Coffee Break (鴻輝大廈)

今日放工, 約了朋友去旺角家樂商場購物, 到了晚餐時間, 看看 OpenRice  附近餐廳介紹, 找到  CoffeeBreak通菜街近登打士街.  門面吾錯. 入門有打卡位, 有創意,  旁邊書架有旅遊書籍可以借看, 好暖心.食堂內裝修有花草點綴, 燈飾優雅.  感覺有時尚文青氣息.座位設計分方桌, 高座, 吧枱位, 好別致. 今晚餐廳客人很多,幸好有兩個位, 店員服務很好, 我們坐下來便迅速送上白開水, 天氣熱先飲一口透心涼.店員介紹抵食 法式香草烤雞套餐,  二人$338,   看看,  好抵食.  有沙律, 餐湯, 主菜 法式香草烤雞,  意粉或薄餅 ,甜品, 餐茶, 好豐富. 好岩口味啊.法式香草烤雞套餐,  精選餐湯： 南瓜蓉忌廉湯, 南瓜湯濃郁香甜. 南瓜口感順滑, 非常美味.經典凱撒沙律配煙鮭魚,  爽脆沙律菜, 鮮車厘茄, 鋪滿芝士粉, 配上麵包粒, 芝士, 食得健康又開胃. 煙鮭魚襯托新鮮蔬菜, 份外鮮美又可口.法式香草烤雞全只, 烤得香, 又有份量. 烤雞 已切開, 伴有香草, 車厘茄, 調味正. 每人半隻, 烤雞 肉質嫩滑, 有雞味, 煙鮭魚蕃茄忌廉水管粉 水管粉軟硬適中, 十分煙韌, 吃起來相當彈牙, 啖啖意粉都拌上 煙鮭魚, 蕃茄忌廉醬料, 口感一流.精選甜品 熱檸檬茶.  芝士蛋糕, 芝士味香濃, 口感細滑,  加上滑忌廉淡淡牛奶味.  正.熱檸檬茶,  檸檬味清新,  味道清爽怡人.餐廳食材新鮮, 水準確實不俗, 份量多, 吃得豐富. 價錢合理 侍應們招呼好. 這個晚餐, 令我們好回味啊 !! …查看更多

在旺角鬧市一條街上發現了一間很chill的西餐廳，忍唔住入去食個晚飯 。餐廳環境寬敞優美，木系裝修令人覺得溫暖，唔想諗既情況下，我們點了二人餐，還有night specialMenu，星期四是芥末忌廉蘑菇牛肉吐司，當然要來一份 。芥末忌廉蘑菇牛肉吐司多汁牛肉配上香滑忌廉蘑菇，芥末微辣刺激味蕾，吐司烘得香脆，咬落層次豐富。南瓜湯入口幼滑，南瓜香甜自然，奶香同微微胡椒味融合，飲落暖胃又有層次。煙三文魚凱撒沙律煙三文魚鹹香油潤，生菜新鮮爽脆，凱撒醬濃郁，配上脆口麵包粒同芝士碎，鹹香同清新完美平衡法式香草烤全雞外皮烤到金黃香脆，雞肉嫩滑多汁，香草味道滲透每一絲雞肉，咬落有淡淡蒜香同香草清香，肉汁豐富。龍蝦汁海蝦忌廉意粉意粉掛滿濃郁龍蝦汁同忌廉醬，海蝦鮮甜彈牙，醬汁帶點海鮮鮮味同奶香，口感細膩又唔膩。柚子蛋糕蛋糕鬆軟濕潤，柚子清香微酸，帶點果肉粒粒口感，甜度適中，食完好清新。 飲品點了兩杯邪惡朱古力繽紛朱古力朱古力香濃幼滑，入口即融，帶有榛子及繽紛樂朱古力，口感豐富 。Oreo朱古力濃郁朱古力配上Oreo碎，口感層次分明，甜而不膩，飲完超滿足。…查看更多

印象中老闆Anson Kong的生日應援餐廳, 在這裡已經進行過幾次. 開心今年仍然在這裡一邊吃着美食, 一邊欣賞生粉所準備的美照.今次點了"黑松露忌廉醬燴意大利飯",香噴噴; 再點了印有老闆美顏的咖啡, 大滿足~…查看更多

這次中午來訪，品嚐了他們的招牌芝士漢堡、卡邦尼意粉及雜莓乳酸飲品，整體感覺滿足。🍔 芝士漢堡（8安士安格斯牛肉）我揀咗七成熟，牛肉味濃，口感唔錯，芝士夠香，包都幾脆，整體幾夾。薯條係半碟，炸得唔錯，唔會太油。🍝 温泉蛋卡邦尼意粉卡邦尼味道夠，煙肉有香味，最鍾意係個温泉蛋，蛋白滑，蛋黃流心，拌埋意粉一齊食幾好味。🍓 雜莓乳酸飲品飲落酸酸甜甜，幾清爽，夏天飲幾啱。📍 總結食物有水準，價錢合理，唔算驚喜但穩陣，係旺角想搵個地方坐低食個午餐都可以考慮。…查看更多

