影片
更多
2021-12-19
89 浏览
家庭樂 帶屋企人食高級粵菜聽朋友講會展金紫荊開返, 所以同家姐夾好專登帶埋屋企人黎試下, 一嘗高級既粵菜餐廳, 做下乖仔乖女.餐廳位置不變, 內裡佈局並未有大的變化, 名字上亦只掛上「生記」的大名.因為一早電話預約訂座, 所以職員迅速就安排入坐, 職員亦好貼心為我地放係櫈既外套套上「衫套」, 呢個貼心服務值得加分.點餐方面, 同屋企爭拗完一輪, 由於家中兩老想一試高級餐廳既「叉燒」, 所以決定叫一個「焦糖黑毛豬叉燒」, 就即本睇下同出面既究竟有幾唔同.上枱一刻, 外相確係吸引、高檔次的造型. 叉燒有光澤, 更帶有蜜糖既味道, 最特別既係食落竟然有D好好味既蜜糖既燶邊. 至於肉質方面, 屬半肥瘦的叉燒, 本人最愛, 而肉質一啲都唔韌, 兩位老人家都咬得到,食得津津有味.之後再黎「堂灼太白醉翁海中蝦」, 職員會拎出黎係你面前灌醉D蝦+係你面前煮. 睇落隻隻都係生蝦, 無死蝦; 上碟前職員更好有心思咁拼到一個「心」型. 至於味道方面, 可能我係用口剝殼, 所以食落個味都好重, 蝦頭有好多蝦膏, 但我就唔太鐘意食膏, 最後就交左比屋企人. 肉質方面, 蝦肉都好結實, 但唔算韌, 由蝦殼至蝦肉身
聽朋友講會展金紫荊開返, 所以同家姐夾好專登帶埋屋企人黎試下, 一嘗高級既粵菜餐廳, 做下乖仔乖女.
餐廳位置不變, 內裡佈局並未有大的變化, 名字上亦只掛上「生記」的大名.
因為一早電話預約訂座, 所以職員迅速就安排入坐, 職員亦好貼心為我地放係櫈既外套套上「衫套」, 呢個貼心服務值得加分.
點餐方面, 同屋企爭拗完一輪, 由於家中兩老想一試高級餐廳既「叉燒」, 所以決定叫一個「焦糖黑毛豬叉燒」, 就即本睇下同出面既究竟有幾唔同.
上枱一刻, 外相確係吸引、高檔次的造型. 叉燒有光澤, 更帶有蜜糖既味道, 最特別既係食落竟然有D好好味既蜜糖既燶邊. 至於肉質方面, 屬半肥瘦的叉燒, 本人最愛, 而肉質一啲都唔韌, 兩位老人家都咬得到,食得津津有味.
之後再黎「堂灼太白醉翁海中蝦」, 職員會拎出黎係你面前灌醉D蝦+係你面前煮. 睇落隻隻都係生蝦, 無死蝦; 上碟前職員更好有心思咁拼到一個「心」型. 至於味道方面, 可能我係用口剝殼, 所以食落個味都好重, 蝦頭有好多蝦膏, 但我就唔太鐘意食膏, 最後就交左比屋企人. 肉質方面, 蝦肉都好結實, 但唔算韌, 由蝦殼至蝦肉身都好有味, 唔需要沾任何既調味料.
食完蝦就到「香蔥海鹽馬友」上枱, 先以「馬友」外相已經煎得金黃香脆, 聞落已經聞到淡淡咸香味; 食入口果然無令人失望, 馬友肉質算厚, 食落味道好足夠, 即使不用搭配香蔥, 都已經令人拍手叫好, 因為真係好好味. 至於「香蔥」, 我就覺得加左都無得別加分, 就咁食都已經好正.
重頭戲的終於來了「火焰雞」. 一出場果然係無呃人, 真係用「鹽」焗住, 職員再係表面放火燒一陣, 之後就用鎚仔「扑」開個外殼, 分好隻雞先再上枱. 平時唔食雞皮既我, 今次都忍唔住食左連雞皮一齊食, 鹽焗既味道確係較出面食到既更為入味, 又至未於好咸, 但個人覺得咸多少少就完美. 而雞既肉質一啲都唔老, 亦都唔算多肥膏, 個人評級屬「中上」水平.
张贴
