自助山

营业中

休息中

🍴疫情之後都好少去食自助餐，難得又開返晚市，兩話不說即刻book位🦞凍海鮮 (推介指數: ⭐️⭐️⭐️⭐️⭐️）龍蝦，蟹腳，蟹鉗，蝦，青口，翡翠螺，蜆，但就無生蠔，選擇都幾多同新鮮，龍蝦有膏😍蟹腳唔會太咸🍣刺身 (推介指數: ⭐️⭐️⭐️⭐️）三文魚，吞拿魚，甜蝦，帶子，油甘魚，最好食係帶子🤤原粒夠鮮甜，好厚身同大粒🦆鴨肝多士 (推介指數: ⭐️⭐️⭐️⭐️）相對無鵝肝咁重油香，但就無咁殘忍🙈加左黑醋食落就減低油膩感🍤天婦羅 (推介指數: ⭐️⭐️⭐️⭐️）炸蝦，南瓜，秋葵，番薯，茄子，粉漿唔會好厚，亦唔會炸到好油🦪焗海鮮有焗原隻帆立貝，蠔，龍蝦，帆立貝用左芝士焗，肉都幾大住，焗蠔個醬帶少少辣，幾惹味😋🍄鮑魚花膠海參 (推介指數: ⭐️⭐️⭐️⭐️）炆到好入味，冬菇好大隻爽口，花膠同海參都好滑，容易咬，鮑魚有咬口🧁 (推介指數: ⭐️⭐️⭐️⭐️⭐️）甜品選擇好多種類，凍熱食都有，如果鍾意食榴槤既，一定要試焦糖榴槤燉蛋，真係超好食，好重榴槤味，又唔會好甜，燉蛋好滑🌟送一杯橙汁，其他飲品任飲，食物種類多元化，中式，西式，日式，泰式都有