鍋霸吃到飽台式養生火鍋 (創興廣場)

营业中

休息中

最近天氣成日落雨，非常悶熱，所以想去食吓啲辣嘢。今次就去咗台式吃到飽火鍋「鍋霸」食無限時吃到飽套餐。今次就叫咗第一級嘅prime grade美國安格斯肥牛，同西班牙冇激素豬任食。湯底有大概20款選擇，而我哋就選擇咗蕃茄麻辣牛肉湯，未見過出邊有得食。一開始會覺得麻辣味偏重，但食到後面會食得出蕃茄嘅香甜味，一個湯有兩個變化，非常特別。餐廳一上嚟會送一份特別小食先，今次係送炸花枝丸、另外有幾款shake shake粉可以同埋炸花枝丸一齊食，又食又玩。prime grade美國安格斯肥牛肉味香濃，肥膏唔算好多、都算唔錯。除咗肉類，仲有好多款唔同火鍋配料。尤其係手打丸同海鮮滑、或者流心丸。好多出面打邊爐嘅舖頭都冇得食嘅。火鍋配料個人最推介手打墨魚丸、手打潮汕豬肉丸、手打牛肉丸、醬爆濃芝士牛丸。蔬菜類都有好多選擇。飲品同醬料就喺出面自己攞、自家製飲品除咗冷泡茶之外，仲有酸梅湯同冬瓜茶非常特別。雪糕就限每人一款。