樂酒場 がくさかば

营业中

休息中

朋友介紹呢間喺尖沙咀嘅居酒屋好有氣氛，睇佢嘅相影到好似真係去咗日本咁，咁今日就約埋佢去試吓啦。呢間餐廳位於2樓，但係佢地下門口嗰度已經好靚好有氣氛，好多霓虹燈牌可以打卡。呢度嘅座位普通枱同埋榻榻米座位，我哋就梗係揀榻榻米啦。估唔到咁靚嘅居酒屋價錢都咁平，我哋叫咗好多食物但係都唔使$1000。我自己最推薦呢個三文魚層層碟，職員仲會喺你面前用火槍燒，非常適合打卡。佢嘅刺身拼盤都好抵食，有五款唔同嘅刺身，而且份量都好多同埋好新鮮，我自己最鍾意食帶子，因為比較厚切。另外佢嘅串燒都好出色，推薦呢個燒雞翼，雞翼好大隻，而且調味做得好好，雞肉都好嫩滑。呢間餐廳又靚，而且食物質素好高，非常推薦大家同朋友聚會嚟試吓啊。