影片
以上资料只供参考，请与餐厅确认详情
要攞飞，永远啲位俾啲多人嘅大枱，你系一个人，等到天荒地老都未有得食，𠮶个所谓收银嘅店长，态度差，话一个人要等等等，一个人咪应该最容易有位吗？全香港啲食肆都喺度叫救命，你仲拣客，绝对不会再帮衬。
继续阅读
星期日晚上竟然唔使排队，只系坐满5成店铺环境光猛，座位宽敞亦干净❛ 切腩鱼蛋汤粉 ($52)切腩牛味香浓，带少少肥膏肉质软腍入味，但偏咸粗面爽弹唔重碱水味❛ 鱼蛋河粉 ($46)鱼蛋弹牙但偏咸，河粉幼滑，汤底唔会过咸配佢嘅祖传自家制辣椒油更惹味❛ 鲜忌廉红豆 (+$18)有惊喜！超多忌廉同埋红豆红豆煮得腍又保持到原粒饱满香甜—ʜᴋᴅ $46-80 𝗉𝗉𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? no𝙤𝙫𝙚𝙧𝙖𝙡𝙡: 6.5/10—📍 广面子湾仔大王东街2-4号安兴大厦地舖G/F, On Hing Mansion, 2-4 Tai Wong Street East, Wan Chai
继续阅读
系湾仔经过大王东街见到呢间“广面子”有门鳝鱼蛋，即刻同朋友仔入去试下先🤭位置方便，店舖环境整洁。入坐时刚巧午饭时间，人流多到不得了！我同朋友随即叫咗一枱食物😅唔知我哋为食定系肚仔饿呢😂• 登登登凳...王牌“四宝切腩捞粗”。切腩入口即溶，一啲都唔会韧；鲜虾云吞新鲜大粒，虾肉跟猪肉比例恰当；牛丸口感Q弹，肉汁鲜嫩；门鳝鱼蛋，乒乓弹牙，鱼香鲜甜，真材实料！最佳拍档梗系配埋鱼皮啦！呢度啲鱼皮、鱼片日日新鲜炸，唔系唔食呀嘛😂• 鱼皮金黄酥脆，咸香恰到好处，鲜味回香，厨师细心制作，仲配埋上汤一并享用，真系正到冇朋友！😂• 再嚟一碗“切腩三拼汤河”自选配料，试下墨鱼丸先，口感弹牙，墨鱼味鲜甜味浓，果然真材实料👍(喜欢食辣嘅朋友一定要试试佢哋秘制祖传自家制辣椒油，姐姐话辣椒油采用十多款材料泡制而成）唔怪之得面食可以承传传统50年味道，简直系经典面家嘅味道！餐牌食物种类好多，下次在encore😂😂
继续阅读
如果钟意食牛腩，对爽腩、坑腩同崩沙腩相信都唔会陌生。切腩又如何？虽然系港式面店，但装修新净，午市人头涌涌。餐牌好简单，腩同粉面系主打，最特别系招牌切腩。切腩四宝河“四𩠌”而经包埋切腩，价钱唔贵。平时食开乜腩物腩，不如试埋切腩。切腩同一般腩比，牛肉味道更浓，入口亦够腍。其余三宝仲有鱼蛋鱼片、牛丸同埋云吞，相当丰富。沙腩鱼蛋鱼片河另一碗拣左鱼蛋鱼片河加崩沙腩，崩沙腩肉膜相连，肥瘦刚好，软腍味香。鱼蛋鱼片日日新鲜炸。如果可以，加少少自家制辣椒油食令人更享受。酥炸鱼皮食粉面点少得炸鱼皮，新鲜香脆，有埋汤比你。西多士厚西多好有诚意，外层脆口，非常邪恶。消脂青柠食到咁饱，饮杯消脂青柠解腻一流。
继续阅读
湾仔放工时间，见到有间舖头新装修靓靓囝囝一早入咗去。唔算太肚饿，所以就叫咗净𩠌。净切腩四宝($180): 切腩加加埋埋都起码有15+旧 ，真系好抵食，下边会有菜底，四宝有云吞，鱼片头，鱼蛋，牛丸。切腩整得好淋，而且好有牛味，但唔系苏个只，完全唔会咬唔开，懒人都食到。啖啖肉，正。酥炸鱼皮($26):点少得炸鱼皮，佢呢间舖头标榜系每日新鲜自己炸嘅，上菜嘅时候会有一个纸袋同埋碟俾你，自己倒出嚟，当你浸落啲汤入边嘅时候真系听到lak lak 声，好脆口！鱼蛋鱼片河加紫菜(+$10)($56):朋友想食河粉，所以咗一碗试下。自己觉得加咗紫菜嘅呢啲港式河粉系真系好食好多，完全带出佢哋嘅鲜味，河粉亦都够滑。消脂青柠($18): 柠檬梳打咁样，正正常常。杂果宾治($18):见出边好少有呢一类嘅饮品，就系杂果宾治梳打，唔算太甜，而且用料都好足。总结：街上面见到呢一啲港式面店已经好少闹，算系自己嘅comfort food，净𩠌嘅份量真系好抵食。
继续阅读