，所以裝修同格局都同普通拉麵店好唔同。獲獎拉麵係佢地既「黃金湯底」貝汁拉麵，所以絕對要試下呢一款。貝汁鹽味拉麵：香港比較少食到鹽味拉麵，而好食既更少，所以就想試下。鹽味會比較清、拉麵會加入白松露油、牛肝菌醬同香草。聞上去好濃海鮮同蜆味，但食、飲落去都完全無海鮮腥味，反而好鮮甜！麵條軟硬適中、牛肝菌同白松露味都好香！又無味精、又唔油、又鮮甜、真係可以連湯都飲埋！ 煙熏黑椒豚骨拉麵：經典豬骨湯拉麵、非常濃郁豬骨湯味、但完全唔會覺得鹹同油！加左黑椒微辣、好適合冬天！ 銀鱈醬油燒：好少拉麵店會有銀鱈魚食！肉質非常嫩滑、但又完全唔油膩！醬汁都唔會太濃！ 唐揚博多華味鳥：本身覺得呢個價錢有D貴、但佢係新鮮炸起又超級脆、但完全唔覺得佢厚粉！肉質非常juicy、就算放涼左都係好脆！ 紫蘇雙檸洛神花茶：紫蘇味唔算太重、洛神花同檸檬又幾match。不過凍飲味道會比較淡！