到訪Coffee Break享用二人晚餐，ｃｐ值很高！香蕉乳酪香蕉的甜味與乳酪的酸香融合，入口清涼，濃郁順滑。Oreo朱古力Oreo與濃郁朱古力相結合，味道濃郁。南瓜湯南瓜湯入口滑順濃郁，味道帶天然南瓜微甜。經典凱撒沙律 配煙三文魚這款沙律清新開胃，配上煙三文魚片淡淡的煙燻香氣，清爽又開胃法式番草烤全雞法式番草烤全雞外皮金黃酥脆，內裡肉質鮮嫩多汁，搭配開胃的蕃茄香草汁，酸酸甜甜十分開胃。蒜香辣大蜆意粉意粉煮得Q彈，蜆肉鮮甜飽滿，帶有蒜香與微辣，每一口都充滿鮮美。Wednesday Night Special - 白酒蕃茄煮青口週三特別菜單是白酒蕃茄煮青口青口新鮮肥美，肉質彈牙，蕃茄醬汁酸甜濃郁，湯汁搭配麵包份量十足，令人滿足。巴斯克芝士蛋糕巴斯克芝士蛋糕外層焦糖微焦，內裡濃郁滑嫩，甜度適中，口感細膩，搭配今晚的餐點，甜美的句點。…查看更多

以前一去旺角就帶朋友去傾下計坐下以前有兩間鋪位而家新裝修，但就得返一間鋪，地方唔算大自助落餐，落完15mins只有一樣野食但我地都無催單，野飲都無杯半個鐘後，中年男先話缺貨又唔比我地換其他野食，因為過左下午茶餐時段？最後好勉強問廚房但都做唔到我地有少少錯愕，缺貨要咁耐先知？仲要佢態度都係唔叫就算，如果我地係好肚餓真係會喊出嚟希望店長留意下情況，態度咁差真係未必再嚟覺得出品都還好，但因為樓面而得失客真係得不償失…查看更多

琴日同朋友去到旺角食飯，嚟到呢間Coffee Break😁 呢度裝修得好靚，打卡一流👍🏻 嘢食都唔算貴，我哋叫左三個主菜，一個升級跟小食，仲有三碗南瓜湯同三杯嘢飲，除開每人都係一百蚊左右，仲要食得好飽！😋南瓜湯好creamy，南瓜味好濃，每啖都有南瓜嘅甜味😁煙三文魚蕃茄忌廉水管粉係呢餐入面我最鐘意嘅主菜😌 蕃茄酸酸甜甜咁，好開胃😋 但係就冇食到有煙三文魚😅 除左呢點之外都係好好食嘅😁卡邦尼意粉咁經典，當然都要叫番個嚟食！意粉都幾掛汁，嗰醬都好creamy，但就冇乜特別😬手工小薯粒意粉配黑松露忌廉醬就幾特別，我哋以為黃色一粒粒嘅係薯仔，點知一食落去，煙煙韌韌咁，原來係整成薯粒咁樣嘅意粉😂 好似食緊鹹味麻糬咁😂薯條非常出色！😋 啱啱炸好就上枱，每條都脆卜卜，黑松露醬香味濃郁，超級夾味！嘢飲方面就麻麻，叫左雜莓乳酪、繽紛樂朱古力同埋抹茶拿鐵。雜莓乳酪入面有啲雜莓嘅果肉，但係就連埋啲果皮，我自己就唔太鐘意呢個口感😔 加上杯嘢飲飲落就係益力多味，唔係好飲得出有雜莓味😔繽紛樂朱古力相對好飲，唔會太甜，但就係一杯好飲嘅朱古力再加兩條繽紛樂😅抹茶拿鐵好濃茶味，而且唔係好甜，適合唔鐘意甜嘢嘅朋友👍🏻 但我自己鐘意飲甜啲，所以就不太喜歡😬總結！呢間cafe適合鐘意打卡嘅朋友，加上周不時都會有各種應援活動，打卡影相一流👍🏻 反而嘢食就冇乜特別，勝在唔算貴同埋都食得夠飽👍🏻…查看更多

