影片
更多
2018-09-03
198 浏览
同人慶祝生日，去咗位於九龍維景酒店嘅棕櫚閣，食好好味嘅自助餐。嗰日唔覺意OT遲收工，放工要即刻趕去，好彩交通都叫方便，唔使左轉右轉車。一入到去，佢哋已經食到一半，不過自助餐勝在無限供應，咁我當然唔好等，即刻出去拎嘢食啦。冷盤熱葷嘅選擇好多。冷盤嚟講，例有好受歡迎嘅刺身同埋壽司：三文魚、希靈魚、腐皮等等 。亦都有鮮蝦沙律，喺取餐區，已經係分好一碗碗細嘅，方便拎。亦都有海鮮，例如阿拉斯加雪蟹爪，而我最選上了芝士焗帶子，鮮味十足，又冇蟹爪嗰啲咁難剝殼🤣。而我再來了個自家砌的海鮮拼盤，大蝦、青口、東風螺、蜆......很滿足。熱葷有齊紅白肉，蔬菜飯麵。燒大蝦肉質 ，好有口感又夠彈牙；青口、東風螺同埋蜆肉都係好值得一食。甜品有各款蛋糕、批點，仲有朱古力噴泉、movenpick雪糕。雪糕係一杯杯獨立包裝，第一次出到佢嗰陣見到淨返一杯，但係侍應refill得好快，唔使擔心而提早拎定。飲品方面亦有相當多的選擇，果汁、汽水、奶茶咖啡 隨你喜歡。雖然已是晚上，但我仍愛來一柸泡沫咖啡。以下呢啲係個人精選：香煎鵝肝，任食！火候控制得宜，軟硬適中，而且香氣撲鼻，肥美夾著香氣，非常吸引。燕窩雙皮奶嘅燕窩比想像中細
同人慶祝生日，去咗位於九龍維景酒店嘅棕櫚閣，食好好味嘅自助餐。嗰日唔覺意OT遲收工，放工要即刻趕去，好彩交通都叫方便，唔使左轉右轉車。
一入到去，佢哋已經食到一半，不過自助餐勝在無限供應，咁我當然唔好等，即刻出去拎嘢食啦。
冷盤熱葷嘅選擇好多。冷盤嚟講，例有好受歡迎嘅刺身同埋壽司：三文魚、希靈魚、腐皮等等 。
亦都有鮮蝦沙律，喺取餐區，已經係分好一碗碗細嘅，方便拎。
亦都有海鮮，例如阿拉斯加雪蟹爪，而我最選上了芝士焗帶子，鮮味十足，又冇蟹爪嗰啲咁難剝殼🤣。而我再來了個自家砌的海鮮拼盤，大蝦、青口、東風螺、蜆......很滿足。
熱葷有齊紅白肉，蔬菜飯麵。燒大蝦肉質 ，好有口感又夠彈牙；青口、東風螺同埋蜆肉都係好值得一食。甜品有各款蛋糕、批點，仲有朱古力噴泉、movenpick雪糕。雪糕係一杯杯獨立包裝，第一次出到佢嗰陣見到淨返一杯，但係侍應refill得好快，唔使擔心而提早拎定。
飲品方面亦有相當多的選擇，果汁、汽水、奶茶咖啡 隨你喜歡。雖然已是晚上，但我仍愛來一柸泡沫咖啡。以下呢啲係個人精選：
香煎鵝肝，任食！火候控制得宜，軟硬適中，而且香氣撲鼻，肥美夾著香氣，非常吸引。
燕窩雙皮奶嘅燕窩比想像中細小，但食入口中，仍然感受得到香甜味美。
燒羊扒肉質可口，雖然有少少騷味，但仍然算係非常高級作品。
全晚唯一一樣唔係任食嘅就係海膽刺身蟹子沙律， 侍應會按照到場嘅人數提供， 一人一份。 用紫菜包住好香嘅海膽刺身同埋脆卜卜嘅蟹子，味道一流， 雖然唔係好多，亦都唔係任食，但加埋上邊嘅各款美食，都好夠飽啦。
张贴
