The Big Bite Flame-Grill

营业中

休息中

今日有青春姪女陪我呢個老嘢食tea，仲要請我食添！果真係懂得敬老嘅好青年！！先來個caesar salad ($65) － 沙律菜新鮮爽甜，不過醬汁就略為多咗D。Crispy bacon cheese burger ($75) － 漢堡包面微微燒過，麵包內軟外脆，漢堡排煎得剛好5成熟左右，牛肉味濃，肉質鬆軟多汁，配搭香脆煙肉同軟滑芝士非常惹味，中間夾有酸瓜，生菜同蕃茄，仲有微青辣椒更加開胃！Cihk Poutine ($48) － 熱辣辣嘅煙肉芝士烤汁薯條，上面仲要加隻太陽蛋，見到已經開心晒！粗大嘅薯條沾滿芝士同牛肉汁，味道濃郁，滋味無窮！Peppermint tea ($36) － 用twining茶包，不過不失。Oreo milkshake (＄60) － 極邪惡之奶昔，朱古力味道不太濃，奶昔亦算幼滑，如果能夠造得濃稠一D會更加好。呢度不設加一服務費，可能位置比較隱蔽嘅關係，所以人流仍唔算好多，店員友善，的確係一個假日休憩嘅好地方！