影片
更多
2024-10-07
434 浏览
啱啱去完日本，已經好掛住日本嘅燒肉。朋友介紹咗喺銅鑼灣嘅一間日式燒肉，就去試吓止唔止到燒肉條癮。呢間餐廳喺銅鑼灣站一出唔使5分鐘路程，好方便。餐廳可以散嗌、二人套餐、放題。年紀大咗胃口細咗，所以我哋揀咗$598二人套餐。前菜有芥末八爪魚配青瓜、鮑魚沙律，有驚喜、好清新。燒肉有日本A5、澳洲A9、USDA安格斯牛，當中以安格斯牛鎖鏈肉質出色，食完會想再食。另外有燒虎蝦同帆立貝，帆立貝大大粒，鮮味尤其出眾。最後仲有黑松露和牛炒飯、自家製奶凍，大滿足。整體嚟講牛肉出色，又有海鮮搭配，小食清新、份量大。另外，職員服務殷勤，會提醒你啲肉就快燒好，讚。
朋友介紹咗喺銅鑼灣嘅一間日式燒肉，就去試吓止唔止到燒肉條癮。呢間餐廳喺銅鑼灣站一出唔使5分鐘路程，好方便。
餐廳可以散嗌、二人套餐、放題。年紀大咗胃口細咗，所以我哋揀咗$598二人套餐。
前菜有芥末八爪魚配青瓜、鮑魚沙律，有驚喜、好清新。
燒肉有日本A5、澳洲A9、USDA安格斯牛，當中以安格斯牛鎖鏈肉質出色，食完會想再食。
另外有燒虎蝦同帆立貝，帆立貝大大粒，鮮味尤其出眾。
最後仲有黑松露和牛炒飯、自家製奶凍，大滿足。
整體嚟講牛肉出色，又有海鮮搭配，小食清新、份量大。另外，職員服務殷勤，會提醒你啲肉就快燒好，讚。
张贴
