影片
更多
2021-07-21
1138 浏览
因為要去Time Square 買嘢，撞啱Lunch時段，間間餐廳都差唔多要排隊。好彩行到去鮨穴仲有Bar 枱，阿仔話唔介意坐Bar 位，咁我哋就食埋個晏再繼續shopping。鮨穴嘅食物都幾多選擇，生嘅、熟嘅，唔同配搭都可以，只要係鍾意食日本料理嘅人，總會揀到想食嘅嘢。價錢方面又大眾化，每個餐都有沙律、前菜、茶碗蒸、麵豉湯同甜品，份量非常足夠。我個仔點咗「咖哩吉列豬扒飯」，佢只係食咗一半就已經話好飽。我哋pack返屋企俾佢做晚餐都食唔晒，所以份量真係好多😆我自己就嗌咗「特上魚生拼盤」。魚生新鮮，種類都算多，有七款。因為我生酮緊，冇食到碗白飯、蒸蛋、麵豉湯同甜品，但係我都覺得好夠飽。如果想快快脆脆食個好味嘅日本餐，鮨穴係一個唔錯嘅選擇😊Oh, 順便一提，原來鮨穴而家係唔用得Happy Reward coupon 㗎！
鮨穴嘅食物都幾多選擇，生嘅、熟嘅，唔同配搭都可以，只要係鍾意食日本料理嘅人，總會揀到想食嘅嘢。
價錢方面又大眾化，每個餐都有沙律、前菜、茶碗蒸、麵豉湯同甜品，份量非常足夠。我個仔點咗「咖哩吉列豬扒飯」，佢只係食咗一半就已經話好飽。我哋pack返屋企俾佢做晚餐都食唔晒，所以份量真係好多😆
我自己就嗌咗「特上魚生拼盤」。魚生新鮮，種類都算多，有七款。因為我生酮緊，冇食到碗白飯、蒸蛋、麵豉湯同甜品，但係我都覺得好夠飽。
如果想快快脆脆食個好味嘅日本餐，鮨穴係一個唔錯嘅選擇😊
Oh, 順便一提，原來鮨穴而家係唔用得Happy Reward coupon 㗎！
张贴