沙田丽豪酒店有好多间餐厅，今次拣咗呢间与上海菜闻名嘅餐厅，装修真系成间客栈咁，门口仲有个水池仔，养咗堆锦锂喺度，地方好阔落企理嘢食方面，个花雕醉鸡好出色，一上枱已经闻到好浓嘅花雕味，好入味，鸡肉非常嫩滑，连鸡皮都好食！再嚟系个担担面，对得住佢驰名担担面呢个名，离远已经闻到花生酱味，食亲上海嘢，我几乎都会叫担担面，呢个算系数一数二，个汤底好浓厚，味道有层次，配埋啲肉碎好惹味，好啱钟意重口味嘅人，不过佢酸味比较出，唔钟意食酸嘅人可能会扣啲分，至于个奶油津白都好好食，菜好鲜甜，煮得好爽嫩，配埋啲奶油酱好creamy，面头有啲金华火腿碎，少少都好香，整体全部野都好食👍🏻最后仲送咗两碗糖水，由于唔钟意食杏仁嘅甜品，所以俾唔到中肯评价个杏仁豆腐冻，但佢口感系好嫩滑嘅，仲有放菠萝，个紫心番薯露唔会太甜，系会食到有啲番薯碎嘅～💰价钱参考：- 花雕醉鸡 $128- 驰名担担面 $78- 奶油津白$118…查看更多
