廣麪子

营业中

休息中

真心必食四寶切腩撈粗!!又到午飯時間，經過灣仔呢間前排新開嘅廣麪子，幾次行過門口都有人龍，就知道呢一間一定要搵一日嚟試一試!! 今日見有時間就諗住排吓隊啦，不過原來條隊都去得好快，排一陣都有位了！大熱天時，要嗌返杯鮮忌廉紅豆冰先得！紅豆夠足料啊，又夠大粒，收哂貨啦！跟住同朋友一個嗌咗切腩四寶撈粗，一個就四寶切腩湯麵！切腩真係好食，夠牛味，煮得夠腍！揀四寶切腩就啱晒，咁好味嘅牛唔可以錯過，仲可以試埋佢哋嘅雲吞，魚片頭，魚蛋，牛丸，正呀！撈粗麪嘅湯加左紫菜，值得一試呀！大家落單嘅時候，一齊見到隔籬枱嘅鮮牛油練奶多士，已經知道我哋都要嗌返份試吓架啦，烘得咁鬼靚，果然係好值得推介嘅！呢度真係好值得推介！