Coffee Break (鴻輝大廈)

营业中

休息中

今日同朋友去旺角附近搵嘢，見到喺通菜街度有間環境幾好嘅cafe, 於是就入去試下。 入面裝修幾新有啲格調。坐低左後，我哋叫咗個DP6 鮮茄蓉大蝦意大利燴飯，同叫咗嗰DP5 蕃茄忌廉煙三文魚意粉。我哋仲叫咗個香烤蜜糖雞翼沙律，另外跟餐叫咗個藍莓果粒茶同一杯芒果紅茶。 過咗五分鐘侍應首先送上跟餐嘅沙律，上面有兩舊番茄同新鮮蔬菜，配上啲沙律醬同橄欖油。 跟住店員送上藍莓果粒茶，藍莓果粒茶用個茶壺裝住。另外有個細杯同埋一罐蜜糖，果粒茶味道幾新鮮，同埋啲茶可以無限refill。 跟住店員送上烤蜜糖雞翼沙律，雞翼好入味，烤蜜糖味好濃。 鮮茄蓉大蝦意大利燴飯跟住都送上，入邊有兩隻大蝦分別切開咗，方便我哋食入邊啲肉，大蝦好鮮甜好好食。意大利燴飯同鮮茄蓉都好夾。 最後係蕃茄忌廉煙三文魚意粉，番茄同忌廉汁好多，意粉食落都好入味，上面部滿曬煙三文魚同埋唔同嘅菇菌。