最近成日食火锅，今次拣左间120分钟任食台式火锅，分别有lv 1, 2 及3，价钱$278-488，我地拣左lv2，因为除左任食牛肉，仲有任食海鲜，最吸引我的是九节虾、蛏子皇、鲍鱼、广岛蚝......，饮品更有啤酒、韩国烧酒及台式特饮。20款汤底真系款款都想食，所以拣左鸳鸯汤底，田园蕃茄浓汤牛肉，有浓浓蕃茄鲜甜味，加上牛肉的肉香，好正。日本寿喜烧汤，又香又甜好夹肉类。扫码下单任食，调味、饮品及雪糕是自助任食。美国Prime Grade 极上牛颈脊，肉质鲜嫩，油花均匀，口感弹牙多肉汁，满口牛脂香气。Prime Grade 牛肩胛肉，中间有条筋，肉质结实，但切薄片涮熟，口感柔软，牛味浓郁。西班牙伊比利亚黑毛猪，估唔到肉质嫩嫩弹弹，冇渣又滑溜。海鲜好吸引，比较少火锅任食有齐几款海鲜任食，而且高质。九节虾非常爽口弹牙，虾味突出。海虾鲜嫩爽弹，肉质细致。蛏子皇好大只，而且又爽又脆，嫩滑多汁。鲍鱼柔软易咬，新鲜好味。广岛蚝胀卜卜好肥美，又滑又嫩，蚝汁鲜蚝膏浓，仲要唔腥。沙白蚬饱满无沙，爽口鲜甜。火锅配料都有好多选择，黑毛肚特别爽脆，鸭血腍滑，手工牛丸够弹牙，三星葱贡丸好重葱香，爆酱浓芝牛丸超多拉丝芝士好正，手工黑松露墨鱼滑爽口弹牙又鲜味，稻庭乌冬又滑又烟靭。羽衣甘蓝吸哂汤汁又唔靭，好好味，唐生菜新鲜爽脆，响铃唔油仲吸汤汁好味道。Movenpick 士多啤梨味，酸酸甜甜又有果肉，云尼拿味好香甜滑溜，劲多云尼拿籽，好香好正。Dreyer's 芒果雪糕，好香芒果味，质感绵滑，好好味。…查看更多