心情鬱悶，想找個舒適的地方放鬆，找到一家咖啡店☕️餐廳環境寬敞，淺木色桌椅，裝潢走現代簡約風提供一個簡約溫馨的空間，讓顧客在繁忙都市中找到片刻寧靜窗外街景與室內綠植相映成趣，營造輕鬆氛圍二人晚餐精選餐湯南瓜忌廉湯橙黃濃郁，入口滑順前菜七十度慢煮葡萄牙八爪魚沙律造型精緻，清爽開胃巴拿馬火腿蜜瓜拼盤配忌廉芝士醬鹹香甜美，層次豐富主菜香煎安格斯肉眼扒肉質嫩滑，香草牛油香氣濃郁蒜香辣蜆意粉蜆肉鮮甜，蒜香微辣，意粉彈牙…查看更多

木系cafe，打卡位處處，二人餐好豐富！👉🏻精選餐湯今日係南瓜湯，口感綿密，淡淡奶油香，湯嘅濃稠度適中，配有麵包粒有口感！👉🏻70度慢煮葡萄牙八爪魚沙律份量唔少，八爪魚好鮮嫩彈牙，唔會過於韌硬，搭有清爽沙律菜，好開胃！ 👉🏻巴馬火腿配蜜瓜、提子、忌廉芝士醬擺盤有心思，入口鹹香同清甜，提子增添多汁感，忌廉芝士醬濃郁！ 👉🏻香煎美國安格斯肉眼扒好有驚喜，叫左五成熟內質粉嫩多汁，肉香濃郁，鹽調味好均勻，連d配菜都好入味！👉🏻煙三文魚蕃茄忌廉水管粉濃而不膩，微辣好惹味，水管粉吸附醬汁嘅能力強，好Creamy！👉🏻凍美式咖啡甘苦味重，加入焦糖糖水增添甜味 ！👉🏻白桃玫瑰烏龍冷泡茶天然果香、花香同茶香，清新優雅，甜度自然！👉🏻日式柚子蛋糕口感輕盈蓬鬆，帶有清新柚子味，蛋糕濕潤！…查看更多

無諗過旺角女人街都有文青休閒cafe 之前經過見到，即刻約f去試試。餐湯是南瓜湯，上面加了香脆的煙肉碎和麵包多士，口感層次都非常豐富。前菜有兩款，慢煮葡萄牙八爪魚沙律，生菜食落好爽脆，八爪魚用70慢煮而成，肉質彈牙，配上檸檬汁和香草醬大大提升了鮮味。另一款前菜是巴馬火腿配蜜瓜的賣相精緻，加上了新鮮提子和焦糖核桃，配上忌廉芝士醬，色香味俱全。香煎美國安格斯肉眼扒，選了七成熟牛扒，用牛油煎得外脆內嫩，一上菜已經聞到牛味好香濃。海蝦西班牙辣肉腸意粉，醬汁很Creamy，海蝦都好大隻彈牙，配上辣肉腸片又有一番風味。甜品是柚子芝士蛋糕，味道好清新食落唔膩，聽店主講日日都唔同款，都是新鮮製作的。唔錯😌應該會再去。…查看更多

前排同朋友去咗旺角食咗餐CP值極高嘅西餐🙌🏻🙌🏻南瓜湯加埋忌廉令到個湯好滑，入面仲加咗啲好脆口嘅麵包粒，令到呢個湯嘅口感好豐富，又滑又好飲70度慢煮葡萄牙八爪魚沙律餐廳用慢煮方式處理八爪魚，令八爪魚完全唔韌，仲好爽口彈牙，加埋蕃茄同洋蔥🧅，好開胃海蝦西班牙辣肉腸意粉海蝦肉質彈牙，意粉索晒濃郁嘅醬汁但又唔會太冧，辣肉腸嘅辣味刺激到味蕾，令到呢個意粉整體又提升咗個層次安格斯肉眼扒（Meidum Rare）為咗試到肉眼扒嘅肉質，我特登揀咗Medium Rare🙌🏻一切開就感受到肉質好冧，顏色好靚，食落肉味好重，熟度火喉都啱啱好雜莓乳酪質地唔會太稠或者太稀，仲食得出顆粒感，酸酸甜甜，健康得嚟好開胃，又可以解膩😋呢餐飯人均$250，CP值滿滿🙌🏻🙌🏻…查看更多

