龍門客棧 (麗豪酒店) (裝修中)

朋友慶祝生日，一行五人坐左三個幾鐘，吹水食飯，空間好大，服務好周到特別係個侍應哥哥超級細心！我哋叫咗一個四人套餐再散叫其他小食，因為有第一城住戶證，所以散叫會有七折，真係好抵。不得不讚係個甜品高力豆沙，有少少香蕉蓉在內，出邊嘅糖唔係普通砂糖係食豆腐花嗰種黃糖，唔會太甜又唔會太流！仲有個酸辣湯，個木耳絲切得好細條， 豆腐絲亦都好細條， 完全感受到師傅嘅刀工，所以飲落去嘅時候都好滑好滑好順口，我哋叫咗BB辣所以唔食得辣嘅朋友都可以享受得到。