長阪燒 (已結業)

前菜嘅磯煮鮑魚軟淋淋，海膽汁wasabi豆腐滑到冇朋友。跟住嚟嘅刺身三重奏真係無得輸：北海道海膽配帶子甜到漏，熟成鰆魚煙燻味勁重，赤貝同八爪魚配柚子醋同昆布，開胃到癲！最誇張嗰道絕對係茶碗蒸，個雞蛋殼攞嚟做容器，仲整到好似個鳥巢咁，加埋松葉蟹同三文魚籽，靚到唔捨得食！天婦羅脆卜卜，海鮮爐端燒嗰個牛油柚子北寄貝同三文魚鮫就多汁到漏，食完真係想encore。最後嘅西瓜汁甜品仲要整咗個大泡沫，簡直係為打卡而生。真心覺得係長阪燒唔單止可以醫肚，仲可以一班人gathering又或者一家大細/情侶嚟慶祝乜都好，呢度絕對係首選！💯