今晚試咗間隱世西餐小店，每道菜都睇得出師傅嘅心思，絕對係有heart之作！ 首先飲個餐湯開下胃先 南瓜忌廉湯，成個湯勁濃郁南瓜味而且好ＣREAMMY，裡面仲有煙肉＆洋蔥同蒜蓉包，整個香氣提升一個層次而且煙肉煎到脆卜卜好有口感頭盤：70度慢煮葡萄牙八爪魚沙律八爪魚用低溫慢煮到剛好彈牙juicy墊底嘅沙律菜極新鮮，配埋個檸檬油醋汁，酸香醒胃，夏天食真係一流！  巴馬火腿拼盤玩咗個小心思，除咗經典蜜瓜，仲加咗爆汁提子。薄薄的蜜瓜片包住火腿勁有taco feel24個月風乾火腿鹹香適中，油脂同水果甜味撞出火花，送酒簡直無得輸。 忌廉芝士醬安格斯肉眼扒三成熟嘅美國安格斯，切開見到粉嫩肉心，外層煎到微微焦脆。最過癮係嗰pat自家調製嘅忌廉芝士醬，濃郁得嚟帶少少酸味，意外地解膩。香煎小薯意粉糰係驚喜位！外脆內軟嘅Gnocchi沾滿黑松露忌廉醬，每粒都索晒松露香氣，個醬汁濃到可以掛住啲薯糰，食到舔舔脷。 甜品巴斯克芝士蛋糕做到流心效果，一叉落去湧出濃濃奶香，面頭焦糖脆皮同裡面幼滑芝士形成反差，配埋旁邊嘅雜莓乳酪，酸甜平衡剛剛好。埋單前飲多杯香蕉乳酪特飲，用新鮮香蕉打成果茸，質感厚身得嚟唔會太甜，完美作結。 成餐飯食得出廚師對食材嘅尊重，慢煮同醬汁配搭尤其見功力。每道菜都保持水準，絕對會再encore！ （溫馨提示：晚市最好預早book位，小店得十零個座位咋～）…查看更多

同屋企人食輕西餐一直好少係橫街小店食飯見裝修唔錯，入邊都有人食緊應該都唔會中伏啦食物幾好食但係問題就係多蚊螆！我哋坐一入門口直行既四人枱未上食物前已經有蚊滋1,2隻飛來飛去表妹拍死咗一隻😓前菜，牛扒，意粉陸續上枱就越來越多蚊螆圍住飛，兩三隻，三四隻我姨又拍死咗2隻😓總共拍咗3隻，真係罪過。見唔對路就搵咗女侍應(著便服估係老闆娘)黎反映佢答覆:呢排天氣潮濕，所以有好多蚊螆佢哋已經搵咗人，收舖後滅蟲佢亦都有提議同我換過晒啲食物(D蚊螆有停留過係牛扒+意粉上😓)佢個提議我哋拒絕咗D蚊螆依然存在，都解決唔到換過新食物有咩意思？咪一樣飛來飛去+or 會停留屋企人唔想煩快食完傾多陣偈就走我唔知HK呢幾日係潮濕但佢好似預咗食客要食住黎撥蚊？要反過黎體諒？潮濕100%滴水嗰啲日子唔使黎食喇？個女侍應係比錢離開時都有再講唔好意思etc説話不過….我覺得蚊滋問題店方一直都知HK唔係今年or 今日先突發潮濕吧但點解唔處理+解決衛生問題先至開舖做生意呢？覺得咁樣都會有回頭客？定賺得一枱客都可以？天氣潮濕係原因遲啲夏天熱可能又係原因種種都係原因如果有心做好環境+餐廳衛生應該唔難吧食物再好食但衛生問題…….真心接受唔到另外係門外睇餐牌時女侍應就主動走黎好好咁介紹入到去坐低問下餐牌上既野叫scan QR 入去睇喎⋯⋯即係入咗去預你唔會走就懶得理你？呢間野唔會再幫襯…查看更多

位於旺角女人街，位置不顯眼，但燈光及色調柔和，具現代化的裝修風格。而且價錢吸引，客人不多，所以一試。點了兩客晚餐，分別選了餐湯和沙律作前菜。沙律擺盤精緻，青瓜卷得整齊，生菜爽脆。餐湯是南瓜湯，內裡有脆身的鹹火腿，在微甜的熱湯突出了鹹香，令味道更有層次。主菜分別是酥炸雞球蕃茄燴意大利飯及溫泉蛋卡邦尼意粉。前者有多件炸雞，鬆脆可口，雞肉嫰滑。意大利飯夾雜了蕃茄和菇粒，清甜美味。後者溫泉蛋滑溜，煙肉及菇粒份量極多，賣相吸引。食物質素極佳，而價錢只是每人$110，這性價比令人喜出望外。服務方面，招呼周到，使人滿意。…查看更多

今日黎到旺角覓食，見到呢間coffee shop 有下午茶就走入去試😆QR code 落單，方便快捷～ 🐔墨西哥辣椒牛油果雞肉芝士熱卷配薯條～ 薯條脆卜卜好好食，墨西哥辣椒，果然名不虛傳，食落都真係幾辣🌶️～ 唔食得辣嘅朋友就唔建議你哋啦～ 個卷雞肉份量多，但略為乾身，多番少少汁會好啲～😕服務真係有待改善，侍應嘅態度好似唔耐煩咁，令人感覺唔夠友善…查看更多