A.T.A.S

营业中

休息中

餐廳位於銅鑼灣，主打傳統星加坡料理，炒粉飯、湯麵、海鮮/肉/菜、特色飲品樣樣有齊，轉角位樓梯上，以白同綠色為主調，行簡約休閒設計風，值得到訪😎海鮮選擇眾多，要咗麥片老虎蝦，份量適中，外層灑上香脆嘅牛油麥片，香氣四溢，蝦超級大隻，咬落彈牙，啖啖肉，另外仲有兩款辣嘅口味，下次可以試埋佢！見枱枱都叫白雪牛油骨，豬排骨香嫩，好多肉，亦有好多肥膏，再佔上奶油醬、灑滿椰絲同奶粉，邪惡又好味道，越食越過癮，口味方面亦有咖啡同鹹蛋黃，相信同樣出色～ 海鮮板麵嘅麵條係手工製作，高湯清甜，海鮮味突出，配上粒粒碎肉、新鮮蔬菜、江魚仔同溫泉蛋，回味無窮，味道好有新加坡嘅小販攤feel，呢款嘅性價比高都算高，可以叫🍜最後要埋兩杯特色飲品，賣相一流，十分吸睛，美祿恐龍充滿濃郁嘅milo味，應該話係小朋友嘅味道，好甜好鍾意、另外有玫瑰露恐龍，升級版本，個人喜歡前者多啲，但都值得一試！